ឱ ! លោក​ម្ចាស់​ស្រុក​អើយ សង្ស័យ​គេ​មិន​គោរព​លោក​ទេ​! (​មាន​វី​ដេ​អូ​)


ខេត្តកំពត ៖ សំណង់​អនាធិបតេយ្យ​សង់​រំលោភ​ចុះ​ទៅ​ក្នុង​ព្រែក​កំពង់​ត្រៀក ស្ថិត​ក្នុងភូមិ​កំពង់​ត្រៀក ឃុំ​ជុំ​គ្រៀល ស្រុក​ទឹកឈូ ដោយ​ចាក់​សរសរ​បេតុង​ចុះ​ទៅ​ក្នុង​ព្រែក​យ៉ាងច្រើន​ស្អេកស្កះ និង​ធ្វើ​ដោយ​រលូន​ដែល​កន្លង​មក កាសែត​កោះសន្តិភាព​ធ្លាប់​បាន​ចុះ​ផ្សាយ និង​ធ្វើ​បទ​សម្ភាសន៍​ជាមួយ​លោក នាក់ សុ​វ​ណ្ណា​រី អភិបាលស្រុក​ទឹកឈូ កាលពី​កំឡុង​ខែមករា​ឆ្នាំ​២០២០ ម្តង​រួច​មក​ហើយ​។

កាលនោះ​លោក​អភិបាលស្រុក​ទឹកឈូ បាន​ប្រាប់​កោះសន្តិភាព​ថា លោក​ក្នុង​នាម​អាជ្ញាធរ​ស្រុក កន្លង​មក​ក៏​ធ្លាប់​បាន​ឲ្យ​អាជ្ញាធរ​ភូមិ​-​ឃុំ និង​មន្ត្រី​ជំនាញ​ស្រុក បាន​ធ្វើការ​ផ្សព្វផ្សាយ​ដល់​ប្រជា​ពលរដ្ឋ​ដែល​បាន​សង់​លំនៅ​ឋាន​រំលោភ​ចុះ​ក្នុង​ព្រែក សុំ​ឲ្យ​ផ្អាក​ការ​សាងសង់​។

ប៉ុន្តែ​បន្ទាប់​ពី​ការ​ផ្សព្វផ្សាយ​របស់​អាជ្ញាធរ​ស្រុក សំណង់​អនាធិបតេយ្យ​ចុះ​ក្នុង​ទឹក​ព្រែក​ក្នុងភូមិ​កំពង់​ត្រៀម ឃុំ​ជុំ​គ្រៀល ស្រុ​ល​ទឹកឈូ​នេះ នៅ​តែ​បន្ត​សាងសង់​ដដែល​។

សូម​បញ្ជាក់​ថា មិន​មានការ​ណែនាំ និង​ផ្សព្វផ្សាយ​របស់​អាជ្ញាធរ​ស្រុក ម្ចាស់​សំណង់​ទាំងនោះ​មិន​ទាន់​ធ្វើ​របង​ព័ទ្ធ​ការដ្ឋាន​សំណង់​របស់​ខ្លួន​ទេ លុះ​ក្រោយ​ពី​មានការ​ណែនាំ​របស់​អាជ្ញាធរ​ស្រុក ស្រាប់​តែ​ម្ចាស់​សំណង់​ទាំងនោះ​ធ្វើ​របង​បិទ​បាំង​ការដ្ឋាន​សំណង់​របស់​ខ្លួន​ហើយ​បន្ត​ធ្វើ​ដោយ​លួចលាក់​យ៉ាង​រលូន​។ សំណង់​ខ្លះ​ក៏​ជិត​សង់​ហើយ​រួចរាល់ សំណង់​ខ្លះ​ទៀត​គ្រាន់​តែ័​ព​ទ្ធ​របង​ស័ង្កសី​​មិន​ទាន់​សង់​បន្ត ប៉ុន្តែ​គេ​ជឿជាក់​ថា សំណង់​អនាធិបតេយ្យ​ខាងលើ និង​លួច​ធ្វើ​សកម្ម​ភាព​សាងសង់​ទាល់តែ​ហើយ​រួចរាល់​ដូច​គ្នា​ទាំងអស់ នៅ​ចំណុច​ហាមឃាត់​ខាងលើ បើសិនជា​អាជ្ញាធរ និង​មន្ត្រី​ជំនាញ​មិន​មាន​វិធានការ​ទប់ស្កាត់ ឬ​ឲ្យ​រុះរើ​ចេញ​ជា​បន្ទាន់​នោះ​ទេ​។

ជាមួយ​គ្នា​នេះ ពាក់ព័ន្ធ​ន​និង​សំណង់​អនាធិបតេយ្យ​ខាងលើ លោក នាក់ សុ​វ​ណ្ណា​រី អភិ​បាល​ស្រុក​ទឹកឈូ បាន​ប្រាប់​កោះសន្តិភាព​នៅ​ព្រឹក​ថ្ងៃ​ទី​១៤ ខែកុម្ភៈ ឆ្នាំ​២០២០​នេះ​ថា សំណង់​ទាំង​នេះ លោក​បាន​ឲ្យ​មន្ត្រី​ជំនាញ​ចេញ​លិខិត​ឲ្យ​ផ្អាក​ការ​សាងសង់​ជា​ពីរ​ដង​រួច​មក​ហើយ បើ​នៅ​តែ​លួច​បន្ត​សាងសង់​ទៀត​លោក និង​ស្នើ​សុំ​ឲ្យ​ក្រុមការងារ​សំណង់​របស់​ខេត្ត ចុះ​ពិនិត្យ និង​មាន​វិធានការ​បន្ត​ទៀត សំណង់​អាច​ប្រឈម​ជាមួយ​ច្បាប់​សំណង់ ពីព្រោះ​សំណង់​អនាធិបតេយ្យ​ទាំងនេះ​សុទ្ធតែ​គ្មាន​ច្បាប់​អនុញ្ញាត​ពី​មន្ត្រី​ជំនាញ​នោះ​ទេ ។

ហើយ​ក្នុង​នាម​លោក​ជា​អាជ្ញាធរ​មិន​អាច​មាន​វិធានការ​ដូច​មន្ត្រី​នគរបាល​យុត្តិធម៌​នោះ​ទេ លោក​មាន​សិទ្ធិ​ត្រឹមតែ​ផ្សព្វផ្សាយ និង​ណែនាំ​តែ​ប៉ុណ្ណោះ តែបើ​ណែនាំ​ផ្សព្វផ្សាយ​គេ​នៅ​តែ​ផ្គើន អាជ្ញា​ធរមាន​តែ​ធ្វើ​ពាក្យបណ្តឹង​ចូល​តុលាការ ដើម្បី​ឲ្យ​ជន​ទាំងនោះ​ចូល​ដោះស្រាយ​តាម​ផ្លូវច្បាប់​៕ (​កែ​សម្រួល​ដោយ ៖ បុប្ផា​)

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ