ខ្សែប្រយុទ្ធចំណូលថ្មី Erling Haaland របស់ក្រុម Borussia Dortmund បានសាងកំណត់ត្រាដ៏អស្ចារ្យចំនួន៣ ក្រោយស៊ុតបញ្ចូលទី២គ្រាប់ម្នាក់ឯងជួយឱ្យក្រុមខ្លួនយកឈ្នះលើក្រុម Paris Saint-Germain…
ខ្សែប្រយុទ្ធចំណូលថ្មី Erling Haaland របស់ក្រុម Borussia Dortmund បានសាងកំណត់ត្រាដ៏អស្ចារ្យចំនួន៣ ក្រោយស៊ុតបញ្ចូលទី២គ្រាប់ម្នាក់ឯងជួយឱ្យក្រុមខ្លួនយកឈ្នះលើក្រុម Paris Saint-Germain ក្នុងវគ្គ១៦ក្រុមចុងក្រោយជើងទី១ នៃក្របខ័ណ្ឌ UEFA Champions League។
កំណត់ត្រាដ៏អស្ចារ្យទាំង៣នោះរួមមាន ខ្សែប្រយុទ្ធជម្រើសជាតិន័រវែសរូបនេះ ក្លាយជាកីឡាករដំបូងគេបំផុតដែលអាចរកគ្រាប់បាល់ឱ្យពីរក្រុមផ្សេងគ្នា (Dortmund/ Red Bull Salzburg) នៅ Champions League ក្នុងរដូវកាលតែមួយ។ ជាកីឡាករវ័យក្មេងបំផុត (១៩ឆ្នាំ) ដែលអាចស៊ុតបញ្ចូលទី១០គ្រាប់ក្នុងក្របខ័ណ្ឌនេះ និងជាកីឡាករដំបូងបំផុតក្នុងក្រុម Dortmund ដែលអាចស៊ុតបញ្ចូលទី៣កម្មវិធីផ្សេងគ្នាក្នុងការបង្ហាញខ្លួនលើកដំបូង (Bundesliga, Germany Cup និង Champions League)។
គិតមកទល់ពេលនេះ Haaland បានចាប់ផ្តើមការលេងដ៏អស្ចារ្យរបស់ខ្លួនសម្រាប់ Dortmund ដោយរកគ្រាប់បាល់បាន១១គ្រាប់ ពីការបង្ហាញខ្លួនចំនួន៧ប្រកួតគ្រប់កម្មវិធី ៕
ចែករំលែកព័តមាននេះ