សត្វ​ស្លាប​ចម្រុះ​រាប់​ម៉ឺន​ក្បាល​ចុះ​រក​ចំណី​​តាម​បឹងបួរ​ក្បែរ​អាង​ត្រពាំង​ថ្ម


ខេត្តបន្ទាយមានជ័យ ៖ សត្វ​ស្លាប​ចម្រុះ​រាប់​ម៉ឺន​ក្បាល កំពុង​ស្នាក់​នៅ​រក​ចំណី​តាម​បឹងបួរ​ប្រឡាយ​ក្បែរ​អាង​ត្រពាំង​ថ្ម ស្រុក​ភ្នំស្រុក ហើយ​អាជ្ញាធរ​ស្រុក​កំពុង​យកចិត្តទុកដាក់​ការពារ ។

លោក​វរសេនីយ៍ឯក​យ៉​ត សុផល អធិការ​នគរបាល​ស្រុក​ភ្នំស្រុក​ប្រាប់​ថា ជាក់ស្តែង​នៅ​រដូវប្រាំង​នេះ​ឃើញ​មាន​សត្វ​ស្លាប​ចម្រុះ​រាប់​ម៉ឺន​ក្បាល​រក​ចំណី​នៅ​តាម​បឹងបួរ ប្រឡាយ ក្បែរ​អាង​ត្រពាំង​ថ្ម ស្ថិត​ក្នុងភូមិ​សា​ស្គ្រ​ស្រុក​ភ្នំស្រុក និង​ស្រុក​ព្រះនេត្រព្រះ ។ ដោយ​មានការ​ណែនាំ​ពី​លោក​ឧត្តម​សេនីយ៍ទោ​អាត់ ខែ​ម ស្នងការ​នគរបាល​ខេត្តបន្ទាយមានជ័យ នគរបាល​ស្រុក​ភ្នំស្រុក កំពុង​ការពារ​ថែរក្សា​សត្វ​ស្លាប​ទាំងនោះ​មិន​ឱ្យ​ជន​ណាមួយ​ទាក់ ឬ​ចាប់​ឡើយ ។

សត្វ​ស្លាប​ចម្រុះ​រាប់​ម៉ឺន​ក្បាល​ដែល​មាន​វត្តមាន​ក្នុងភូមិ​សា​ស្គ្រ​ស្រុក​ភ្នំស្រុក​នេះ ចុះ​រក​ចំណី​តាម​បឹងបួរ និង​ប្រឡាយ វាលស្រែ ដែល​ប្រជា​កសិករ​ភ្ជួរ​រាស់ ។ ជា​រៀង​រាល់​ឆ្នាំ​សត្វ​ស្លាប​តែងតែ​ចុះ​រក​ចំណី​នៅ​ទីនោះ ។

លោក​យឹ​ម សំណាង អភិបាលស្រុក​ភ្នំស្រុក​បញ្ជាក់​ថា​៖ ហ្វូង​សត្វ​ស្លាប​ដែល​ចុះ​រក​ចំណី​ក្នុងភូមិ​សា​ស្គ្រ​ស្រុក​ភ្នំស្រុក​នេះ មាន​ដូច​ជា​សត្វ​ច​ង្ក្រៀ​ល​ខ្យង ក្រសារ ទុង កុក ប្រវឹក ប្រ​វែក ក្អែកទឹក ក្អែកគោក ត្រយង ខ្វែក ស្មោញ ចចាត​និង​សត្វ​ដែល​កម្រ​ជា​ច្រើន​ប្រភេទ​ទៀត ។

លោក​អភិបាលស្រុក​ថ្លែង​ថា​៖ «​សត្វ​ស្លាប​ដែល​កំពុង​រកស៊ី​ចំណី​ក្នុងភូមិ​សា​ស្គ្រ​ស្រុក​ភ្នំស្រុក​នេះ គឺ​អាជ្ញា​ធរមាន​សមត្ថកិច្ច​កំពុង​យកចិត្តទុកដាក់​ការពារ​អភិរក្ស​ទុក ភាគច្រើន​ជា​សត្វ​រស់នៅ​អាង​ត្រពាំង​ថ្ម ស្រុក​ភ្នំស្រុក ហើយ​ជា​សត្វ​ស្លាប​កម្រ​ដែល​កំពុង​អភិរក្ស​» ៕ (​កែសម្រួល​ដោយ ៖ បុប្ផា​)

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ