អារម្មណ៍ដែលខ្លាចចិត្ត ព្រួយបារម្ភពីលុយដែលបានខ្ចីយកមកធ្វើផ្ទះត្រូវបានរសាយពីទ្រូងអ្នកស្រុកបាទី ខេត្តតាកែវ ម្នាក់ គឺអ្នកស្រី ផាន់ ដុជឌី ក្រោយត្រូវរង្វាន់ធំពី ស្រាបៀរ កម្ពុជា កាលពីល្ងាចថ្ងៃទី២៤ ខែមករា ឆ្នាំ ២០២០ ចំថ្ងៃសែនចូលឆ្នាំចិនកន្លងទៅថ្មីៗនេះ ។
អ្នកស្រីបានរៀបរាប់ថា៖ «ទឹកប្រាក់ ៥០លានរៀលនេះ ជួយដោះស្រាយទុក្ខកង្វល់ប្តីប្រពន្ធខ្ញុំបានច្រើនណាស់ ព្រោះពួកខ្ញុំកំពុងតែខ្វល់ចិត្តរឿងជំពាក់លុយបងថ្លៃសម្ភារៈយកមកធ្វើផ្ទះយូរដែរហើយ សងមិនទាន់អស់ ។
បងថ្លៃក៏កំពុងត្រូវការលុយទៀត ។ ខ្ញុំពីរនាក់ប្តីប្រពន្ធបានត្រឹមសំឡឹងមុខគ្នា ព្រោះមិនដឹងទៅរកលុយ៦ពាន់ដុល្លារឯណាបានសងគេភ្លាមៗទេ ។ ដល់តែត្រូវរង្វាន់ធំឥតព្រៀងទុកអ៊ីចឹង ខ្ញុំក៏អររំភើបរកពាក្យនិយាយមិនចេញទេ» ។
អ្នកស្រី ដុជឌី ដែលបច្ចុប្បន្នជាកម្មការិនីនៅរោងចក្រកាត់ដេរសម្លៀកបំពាក់មួយកន្លែង នៅខេត្តតាកែវ ក៏បានបញ្ជាក់ថា ក្រោយពីយកទឹកប្រាក់សំណាងនេះទៅសងបងប្អូនរួច គាត់នឹងយកប្រាក់ដែលនៅសល់ទៅធ្វើផ្ទះបន្ថែម ព្រោះកំពុងខ្វះខាតផ្នែកចង្ក្រានបាយ និងបន្ទប់ទឹក ។
អ្នកម្តាយកូន ២រូបនេះបានប្រាប់អំពីដំណើររឿងនៃការឈ្នះរង្វាន់នេះថា ស្វាមីរបស់គាត់បានហូប ស្រាបៀរ កម្ពុជា ពីរនាក់ប្អូនថ្លៃ ។ គ្រាន់តែគាស់បានម្នាក់មួយកំប៉ុងក៏ស្រាប់តែឃើញ ៥០លានក្នុងក្រវិលកំប៉ុង ។ ស្វាមីគាត់អរណាស់ស្ទុះរត់ឡើងលើផ្ទះទៅប្រាប់គាត់ ហើយនាំគ្នាហ៊ោលើផ្ទះទាំងអស់គ្នា ព្រោះរំភើបពេក ។ ពិសាដោយការទទួលខុសត្រូវ ! ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ