កីឡាករឆ្នើមៗរបស់ក្រុម Manchester City អាចច្រានចោលកិច្ចសន្យារបស់ពួកគេ ហើយដើរចេញពីក្លិប ដោយសារតែសេចក្តីសំរេចរបស់ UEFA ហាមឃាត់ក្លិបនេះពីការប្រកួតពានរង្វាន់ទ្វីបអឺរ៉ុបរយៈពេលពីររដូវកាល នេះបើតាមការបញ្ជាក់ពីមេធាវីកីឡាលោក John…
កីឡាករឆ្នើមៗរបស់ក្រុម Manchester City អាចច្រានចោលកិច្ចសន្យារបស់ពួកគេ ហើយដើរចេញពីក្លិប ដោយសារតែសេចក្តីសំរេចរបស់ UEFA ហាមឃាត់ក្លិបនេះពីការប្រកួតពានរង្វាន់ទ្វីបអឺរ៉ុបរយៈពេលពីររដូវកាល នេះបើតាមការបញ្ជាក់ពីមេធាវីកីឡាលោក John Mehrzad ។
រំលឹកជូនថា កាលពីយប់ថ្ងៃសុក្រ UEFA បានប្រកាសថា ពួកគេបានរកឃើញថាម្ចាស់ជើងឯកក្របខ័ណ្ឌ Premier League ខាងលើរំលោភលើច្បាប់ Financial Fair Play ហើយពួកគេនឹងត្រូវបានហាមឃាត់រយៈពេលពីររដូវកាលពីក្របខ័ណ្ឌ Champions League និង Europa League ។ ដំណឹងនេះនាំឱ្យមានការរំពឹងទុកថា តើកីឡាករមួយចំនួនរបស់ពួកគេនឹងចង់បន្តនៅក្លិប ដោយគ្មានឱកាសទទួលបានជោគជ័យពីពានរង្វាន់ទ្វីបអឺរ៉ុបរហូតដល់ឆ្នាំ២០២៣ ប្រសិនបើពួកគេបរាជ័យនៅរដូវកាលនេះ។
ក្នុងនោះកីឡាករ៣រូបដែលគេជឿជាក់ថានឹងដើរចេញពីក្លិប មានមូលដ្ឋានក្នុងទីក្រុង Manchester មួយនេះក្នុងនោះរួមមាន Leroy Sane, Sergio Aguero និង Raheem Sterling។ ស្របពេលដែលអនាគតរបស់លោក Pep Guardiola ជាមួយក្លិបក៏គេជឿជាក់ថានឹងមានភាពរកាំរកូសផងដែរ ៕
ចែករំលែកព័តមាននេះ