រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអំពាវនាវឲ្យប្រជាពលរដ្ឋមានការប្រុងប្រយ័ត្ន ក្នុងការឆ្លងជំងឺផ្តាសាយបក្សី ដែលកំពុងផ្ទុះឡើងនៅភាគខាងត្បូងប្រទេសវៀតណាម ។ ការអំពាវនាវរបស់ប្រមុខរាជរដ្ឋាភិបាលនេះ ធ្វើឡើងក្នុងពិធីប្រគល់សញ្ញាបត្រដល់គរុសិស្ស គរុនិស្សិត ជិត២ពាន់នាក់ នាព្រឹកថ្ងៃទី១៨ ខែកុម្ភៈ នៅវិទ្យានជាតិអប់រំ ។
សម្តេចតេជោ ហ៊ុន សែន នាយករដ្ឋមន្ត្រីបានលើកឡើងថា កំណើនវិស័យកសិកម្ម ស្ថិតនៅក្នុងកម្រិតទាប ប៉ុន្តែយើងជិតធ្វើសន្និបាតប្រចាំឆ្នាំហើយ ។ សម្តេចតេជោបានលើកឡើងថា សម្តេចទទួលព័ត៌មានជំងឺគ្រុនផ្តាសាយបក្សីបានកំពុងផ្ទុះឡើងនៅប្រទេសវៀតណាមភាគខាងត្បូង ។ ដូច្នេះត្រូវរកវិធានការទប់ស្កាត់ជាមុន ។ ព្រោះបញ្ហាជំងឺកើតទៅកើតមក ដោយសារបញ្ហាការប្រែប្រួលអាកាសធាតុ ។
សម្តេចបញ្ជាក់ថា ៖«ខ្ញុំទទួលបានព័ត៌មានថា ជំងឺគ្រុនផ្តាសាយបក្សីនៅភាគខាងត្បូងប្រទេសវៀតណាមអីញ្ចឹងទេ យើងត្រូវប្រយ័ត្នប្រយែង ។ ប្រយ័ត្នអំពីរឿងមាន់នៅខាងវៀតណាម ដោយខាងវៀតណាមខ្លាចគេសម្លាប់មាន់ក៏ប្រឹងលក់មកខាងកម្ពុជា ពេលនោះជំងឺគ្រុនផ្តាសាយបក្សីចូលមកកម្ពុជា ។ យ៉ាងណាក្តី សម្តេចតេជោក៏បានលើកឡើងបញ្ហាជំងឺដែលកើតឡើងម្តងៗមិនមានអ្វីនោះទេ ប៉ុន្តែអ្វីដែលថ្មីនោះ គឺជាការភ័យខ្លាចតែប៉ុណ្ណោះ ៕
ចែករំលែកព័តមាននេះ