ជិតដល់ថ្ងៃរោងជ័យរបស់កញ្ញាតូតាហើយ ឮថារៀបនៅសណ្ឋាគារលំដាប់ផ្កាយ៥ទៀត
- ភ្នំពេញ
រាជធានីភ្នំពេញ ៖ កញ្ញាម៉ាក់ សែនសូនីតា ហៅតូតា ដែលបានបង្កាត់ភ្លើងស្នេហ៍អស់ជាច្រើនឆ្នាំមកហើយជាមួយពោះម៉ាយ ប៉ុល វិបូរ ហៅនីត ជាអ្នកជំនួញ…
រាជធានីភ្នំពេញ ៖ កញ្ញាម៉ាក់ សែនសូនីតា ហៅតូតា ដែលបានបង្កាត់ភ្លើងស្នេហ៍អស់ជាច្រើនឆ្នាំមកហើយជាមួយពោះម៉ាយ ប៉ុល វិបូរ ហៅនីត ជាអ្នកជំនួញ…
រាជធានីភ្នំពេញ ៖ កញ្ញាម៉ាក់ សែនសូនីតា ហៅតូតា ដែលបានបង្កាត់ភ្លើងស្នេហ៍អស់ជាច្រើនឆ្នាំមកហើយជាមួយពោះម៉ាយ ប៉ុល វិបូរ ហៅនីត ជាអ្នកជំនួញ និងជាម្ចាស់ផលិតកម្ម ត្រូវបានធ្វើដំណើរជិតដល់ថ្ងៃសំពះផ្ទឹមហើយ។
កញ្ញាតារាសម្តែងរូបនេះ កំពុងតែដើរចែកធៀបការជាបន្តបន្ទាប់ជូនភ្ញៀវកិត្តិយស និងសិល្បករទាំងឡាយដែលស្គាល់រាប់អាននាង។ ហើយពិធីមង្គលការរបស់តូតា និងលោកនីត នឹងក្លាយជាព្រឹត្តិការណ៍សំខាន់មួយទៀតហើយសម្រាប់សង្គមសិល្បៈ ។ នេះជាតារាជួរមុខម្នាក់ទៀត ដែលចាយលុយធ្វើពិធីអាពាហ៍ពិពាហ៍របស់ខ្លួនសុទ្ធតែកន្លែងថ្នាក់អ្នកមុខអ្នកមាត់ ទាល់តែអ្នកធូរធាខ្លាំង ទើបហ៊ានជ្រើសរើសទីតាំងកន្លែងលំដាប់ៗសណ្ឋាគារលំដាប់ផ្កាយ៥ បែបនេះ។
តាមការបង្ហាញប្រភពច្បាស់ការណ៍ បានឱ្យដឹងថា តូតា និងលោកនី តដែលជាអនាគតស្វាមីដ៏ឆាប់នេះ រៀបចំចូលរោងសូត្រមន្ត នាល្ងាចថ្ងៃទី១៥ មីនា ឆ្នាំ២០២០ លុះថ្ងៃទី១៦ មីនា ពិធីតាមបែបប្រពៃណីទាំងអស់ នឹងរៀបចំធ្វើឡើងនៅក្នុងសណ្ឋាគារ សុខា ភ្នំពេញត្រើយម្ខាង។ ចំណែកពិធីជប់លៀងពេលល្ងាច ដែលជាពិធីដ៏សំខាន់មួយដែរនោះ នឹងធ្វើឡើងចំនួន១០០តុ និងត្រៀមបង្ការតុមួយចំនួនតាមជាក់ស្តែង។
អ្នកណាក៏សរសើរដល់ តូតា ដែលរកបានគូស្នេហ៍ពិត ហើយស្រឡាញ់ពិត ចេះគិតគូរស់នៅសុខស្រួលទៅថ្ងៃអនាគតបាន។
កញ្ញាតូតា ដែលចុះចែកសំបុត្រការនាពិធីខួបកំណើត ឆ័យលី ដាឡែន កាលពីយប់ថ្ងៃទី១៧ កុម្ភៈ ឆ្នាំ២០២០ នោះ ដល់តារានានា បាននិយាយទាំងអៀនថា ដូចជាខ្មាស់គេមិនដឹងទេដើរចែកសំបុត្រការ ។
យ៉ាងណានេះជាសក្ខីភាពមួយបង្ហាញដល់មហាជនថា នាងពិតជាចូលរោងជ័យខាងមុខនេះយ៉ាងប្រាកដ។ ពិធីមង្គលការនាងសម្រេចរៀបចំនៅសណ្ឋាគារសុខាប្រាកដមែន ដោយគ្រប់កម្មវិធីទាំងមូលនៅទីតាំងនោះទាំងអស់។ តូតាដែលលាក់ពីតម្លៃចំណាយទុនលើពិធីការបន្តថា ធ្វើតែ១កន្លែង គឺងាយស្រួលមិនបាច់ជិះទៅមកខ្លាចស្ទះផ្លូវ ព្រោះថ្ងៃពិសេស ទើបរួមចិត្តគ្នាតែម្តង។ នាងរំពឹងថា ពិធីនឹងសប្បាយរីករាយ ជួបជុំគ្នារាំកម្សាន្ត ហើយសិល្បៈក្រោយការរួចនៅតែបន្តប្រឡូកដដែលមិនអាចបោះបង់ចោលបានទេ។ (កែសម្រួលដោយ ៖ បុប្ផា)
ចែករំលែកព័តមាននេះ