ក្តៅចិត្ត​រៀងខ្លួន​! ឡាន​និង​ម៉ូតូ​ប្រយុទ្ធ​គ្នា​យកឈ្នះ​ចាញ់


រាជធានី​ភ្នំពេញ ៖ ហិង្សា​ផ្តើម​ចេញពី​ការ​មិន​គិតពិចារណា ដោយ​ខឹង​គេ​គប់​បែក​កញ្ចក់​រថយន្ត ក្តៅចិត្ត​បើករថយន្ត​ដេញ​តាម​បំ​បុក​តាំង​ពីមុខ​វត្ត​តាំង​កសាង​ខាងត្បូង ក្នុង​សង្កាត់​កា​កាប​ទី​១ ខណ្ឌ​ពោធិ​សែន​ជ័យ បុក​បាន​សម្រេច​ម៉ូតូ​២​គ្រឿង​ខ្ទេច របួសធ្ងន់​ស្រាល​៣​នាក់ នៅ​ចំណុច​ភូមិ​ដំណាក់ សង្កាត់​គោក​ឃ្លាង ខណ្ឌ​សែន​សុខ ផ្អើល​សមត្ថកិច្ច​ចុះ​ទៅ​ឃាត់​ភាគី​រថយន្ត កាលពី​វេលា​ម៉ោង​១១​និង​៣០​នាទី​យប់​ថ្ងៃ​ទី​១៥ ខែកុម្ភៈ ឆ្នាំ​២០២០ នាំ​ខ្លួន​ទៅ​ឃុំ​ជា​បណ្តោះអាសន្ន ។

តាម​ប្រភព​នៅ​កន្លែង​បាន​ឲ្យ​ដឹង​ថា មុន​ពេល​កើតហេតុ ភាគី​រថយន្ត​ព្រុស ពណ៌​ប្រផេះ ពាក់​ស្លាក​លេខ ភ្នំពេញ 2BD-6717 បើកបរ​ដោយ​យុវជន​ម្នាក់ អះអាង​ថា​ជា​អ្នក​យក​ព័ត៌មាន​ទូរទស្សន៍​ជាតិ​កម្ពុជា បាន​បើក​ចេញពី​វ​រត្ត​ក្រាំងធ្នង់ ពី​ជើង​មក​ត្បូង លុះ​មក​ដល់​មុខ​ផ្សារ KC បាន​ប៉ះ​ម៉ូតូមួយគ្រឿង​ ធុន​សេ​១២៥ ស៊េរី​ឆ្នាំ​២០២០ ពណ៌​ខ្មៅ ពាក់​ស្លាក​លេខ ភ្នំពេញ ១HY-៥៧៦៣ ជិះ​គ្នា​២​នាក់​ស្រប​ទិស ។

តាមប្រភពដដែលបានបន្ត​ថា ពេលនោះ​​រថយន្ត​មិន​បាន​​ឈប់ និង​មិន​ទទួលខុសត្រូវ​ឡើយ នៅ​តែ​បើក​ទៅ​មុខ ធ្វើ​ឲ្យ​ជន​រង​គ្រោះ​ខឹង ចុះ​រើស​បាន​ដុំ​ថ្ម​ដេញ​រហូត​ដល់​មុខ​វត្ត​តាំង​កសាង​ខាងត្បូង ភូមិ​ចំការឪឡឹក សង្កាត់​កា​កាប​ទី​១ ខណ្ឌ​ពោធិ​សែន​ជ័យ គប់​បែក​កញ្ចក់​រថយន្ត​មួយ​ផ្ទាំង ធ្វើ​ឲ្យ​ភាគី​ខាង​រថយន្ត​ខឹង បើករថយន្ត​ដេញ​បំ​បុក រហូត​ដល់​ចំណុច​ក្នុងភូមិ​ដំណាក់ សង្កាត់​គោក​ឃ្លាង ខណ្ឌ​សែន​សុខ តាម​ទាន់​ដូច​ចិត្ត​ក្តៅ បំ​បុក​ម៉ូតូ​បាន​សម្រេច​មួយ​គ្រឿង​ហើយ រេ​ចង្កូត​ទៅ​បុក​ម៉ូតូ​មួយ​គ្រឿង​ទៀត ម៉ា​កនិច ពណ៌​ស ពាក់​ស្លាក​លេខ ព្រះ​វិហារ ១C-៦៣៤០ ដែល​ម្ចាស់​ឈប់​ចត​ស្ងៀម​ចិញ្ចើម​ផ្លូវ អត់​ដឹង​អី​ផង រវល់​តែ​ទិញ​ទឹក​ហូប បណ្តាល​ឲ្យ​រង​របួសធ្ងន់ ភាគី​ម៉ូតូ​សេ​១២៥ រង​របួសធ្ងន់​ម្នាក់​ស្រាល​ម្នាក់ ម៉ូតូ​២​គ្រឿង​រង​ខូចខាត​ខ្ទេច ។

ក្រោយ​កើតហេតុ ជន​រង​គ្រោះ​៣​នាក់​ត្រូវ​បាន​ដឹក​បញ្ជូន​ទៅ​មន្ទីរពេទ្យ ចំណែក​អ្នក​យក​ព័ត៌មាន​ឈាមរាវ ជា​អ្នកបើកបរ​រថយន្ត ត្រូវ​បាន​សមត្ថកិច្ច​ចុះ​ទៅ​ឃាត់​នាំ​ខ្លួន​ទៅ​ផ្នែក​ជំនាញ​ខណ្ឌ​ពោធិ​សែន​ជ័យ រួម​ទាំង​ប្រមូល​វត្ថុ​តាង រថយន្ត និង​ម៉ូតូ​ទៅ​រក្សា​ទុក​ផង​ដែរ ៕ (​កែសម្រួល​ដោយ ៖ ធីតា​)

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ