តំបន់​រ៉ា​ម​សារ​ជា​ជម្រក​សត្វ​ស្លាប​ជិត​១០០​ប្រភេទ​កំពុង​រស់នៅ


ខេត្តស្ទឹងត្រែង ៖ ពពួកសត្វ​ស្លាប​កម្រ​ច្រើន​ប្រភេទ ត្រូវ​គេ​ប្រទះ​ឃើញ​ផ្តុំ​គ្នា នៅ​ព្រៃ​តំបន់​រ៉ា​ម​សារ ខេត្តស្ទឹងត្រែង ។

មន្ត្រី​អភិរក្ស​ផ្នែក​បរិស្ថាន​បាន​សហការ​ជាមួយ​សហគមន៍​បុរី​អូរ​ស្វាយ បង្កើន​ការ​អភិរក្ស​សត្វ​ស្លាប​ទឹក និង​ការពារ​ជម្រក​រស់នៅ​របស់​វា ព្រោះ​នៅ​ប៉ុន្មាន​ឆ្នាំ​ចុង​ក្រោយ​នេះ ពពួកសត្វ​ក្អែកទឹក សត្វ​ស្មោញ និង​ពពួកសត្វ​ស្លាប ផ្សេង​ៗ​ច្រើន​ទៀត​បាន​ទៅ​នៅ​ព្រៃ​តំបន់​រ៉ា​ម​សារ​តាម​ដង​ទន្លេមេគង្គ​លើ ។

តាម​សកម្មភាព​ចុះ​ល្បាត​នៅ​តំបន់​រ៉ា​ម​សារ ខេត្តស្ទឹងត្រែង លោក​ឈ​ន ឆ​ន អនុប្រធាន​ការ​រិ​យា​ល័យ​អភិរក្ស​ធនធានធម្មជាតិ នៃ​មន្ទីរ​បរិស្ថាន​ខេត្តស្ទឹងត្រែង ប្រចាំ​នៅ​ស្រុក​បុរី​អូរ​ស្វាយ​សែន​ជ័យ បាន​បញ្ជាក់​ថា ពពួកសត្វ​ស្លាប​គ្រប់​ប្រភេទ ជា​ពិសេស​សត្វ​ក្អែកទឹក​រស់ នៅ​តំបន់​រ៉ា​ម​សារ ត្រូវ​បាន​គ្រប់​ដោយ​អាជ្ញាធរ​ពាក់ព័ន្ធ​កុំ​ពុង​សហការ​គ្នា​ការពារ​យ៉ាង​ម៉ឹង​មាត់​បំផុត ។

ប្រភព​ដដែល​បាន​ប្រកាស​ថា បើ​ជនខិលខូច​ណា​ទៅ​បរបាញ់ ដាក់​អន្ទាក់ ប្រើប្រាស់​ថ្នាំពុល សម្លាប់សត្វ ឬ​ប្រើ​ឧបករណ៍​ឆក់ សមត្ថកិច្ច​នឹង​ចាត់វិធានការ​ច្បាប់ ព្រោះ​មន្ត្រី​បរិស្ថាន​បាន​បង្កើន​ការ​ចុះ​ល្បាត​ជា​ប្រចាំ​នៅ​តំបន់​រ៉ា​ម​សារ​នេះ ។

លោក​យេ​ន មី ប្រធាន​សហគមន៍​បូ​រី​អូរ​ស្វាយ បញ្ជាក់​ថា បញ្ហា​នេះ​ជា រឿយ​ៗ​អាជ្ញាធរ​មូលដ្ឋាន​តែងតែ​អំពាវនាវ​ឱ្យ​ប្រជា​អ្នកនេសាទ​ចូលរួម​បង្កើន​ការ​ថែរក្សា ព្រោះ​វា​ជា​សម្បត្តិ​ធនធានធម្មជាតិ​របស់​យើង​ទាំងអស់​គ្នា ដែល​កើត​មាននៅ​ក្នុងភូមិ​ឃុំ ។ វត្តមាន​សត្វ​ដ៏​ច្រើន​នេះ ជា​សក្តានុពល​មួយ​បន្ថែម​ទៀត តម្រូវ​ឱ្យ​សហគមន៍ និង​ប្រជាពលរដ្ឋ​ទាំងអស់​គ្នា​យកចិត្តទុកដាក់​ក្នុង​ការ​អភិរក្ស ព្រោះ​វា​ជា​ផលិតផល​បំរើ​ឱ្យ​វិស័យ​ទេសចរណ៍​នៅ​ទី​នេះ ។

តំបន់​រ៉ា​ម​សារ​ដែល​ត្រូវ​អភិរក្ស​នោះ មាន​ផ្ទៃដី និង​ព្រៃឈើ​លិច​ទឹក​ចំនួន​១៤.៦០០​ហិ​កតា ដែល​មាន​ពពួកសត្វ​ស្លាប​រស់នៅ​៩៧​ប្រភេទ និង​ត្រី​ចំនួន​១៣០​ប្រភេទ ៕ (​កែសម្រួល​ដោយ ៖ បុប្ផា​)

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ