អតីតអ្នកចាត់ការក្រុមកាំភ្លើងធំ Arsenal លោក Arsene Wenger បាននិយាយក្នុងកីឡាអ្នកឈ្នះពិត គឺជាអ្នកដែលគោរពតាមច្បាប់ ការថ្លែងបែបនេះបន្ទាប់ពីរឿងរ៉ាវរបស់ក្លិប Man City…
អតីតអ្នកចាត់ការក្រុមកាំភ្លើងធំ Arsenal លោក Arsene Wenger បាននិយាយក្នុងកីឡាអ្នកឈ្នះពិត គឺជាអ្នកដែលគោរពតាមច្បាប់ ការថ្លែងបែបនេះបន្ទាប់ពីរឿងរ៉ាវរបស់ក្លិប Man City បានផ្ទុះឡើងដោយត្រូវបានពិន័យ ២រដូវកាលរាល់ការប្រកួតទាំងអស់របស់ UEFA ជុំវិញការរំលោភលើច្បាប់ Financial Fair Play ។
បុរសជនជាតិបារាំងវ័យ៧០ឆ្នាំ បានរិះគន់លើក្លិប Man City អំពីការចំណាយខ្ពស់របស់ពួកគេដោយខុសនឹងច្បាប់ នៅពេលដែលរូបលោកនៅជាអ្នកចាត់ការក្រុម Arsenal ដែលគ្រានោះ Man City បានចុះហត្ថលេខាលើតារាកំពូលៗរបស់លោកជាច្រើនរួមមាន Emmanuel Adebayor, Kolo Toure, Samir Nasri, Gael Clichy និង Bacary Sagna ។
ក្លិបមេឃខៀវ Man City ត្រូវបានដឹងថា ចាប់ផ្តើមចំណាយប្រាក់យ៉ាងច្រើនសម្រាប់ការផ្ទេរកីឡាករ ចាប់តាំងពីមហាសេដ្ឋីអារ៉ាប់លោក Sheikh Mansour ចូលកាន់តំណែងជាម្ចាស់ក្លិបក្នុងឆ្នាំ២០០៨ ។
លោក Arsene Wenger បានថ្លែងក្នុងកម្មវីធីប្រគល់ពានរង្វាន់ Laureus World Sports Awards ថា «Man City បានទិញកីឡាកររបស់ខ្ញុំទាំងអស់!»។
លោកបានបន្ថែមទៀតថា«សម្រាប់ខ្ញុំ កីឡាគឺជាការឈ្នះដោយគោរពទៅតាមច្បាប់ ។ យើងអបអរអ្នកល្អបំផុតនៅគ្រប់កីឡាទាំងអស់ ប៉ុន្តែប្រសិនបើយើងដឹងថាអ្នកឈ្នះគោរពតាមច្បាប់។ ប្រសិនបើគ្មានការគោរពទេ វាមិនមែនជាកីឡាពិតទេ»។
ប្រភព៖ dailymail , កែសម្រួលដោយ ៖ សំណាង
ចែករំលែកព័តមាននេះ