នាំភ្ញៀវទេសចរបរទេសជិះលើនាវាវេស្ទើដាម ដើរទស្សនាសម្រស់រាជធានីភ្នំពេញ
- ភ្នំពេញ
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅរសៀលថ្ងៃទី១៧ ខែកុម្ភៈ ឆ្នាំ២០២០នេះ បានជូនភ្ញៀវទេសចរបរទេសដែលចុះពីនាវាវេស្ទើដាម…
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅរសៀលថ្ងៃទី១៧ ខែកុម្ភៈ ឆ្នាំ២០២០នេះ បានជូនភ្ញៀវទេសចរបរទេសដែលចុះពីនាវាវេស្ទើដាម ដើរទស្សនានៅទូទាំងរាជធានីតាមរយៈរថយន្តក្រុងសាធារណៈ មុននឹងពួកគាត់ត្រឡប់ទៅប្រទេសរៀងៗខ្លួនវិញ ។
មន្ត្រីរដ្ឋបាលរាជធានីភ្នំពេញបានឲ្យដឹងថា ដំណើរកម្សាន្តនេះ នឹងនាំភ្ញៀវទេសចរបរទេសដែលចុះពីលើនាវាវេស្ទើដាម មកសម្រាកនៅសណ្ឋាគារសុខាភ្នំពេញ ដើម្បីទស្សនាតាមរមណីយដ្ឋាន តាមដងទន្លេ មុខ ព្រះបរមរាជវាំង និងកន្លែងផ្សេងៗទៀត មុនពេលពួកគាត់ត្រឡប់ទៅកាន់ប្រទេសរៀងៗខ្លួនវិញ ដើម្បីបង្ហាញពីភាពរីកចំរើនរបស់រាជធានីភ្នំពេញ។
សូមរំលឹកថា ភ្ញៀវទេសចរបរទេសទាំងអស់ខាងលើនេះត្រូវបានឆ្លងកាត់ការត្រួតពិនិត្យសុខភាពយ៉ាងម៉តចត់ ពីមន្ត្រីក្រសួងសុខាភិបាលថា គ្មានរោគសញ្ញាពាក់ព័ន្ធនឹងវីរុស Covid-19 នោះឡើយ ក្រោយចុះពីលើនាវាទេសចរទេសចរ ដែលមានដឹកមនុស្សសរុបជាង២ពាន់នាក់ បានចាកចេញពីទីក្រុងហុងកុង ប្រទេសចិន កាលពីថ្ងៃទី១ ខែកុម្ភៈ ឆ្នាំ២០២០ ប៉ុន្តែត្រូវបានអាជ្ញាធរកោះតៃវ៉ាន់ ហ្វីលីពីន ជប៉ុន កូរ៉េខាងត្បូង កោះហ្គាំ(អាមេរិក) និងប្រទេសថៃ បដិសេធមិនឲ្យចូលចតឡើយ ដោយសារតែការព្រួយបារម្ភថា ក្នុងចំណោមមនុស្សរាប់ពាន់នាក់នៅលើនោះ អាចមានផ្ទុកវីរុសកូរ៉ូណាថ្មី (Covid-19) ៕ (កែសម្រួលដោយ ៖ ធីតា)
ចែករំលែកព័តមាននេះ