យុវជនម្នាក់សន្លប់បាត់ស្មារតី​លើដងវិថី ក្រោយជួបគ្រោះជាមួយ​រថយន្ត​


រាជធានីភ្នំពេញ ៖ យុវជនម្នាក់បានរងរបួសធ្ងន់​សន្លប់បាត់ស្មារតី ក្នុង​ហេតុការណ៍គ្រោះថ្នាក់​ចរាចរណ៍រវាង​ម៉ូតូមួយគ្រឿងបុក​​ជាមួយ​រថយន្ត​មួយគ្រឿង​ក្នុងទិសដៅស្របគ្នា ដែល​បានកើតឡើង​កាលពីវេលាម៉ោង​២និង​២០​នាទី​រសៀល​ថ្ងៃ​ទី១៧ ខែ​កុម្ភ​: ឆ្នាំ​២០២០ នៅ​ចំណុច​មុខ​ការដ្ឋាន​សំណង់​មួយ​កន្លែង (​ក្នុង​ដី​ឡូ​តិ៍​អតីត​រោងចក្រ​កាត់ដេរ គួ​ង ហុង​) ក្នុង​សង្កាត់​ទន្លេបាសាក់ ខណ្ឌចំការមន​។

ភាគី​ខាង​រថយន្ត​មួយគ្រឿងម៉ាកព្រូស ពណ៌ស ពាក់​ស្លាក​លេខ ភ្នំពេញ​ ២BC-៩៦៧២ អ្នកបើកបរមិនស្គាល់អត្ត​សញ្ញាណ ។ ចំណែកភាគី​ខាង​ម៉ូតូ​​​មួយគ្រឿង​ម៉ាក​គុប ពណ៌​ស្លែ ពាក់​ស្លាក​លេខ ផ​២១២១-​ភព​១ បើកបរដោយ​យុវជនម្នាក់មិនស្គាល់អត្តសញ្ញាណ បានរងរបួសធ្ងន់សន្លប់ស្តូកស្តឹង ។​

តាម​ប្រភព​ព័ត៌មាន​ពី​នគរបាល​បាន​ប្រាប់​ឱ្យ​ដឹង​ថា មុន​ពេល​កើតហេតុ គេ​ឃើញ​រថយន្ត​​មួយគ្រឿង​ម៉ាក​ព្រូ​ស បាន​បើក​មក​ឈប់​នៅ​លើ​ចិញ្ចើម​ផ្លូវ​ខាង​មុខ​ការដ្ឋាន​សំណង់​ខាងលើ ដោយ​មាន​បុរស​ម្នាក់​អង្គុយ​ក្នុង​​រថយន្ត​​បញ្ឆេះម៉ាស៊ីន​​ចត​នៅ​ស្ងៀម​នៅ​ខាង​មុខ​ការដ្ឋាន​សំណង់​ខាងលើ ដើម្បី​រង់ចាំ​ម្តាយ​ចេញពីផ្ទះ​ទៅ ធនាគារ​។​

តាម​ប្រភពដដែល​បាន​បន្តថា ខណៈ​ដែល​​រថយន្ត​កំពុង​តែ​ចត​នៅ​ស្ងៀម​នោះ ស្រាប់តែ​មាន​ម៉ូតូ​​មួយគ្រឿង​ម៉ាក​គុប បើកបរ​ដោយ​យុវជន​ម្នាក់បាន​​មក​បុក​ពីក្រោយ​​រថយន្តយ៉ាង​ពេញទំហឹង បណ្តាល​ឱ្យ​​ដួលម៉ូតូ​ចំណែក​អ្នកបើកបរ​ម៉ូតូ​រងរបួសធ្ងន់​សន្លប់​បាត់​ស្មារតី​តែ​ម្តង​។​ ក្នុង​ហេតុការណ៍នេះ​បណ្តាល​ឱ្យ​​រថយន្ត​រង​ការ​ខូចខាត​ត្រង់​កាង​ខាងក្រោយ​បន្តិចបន្តួច​តែ​ប៉ុណ្ណោះ ចំណែកឯ​ម៉ូតូ​​បាន​បាក់​ខ្នងកង់​ និង​ផ្នែក​ខាង​មុខ​រង​ការ​ខូចខាត​អស់​មួយ​ចំនួន​។

តាម​ប្រភព​ដដែល​បានបន្ត​ទៀត​ថា ពាក់ព័ន្ធ​ទៅ​នឹង​ករណី​គ្រោះថ្នាក់​ចរាចរណ៍​ខាងលើ​នេះ​ ​ទំនងជា​​យុវជន​រងគ្រោះ​បើកបរម៉ូតូ​​ដោយ​មិន​មានការ​ប្រុង​ប្រយ័ត្ន​ទើបបាន​ទៅ​បុកពីក្រោយ​រថយន្ត​ចតស្ងៀម​​បែប​នេះ ​។ បន្ទាប់មកគេឃើញ​​ឪពុក​ម្តាយ​របស់​​យុវជន​​រង​គ្រោះ​ក៏​បាន​មក​ដល់​កន្លែង​កើតហេតុ​ផង​ដែរ ។

ក្រោយ​ពេល​កើតហេតុ កម្លាំង​នគ​​របាល​ផ្នែក​ចរាចរណ៍​ខណ្ឌចំការមន​ក៏​បាន​ចុះ​មក​ដល់​កន្លែង​កើតហេតុ និង​ហៅ​​រថយន្ត​សា​មុ​យមក​ដឹក​យក​យុវជន​រង​គ្រោះ​ទៅ​សង្គ្រោះ​នៅ​គ្លីនិក​ឯកជន​មួយ​កន្លែង ​ព្រមទាំង​​ធ្វើការ​វាស់វែង ​និង​យក​រថយន្ត​ម៉ាក​ព្រូ​ស ​ព្រមទាំង​​ម៉ូតូ​ម៉ាក​គុប​​ទៅ​រក្សា​ទុក​នៅ​អធិការដ្ឋាន​នគរបាល​ខណ្ឌចំការមន ដើម្បី​រង់ចាំ​ធ្វើការ​ដោះស្រាយ​គ្នា​ជា​បន្ត​ទៅ​ទៀត​ ៕ (កែសម្រួលដោយ ៖ ធីតា​)

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ