រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ករណីឆ្លងចរន្តអគ្គិសនី បណ្តាលឲ្យឆេះផ្ទះអស់មួយខ្នងទាំងស្រុង និងឆ្លងរាលដាលផ្ទះ៤ខ្នង និងសាលារៀន២បន្ទប់ ដែលហេតុការណ៍នេះបានកើតឡើងកាលពីវេលាម៉ោង១និង55នាទី រំលងអធ្រាត្រ ឈានចូលថ្ងៃទី15…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ករណីឆ្លងចរន្តអគ្គិសនី បណ្តាលឲ្យឆេះផ្ទះអស់មួយខ្នងទាំងស្រុង និងឆ្លងរាលដាលផ្ទះ៤ខ្នង និងសាលារៀន២បន្ទប់ ដែលហេតុការណ៍នេះបានកើតឡើងកាលពីវេលាម៉ោង១និង55នាទី រំលងអធ្រាត្រ ឈានចូលថ្ងៃទី15 ខែកុម្ភៈនេះ តាមបណ្តោយផ្លូវជាតិលេខ៥ នៅចំណុចក្រុមទី4 ភូមិសាមគ្គី សង្កាត់ឬស្សីកែវ ខណ្ឌឬស្សីកែវ ។
ម្ចាស់ផ្ទះដែលឆេះខូចខាតមានឈ្មោះ ហាក់ គឹមនី ភេទស្រី អាយុ៦៦ឆ្នាំ ធ្វើពីឈើប្រក់ស័ង្កសីទំហំ៦ម៉ែត្រx១២ម៉ែត្រ ឆេះខូចខាតអស់ទាំងស្រុង និងឆេះរាលដាលដល់ផ្ទះចំនួន៤ផ្ទះ និងសាលារៀនចំនួន២បន្ទប់ ។
តាមប្រភពព័ត៌មានពីសមត្ថកិច្ចប៉ុស្តិ៍ឬស្សីកែវបានអោយដឹងថា មុនពេលកើតហេតុខាងលើនេះ គឺមានប្រជាពលរដ្ឋដែលរស់នៅកន្លែងកើតហេតុបានទូរស័ព្ទមកប្តឹងថា មានអគ្គីភ័យកំពុងតែឆាបឆេះផ្ទះបងប្អូនប្រជាពលរដ្ឋចេញជាអណ្តាតភ្លើងយ៉ាងសន្ធោសន្ធៅបង្ក អោយមានការភ្ញាក់ផ្អើលទៅដល់សមត្ថកិច្ចមូលដ្ឋានទំនាក់ទំនងហៅរថយន្តពន្លត់អគ្គីភ័យរបស់ការិយាល័យបង្កា និងពន្លត់អគ្គីភ័យមកអន្តរាគមន៍បាញ់ពន្លត់ ដោយសារតែភ្លើងឆាបឆេះខ្លាំងពេក ទើបសមត្ថកិច្ចនាំគ្នារត់ឡើងទៅជួយក្មេងតូចៗចំនួន2នាក់ និងមនុស្សធំ៣នាក់ជាប់នៅក្នុងបន្ទប់ដែលក្មេងជានៅក្នុងបន្ទប់នោះទី១ មានឈ្មោះសុខ ចាន់សម្បត្តិ ភេទប្រុស អាយុ6ឆ្នាំ ទី២ មានឈ្មោះសុខ ចាន់អារីយា ភេទស្រី អាយុ4ឆ្នាំ ចំនែកឯមនុស្ស3នាក់ទៀត មិនស្គាល់អត្តសញ្ញាណនោះទេ សំណាងល្អហើយដែលជួយបានទាន់ពេលវេលានឹងមិនមានអ្នករងរបួសនោះឡើយ ។
គ្រោះអគ្គីភ័យខាងលើនេះខូចខាតឆេះផ្ទះអស់មួយខ្នងដែលគេខណ្ឌបំបែកចេញជា8បន្ទប់ ស្មើនឹង8គ្រួសារ និងឆ្លងរាលដាលទៅដល់ផ្ទះចំនួន៤ខ្នង និងសាលាបឋមសិក្សាខ្មែរ វៀតណាម សាមគ្គី ចំនួន២បន្ទប់ និងឆេះខូចខាតសម្ភារៈអស់ទាំងស្រុង ។ អគ្គីភ័យខាងលើនេះប្រើប្រាស់រថយន្តពន្លត់អគ្គីភ័យចំនួនសរុបទាំងអស់១៨គ្រឿង ៕
ចែករំលែកព័តមាននេះ