ភាពជោគជ័យមិនអាចកើតមានឡើងក្នុងរយៈពេលតែមួយពព្រិចភ្នែកទេ ប៉ុន្តែមានរឿងខ្លះអ្នកអាចធ្វើវាជារៀងរាល់ថ្ងៃដើម្បីធានាថាអ្នកអាចក្លាយជាបុគ្គលដែលជោគជ័យនៅថ្ងៃអនាគតបាន ។ មហាសេដ្ឋីល្បីៗដូចជាលោក អ៊ីឡុន ម៉ាស់ (Elon Musk) និងនាយកប្រតិបត្តិរបស់ក្រុមហ៊ុនធំៗដូចជា Google និង Facebook សុទ្ធតែគិតថាភាពជោគជ័យប្រៀបបានជាគោលដៅដែលតម្រូវឲ្យមនុស្សព្យាយាមសម្រេចវាជារៀងរាល់ថ្ងៃ ។ ហើយគន្លឹះក្នុងការសម្រេចគោលដៅនេះគឺភាពអត់ធ្មត់ និងការប្តេជ្ញា ។ ខាងក្រោម គឺជារឿងសំខាន់ៗដែលអ្នកត្រូវតែធ្វើជារៀងរាល់ថ្ងៃដើម្បីទទួលបានជីវិតដែលជោគជ័យ៖
១. អានសៀវភៅដែលមិនពាក់ព័ន្ធទាំងស្រុងនឹងមុខរបររបស់អ្នក៖
ការអានប្រៀបបានជាវិធីដែលងាយជាងគេក្នុងការដកបទពិសោធន៍នានាពីមនុស្សដទៃ និងផ្តល់ជាជំនាញផ្សេងៗដែលជួយដល់អ្នកក្នុងនាមជាអ្នកដឹកនាំ ។ ប៉ុន្តែវាពិតជាសំខាន់ណាស់ក្នុងការពង្រីកចំណេះដឹងរបស់អ្នកឲ្យហួសពីអ្វីដែលអ្នកបានដឹងស្រាប់ ។
២. ធ្វើអ្វីដែលអ្នកធ្លាប់តែខ្លាច៖
ការមានភាពក្លាហានក្នុងការធ្វើអ្វីមួយដែលអ្នកធ្លាប់តែខ្លាចធ្វើជាមុខសញ្ញាបង្ហាញថាអ្នកកំពុងតែអភិវឌ្ឍន៍ខ្លួនហើយ ។ ប្រសិនបើអ្នកមិនចូលចិត្តការនិយាយជាសាធារណៈ អ្នកអាចចាប់ផ្តើមពីការរៀននិយាយដូចជានៅក្នុងកិច្ចប្រជុំនៅស្ថាប័នការងារជាដើម ។ ទោះជាវាពិបាកពេលដែលអ្នកធ្វើវាដំបូងពិតមែនក្តី អ្នកនឹងចាប់ផ្តើមក្លាហានឡើងនៅពេលក្រោយៗ ។
៣. ធ្វើលំហាត់ប្រាណ ៖
យោងទៅតាមលោក ថម ខូលី (Tom Corley) ដែលបានចំណាយពេល ៥ឆ្នាំដើម្បីសិក្សាពីអ្នកមានបានឲ្យដឹងថា អ្នកមានតែងតែមានចំណុចដូចគ្នាមួយគឺការធ្វើលំហាត់ប្រាណព្រោះមនុស្សដែលមានទម្លាប់ធ្វើលំហាត់ប្រាណភាគច្រើនមានភាពឆ្លាតវៃ ការប្តេជ្ញា និងជំនឿចិត្ត ព្រមទាំងកម្លាំងច្រើនជាងអ្នកដទៃដល់ទៅ ២០% ។
៤. ទុកពេលដើម្បីនឹកពីដៃគូប្រកួតប្រជែងរបស់អ្នក៖
ការមិនអត់ឱន ឬការរក្សាកំហឹងទៅកាន់ដៃគូប្រកួតប្រជែង ឬមនុស្សដែលចាំតែរិះគន់អ្នកអាចប៉ះពាល់ដល់អារម្មណ៍ និងស្មារតីរបស់អ្នក ព្រមទាំងរារាំងអ្នកមិនឲ្យសម្រេចគោលដៅធំៗបានទៀតផង ។ តែប្រសិនបើអ្នកអាចទទួលស្គាល់ពួកគេ ថាអាចជំរុញទឹកចិត្តអ្នកកាន់តែខ្លាំងដើម្បីបង្ហាញពីសមត្ថភាព និងលទ្ធផលការងាររបស់អ្នក ៕ កែសម្រួលដោយ ៖ សុឃាក់
ចែករំលែកព័តមាននេះ