អាជ្ញាធរកីឡាឥណ្ឌា បានប្រកាសកាលពីថ្ងៃសៅរ៍ (១៥ កុម្ភៈ) ថាពួកគេនឹងធ្វើការសាកល្បង ចំពោះអ្នកប្រណាំងប្រពៃណីក្របី ដែលបានបង្កើតកំណត់ត្រា ហើយត្រូវបានយកទៅប្រៀបធៀបទៅនឹង Usain Bolt ។
នៅលើផ្លូវភក់ល្បាប់លោក Srinivas Gowda បានរត់ចម្ងាយ១៤២.៥០ម៉ែត្រ ដោយប្រើពេល ១៣.៦២វិនាទី កាលពីថ្ងៃទី៣១ មករាកន្លងទៅ ដោយបានបង្កើតកំណត់ត្រាក្នុងកម្មវីធីប្រណាំងក្របីបែបប្រពៃណីដែលគេស្គាល់ថា Kambala ដែលធ្វើឡើងរៀងរាល់ឆ្នាំនៅរដ្ឋ Karnataka ភាគខាងត្បូងប្រទេស ។
កសិករវ័យ២៨ឆ្នាំ រូបនេះបានក្លាយជាមនុស្សដែលមានការចាប់អារម្មណ៍ខ្លាំង បន្ទាប់ពីមនុស្សជាច្រើនសរសើររូបគេ នៅលើបណ្តាញសង្គម ហើយប្រៀបធៀបគេទៅនឹងអតីតអ្នករត់ប្រណាំង Usain Bolt ដែលជាបុរសលឿនបំផុត របស់ពិភពលោក សម្រាប់ការរត់ចម្ងាយ១០០ម៉ែត្រ ក្នុងរយៈពេល ៩.៥៨វិនាទី ។ ប៉ុន្តែ បើតាមការគណនាឃើញថា Srinivas Gowda មានកំណត់ត្រាលឿនជាង ដោយ១០០ម៉ែត្ររូបគេ ប្រើពេលត្រឹមតែ ៩.៥៥វិនាទី ។
បើតាមការបញ្ជាក់ពី រដ្ឋមន្ត្រីកីឡាវ័យក្មេងរបស់ប្រទេសឥណ្ឌាលោក Kiren Rijiju បាននិយាយថា អាជ្ញាធរបានកោះហៅ Gowda មកកាន់រដ្ឋធានីញូវដេលី ដើម្បីធ្វើតេស្តក្រោមការបង្វឹកដ៏ល្អបំផុតរបស់គ្រូបង្វឹកក្នុងប្រទេសនេះ ៕
ចែករំលែកព័តមាននេះ