អ៊ិន សុភិន ជិះយន្តហោះយកពានទៅជូនលោក យស បូវណ្ណៈ
- ភ្នំពេញ
កាលពីកន្លងទៅមុននេះ លោកអ៊ិន សុភិន បានចូលរួមកម្មវិធីមហោស្រពកុនមួយនៅទីក្រុងម៉ាកាវ ប្រទេសចិន។ ឱកាសនោះស្នាដៃរឿង «លោកឪពុក» ឈ្នះពានតួសម្តែងសម បានទៅលើលោក យស…
កាលពីកន្លងទៅមុននេះ លោកអ៊ិន សុភិន បានចូលរួមកម្មវិធីមហោស្រពកុនមួយនៅទីក្រុងម៉ាកាវ ប្រទេសចិន។ ឱកាសនោះស្នាដៃរឿង «លោកឪពុក» ឈ្នះពានតួសម្តែងសម បានទៅលើលោក យស បូវណ្ណៈ។ ដើម្បីជាការតបចង់ឃើញពាន លោកសុភិន បានស្តាត់ហោះទៅអាមេរិក ដើម្បីយកពានជូនលោកវណ្ណៈ ធ្វើឱ្យសាមីខ្លួនអររំភើប ហើយនឹងរិះរកពេលថតសម្តែងភាពយន្តខ្មែរទៀត ក្រោយមានឱកាសឈ្នះលើឆាកអន្តរជាតិ។
ក្នុងប៉ុន្មានថ្ងៃនេះ ផលិតករល្បីឈ្មោះ លោក អ៊ិន សុភិន ត្រូវគេឃើញបង្ហាញសកម្មភាពនៅលើទឹកដីសហរដ្ឋអាមេរិកយ៉ាងសស្រាក់សស្រាំ ដោយគេឃើញវត្តមានរបស់លោកមានការណាត់ជួបទាំងអ្នកជំនួញ ទាំងលោក យស បូវណ្ណៈ ជាសិល្បករជើងចាស់ និងទាំងផលិតករកម្មវិធីលំដាប់ពិភពលោកជាដើម។
លោក អ៊ិន សុភិន បញ្ជាក់ពីសហរដ្ឋអាមេរិកមកថា មានហេតុផល៣ដែលលោកចំណាយពេលមកដល់អាមេរិកលើកនេះ ទី១ គឺមកចរចាជាមួយដៃគូពាណិជ្ជកម្មក្នុងអាជីវកម្មដឹកជញ្ជូនដែលជាក្រុមហ៊ុនក្រៅសិល្បៈរបស់លោក ទី២ ដើម្បីយកប័ណ្ណសរសើរមកប្រគល់ជូនតារាសម្ដែង លោក យស បូវណ្ណៈ ដែលត្រូវបានមហោស្រពភាពយន្តអន្តរជាតិនៅទីក្រុងម៉ាកាវ កន្លងទៅ ប្រគល់ពានឱ្យ និងទី៣ គឺដើម្បីយកបែបបទឯកសារមកឆ្លងជាមួយគណៈកម្មការមហោស្រពភាពយន្តអាស៊ីអន្តរជាតិ នៅសហរដ្ឋអាមេរិក ដើម្បីយកភាពយន្តមួយចំនួនរបស់មហាហង្ស ទៅប្រកួតប្រកួតប្រជែងនៅអាមេរិក នាពេលខាងមុខ។
ក្នុងចំណោមគោលបំណងទាំង៣ខាងលើ លោកបានសម្រេចរួចរាល់អស់ហើយ ដោយលោក យស បូវណ្ណៈ មិនត្រឹមតែបានទទួលប័ណ្ណសរសើរ ដែលមានឈ្មោះរបស់ខ្លួន ដែលបានពីមហោស្រពភាពយន្តនៅម៉ាកាវប៉ុណ្ណោះទេ តែក៏បានយកពានដែលពានរួមតម្កល់ទុកសម្រាប់ក្រុមហ៊ុន យកទៅឱ្យលោកបានថតទុកជាអនុស្សាវរីយ៍ ព្រោះតែលោកមិនអាចទៅទទួលនៅក្នុងទីក្រុងម៉ាកាវនាពេលជាប់នោះផង។
ដោយឡែកសម្រាប់ការចរចាជុំវិញការដាក់ភាពយន្តចូលប្រកួតនៅក្នុងមហោស្រពភាពយន្តអន្តរជាតិនៅសហរដ្ឋអាមេរិក ក៏សម្រេចផងដែរ បន្ទាប់ពីការជជែកយ៉ាងលម្អិតរបស់លោកជាមួយថ្នាក់ដឹកនាំមហោស្រព គឺបានឯកភាពគ្នា និងសម្របសម្រួលគ្នាលើលក្ខខណ្ឌជាច្រើន គ្មានការខ្វែងគំនិតគ្នា។
យ៉ាងណាមិញលោកនៅមិនទាន់បង្ហើបនៅឡើយទេថា លោកនឹងជ្រើសភាពយន្តខ្លាំងៗរបស់មហាហង្សណាខ្លះ ចូលរួមក្នុងមហោស្រពនៅអាមេរិកនោះ។ លោកយស បូវណ្ណៈ បើទោះបីជាលោកនៅអាមរិកជាច្រើនឆ្នាំ លោកនៅមិនបោះបង់សិល្បៈនោះទេ នៅតែឆ្លៀតពេលសម្តែងជូនខ្មែរនៅទីនោះ។
លោកវណ្ណៈ គ្រាន់តែផលិតករ ដឹងថា លោកនៅតែប្រកាសថតភាពយន្តម្នាក់ៗ ទាក់ទងយកទៅសម្តែង ប៉ុន្តែដំណើរមកសម្តែងនៅស្រុកទេសអាចទៅមុខបានអាស្រ័យលើពេលវេលា អំណោយផលច្រើន ទើបលោកអាចថតសម្តែងតាមសំណូមពរជាបន្តទៀតបាន។ (កែសម្រួលដោយ ៖ បុប្ផា)
ចែករំលែកព័តមាននេះ