រាជធានីភ្នំពេញ ៖ កម្មវិធីសិល្បៈគំនូរតាមជញ្ជាំងលើកដំបូងនៅកម្ពុជានេះនឹងធ្វើឲ្យស្មារតីយុវជនជំនាន់ក្រោយ មានឱកាសក្នុងការបង្ហាញស្នាដៃរបស់ខ្លួន តាមរយៈពេទ្យកោសល្យរៀងៗខ្លួន ។ នេះបើតាមលោកស្រី ភឿន សកុណា រដ្ឋមន្ត្រីក្រសួងវប្បធម៌ វិចិត្រសិល្បៈ ។
ផ្តល់បទសម្ភាសន៍ជាមួយអ្នកសារព័ត៌មាន ក្នុងកម្មវិធីសិល្បៈគំនូរលើជញ្ជាំង កាលពីល្ងាចថ្ងៃទី១៥ ខែកុម្ភៈនេះ លោកស្រី ភឿន សកុណារដ្ឋមន្ត្រីក្រសួងវប្បធម៌ និងចិត្រសិល្បៈបានលើកឡើងថា កម្មវិធីពិតជាមានសារៈសំខាន់ព្រោះថា អ្នកដែលបានចូលរួមអាចសួរនាំ និងជួបផ្ទាល់ជាមួយអ្នកសិល្បៈល្បីៗតែម្តង និងបានស្គាល់អ្វីៗប្លែកៗអំពីប្រទេសកម្ពុជាផង និងប្រទេសសាំហ្គាពួរផង ។ លោកបញ្ជាក់ថា៖ «នេះគេហើយថា ការរួមគ្នានៃវប្បធម៌ពីរដែលមានភាពដូចគ្នា និងភាពខុសគ្នាដែរ ។ ដូចគ្នាត្រង់ថា ប្រជាជនសាំងហ្គាពួរក្តី ប្រជាជនកម្ពុជាក្តីមានភាពរីករាយរាក់ទាញរួសរាយ ហើយស្រឡាញ់វប្បធម៌ ។ ភាពខុសគ្នាយើងអាចរកឃើញ ក្នុងវប្បធម៌នៃប្រទេសនីមួយៗដូចជា តាមរយៈចំណីអាហារ ចម្រៀង តន្ត្រី របាំ … » ។
លោកស្រីបានបន្តថា នេះជាឱកាសមួយដែលធ្វើឲ្យប្រជាជនក្នុងប្រទេសនីមួយៗអាចស្គាល់តាន់តែច្បាស់ ហើយគោរពពីគ្នាទៅវិញទៅមកទាំងភាពខុសគ្នា និងដូចគ្នានៃវប្បធម៌ ។ ជាមួយគ្នានោះដែរលោកស្រី រដ្ឋមន្ត្រីបានលើកឡើងថា នេះជាលើដំបូងហើយ នៃការរៀបចំកម្មវិធីសិល្បៈគំនូលើកជញ្ជាំង (Street Art Fest) ដែលប្រទេសសាំងហ្គាពួរ ទីមួយ និងបានរៀបចំឡើងនៅកម្ពុជា ។ ហើយកន្លងមកក៏មានប្រទេសផ្សេងៗទៀតនិងអង្កការផ្សេងក៏ចង់បង្កើតកម្មវិធីនេះដែរ ។ លោកស្រីបញ្ជាក់ថា៖«គំនូរលើជញ្ជាំងតាមដងផ្លូវនៅកម្ពុជាមិនទាន់រីកសុះសាយដែរ អីញ្ចឹងវាជាការចាប់ផ្តើមពីព្រោះគំនូរតាមជញ្ជាំងនៅលើដងផ្លូវនេះ ក៏ធ្វើឲ្យយើងមានអារម្មណ៍សប្បាយរីករាយដែរ ។ អីញ្ចឹងបានយើងយល់ឃើញថា វប្បធម៌ គឺជាថ្មីដែលយើងទទួលបាន ស្របតាម ស្ថានភាពសង្គម និងប្រទេសយើង ។ យើងទទួលអ្វីដែលត្រូវនិងវប្បធម៌របស់យើង» ។
លោកស្រីបន្ថែមថា កម្មវិធីនឹងនឹងធ្វើឲ្យយុវជនជំនាន់ក្រោយមានឱកាសក្នុងការបង្ហាញស្នាដៃដែលខ្លួនមាន តាមរយៈទេព្យកោសលដែលមាន ។ លោកស្រី Stella Toh ប្រធានគណៈកម្មាធិការរៀបចំកម្មវិធី បានលើកឡើងថាកម្មវិធី សិល្បៈគំនូរលើជញ្ជាំងនេះមាន គឺគោលដៅជួយធ្វើការក្រើនរំលឹកឡើងវិញនូវសិល្បៈគំនូរលើជញ្ជាំង និងវប្បធម៌របស់ប្រជាជនកម្ពុជា និងសិង្ហបុរីទៅកាន់ប្រជជនកម្ពុជាទាំងចាស់ និងក្មេង ៕
ចែករំលែកព័តមាននេះ