​ដាក់​ជញ្ជីងគំរូ​នៅ​ផ្សារ​ដើម​គរ ​ជំរុញ​​​​ការ​ថ្លឹង​​​​​គ្រប់មុខទំនិញ​ គឺ​​​ត្រឹមត្រូវ


រាជធានី​ភ្នំពេញ ​៖​ ជ​ញ្ជី​ញគំរូត្រូវ​បាន​មន្ទីរ​ឧស្សាហកម្ម និង​សិប្បកម្ម​រាជធានី​ភ្នំពេញ​ យក​ទៅ​ដាក់​នៅ​ក្នុង​ផ្សារ​ដើម​គរ ក្នុង​ខណ្ឌទួលគោក កាលពី​រសៀល​ថ្ងៃ​ទី​១៤ កុម្ភៈ នេះ​ ដើម្បី​​ឱ្យ​ប្រជាពលរដ្ឋ ដែល​បាន​មក​ទិញ​ទំនិញ និង​របស់របរនៅ​ក្នុង​ផ្សារ​មក​ថ្លឹងសាក និង​ចង់​ដឹង​ថា តើ​ជញ្ជឹងរបស់​អា​ជីករ​ថ្លឹង​គ្រប់ ​ឬ​ស៊ី​ភ្នែក​ជញ្ជីង ។ ការដាក់​ជញ្ជីង​គំរូ​នេះ ក្នុង​គោលបំណង់​ដើម្បី​អោយ​អាជីវករ​លក់ដូរ របស់របរ បន្លែ​ត្រី​សាច់ ជាដើម​នោះ​ ថ្លឹង​លក់ដូរអោយ​បាន​ត្រឹមត្រូវ ដោយ​គ្រប់​គីឡូក្រាមមិន​ស៊ី​ភ្លែ​ក​ជញ្ជីង​។

លោក​ពេជ្រ គន្ធ អនុប្រធាន​ការិយាល័យ​ស្តង់ដារ ​និង​មាត្រា​សាស្ត្រ​នៃ​មន្ទីរ​ឧស្សាហកម្ម និង​សិប្បកម្ម​រាជ​ធានី​ភ្នំពេញ បានអោយ​ដឹង​ថា ដោយ​មានការ​ណែនាំ ពី​លោក នេ​ត មុន្នី​ប៉ុណ្ណា​កា ​ប្រធាន​មន្ទីរ​ឧស្សា​ហកម្ម និង​សិប្បកម្ម​រាជធានី​ភ្នំពេញ​លោក ​សហការ​ជាមួយ​ការិយាល័យ​ឧស្សាហកម្ម និង​សិប្បកម្ម​ខណ្ឌ និង​ប្រធាន​ផ្សារ​បាន​ដាក់​ជញ្ជីង​គំរូ​មួយ​គ្រឿង នៅ​ក្នុង​ផ្សារ​ដើម្បី​អោយ​បម្រើ​អោយ​ប្រជាពលរដ្ឋ​ថ្លឹង​សាក និង​ចង់​ដឹង​ថា ការ​ថ្លឹង​របស់​អាជីវករ​ត្រឹមត្រូវ​ ឬ​ស៊ី​ភ្នែកជញ្ជីង​។

លោក ពេជ្រ សុគន្ធ បានអោយ​ដឹង​ទៀត​ថា កន្លង​មក តាម​ការ​ណែនាំ​របស់​ក្រសួង​ឧស្សាហកម្ម និង​សិប្ប កម្ម ​មន្ទីរ ​បាន​យកចិត្តទុកដាក់ ហើយបាន​យក​ជញ្ជីង​គំរូ​ចំនួន៤​គ្រឿង យក​ទៅ​យក​ទៅ​ដាក់​នៅ​តាម​ផ្សារ​ធំ​នានាដែល​ក្នុង​នោះ មាន​ផ្សារ​ថ្មី​ចំនួន​១​គ្រឿង, ផ្សារ​អូ​ឬ​ស្សី​កែវ បាន​ចំនួន​២​គ្រឿង និង​លើក​នេះ នៅ​ផ្សារ​ដើម​គរចំនួន​១​គ្រឿង ។

លោក​អនុប្រធាន​ការិយាល័យ​បាន​បញ្ជាក់​ថា តាម​គោលការណ៍ មន្ទីរនឹង​បន្ត​ដាក់​ជញ្ជីង​គំរូ នៅ​គ្រប់​ផ្សារ​នានា​នៅ​តាម​បណ្តា​ខណ្ឌ​ទាំង​១៤​នៅ​រាជធានី​ភ្នំពេញ​ នៅ​ក្នុង​ឆ្នាំ ២០២០​។ នៅ​ក្នុង​ឱកាស​នោះ​ដែរ មន្ត្រី​ជំនាញ​​បាន​ណែនាំដល់​លោក​គៀង ចក់ ដែល​ទើប​តែងតាំង​ជា​ប្រធាន​ផ្សារ​ដើម​គរ​ថ្មីៗ ឱ្យជួយ​ថែ​ក​រក្សា ជញ្ជីង​គំ​រូ​នោះ​ អោយ​បាន​ល្អ បើសិនខូចខាត ត្រូវ​រាយការណ៍​មក​មន្ទីរ​ជំនាញ​ចុះ​ត្រូវ​ពិនិត្យជួសជុលឡើង​វិញ ។ ​បើសិន មាន​បញ្ហាអាជីវករ​លក់ដូរថ្លឹង​មិន​គ្រប់ ប្រជាពលរដ្ឋតវ៉ា​ត្រូវ​ធ្វើការ​សម្របសម្រួល​ណែនាំ អោយ​អា​ជីករលក់ដូរថ្លឹងឱ្យបាន​ត្រឹមត្រូវ​ ។ គួរ​បញ្ចា​ក់ថា នៅ​ក្នុង​រាជធានី​ភ្នំពេញ​ មាន​ផ្សារ​រដ្ឋ ចំនួន​២៤​ផ្សារ​ និង​ផ្សារ​ឯកជន​ជា​ច្រើនទៀត ៕

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ