ខេត្តប៉ៃលិន ៖ បើតាមសេចក្តីរាយការណ៍បឋមបានឱ្យដឹងថា កម្លាំងជំនាញផ្នែកនគរបាលយុត្តធម៌នៃអធិការដ្ឋាននគរបាលស្រុកសាលាក្រៅ បាននាំខ្លួនជនសង្ស័យម្នាក់ដែលលួចបំផ្លាញស្លាកគណបក្ស ។ ហេតុការណ៍ឃាត់ខ្លួននេះកើតឡើងកាលពីម៉ោង១០ព្រឹក ថ្ងៃទី១៨ ខែកុម្ភៈ ឆ្នាំ២០២០ នៅចំណុចផ្លូវចូលវត្តសំបូរ ស្ថិតក្នុងភូមិភ្នំកុយ ឃុំសាលាក្រៅ ស្រុកសាលាក្រៅ ។
បើតាមប្រភពពីនគរបាលបានឱ្យដឹងថា ជនសង្ស័យខាងលើមានឈ្មោះ ឃុត វ៉ន ភេទប្រុស អាយុ៣៤ឆ្នាំ មុខរបរកម្មករ រស់នៅភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន ។
ប្រភពដដែលបន្តទៀតថា មូលហេតុនៃការឃាត់ខ្លួន គឺពាក់ព័ន្ធក្នុងករណីបំផ្លិចបំផ្លាញទ្រព្យសម្បត្តិឯកជន ដោយហែកស្លាកគណបក្សប្រជាជនកម្ពុជាចោល ។
បច្ចុប្បន្ន ជនសង្ស័យខាងលើ ត្រូវនគរបាលបញ្ជូនទៅកាន់ពន្ធនាគារប៉ៃលិន តាមដីកាបង្គាប់របស់លោក លី ម៉េង ចៅក្រមស៊ើបសួរសាលាដំបូងខេត្តប៉ៃលិន ដោយបានសម្រេចឃុំខ្លួនបណ្ដោះអាសន្ន ៕ (កែសម្រួលដោយ ៖ បុប្ផា)
ចែករំលែកព័តមាននេះ