មាស សៀវប៉ាយ សម្រេចដឹកចេញទៅវៀតណាម ទាំងខ្វះខាតថវិកា
- ភ្នំពេញ
រាជធានីភ្នំពេញ ៖ នៅថ្ងៃទី១៣ ខែកុម្ភៈ ឆ្នាំ២០២០នេះ គ្រួសារតារាកម្ពុជា បានសម្រេចបញ្ជូនតារាសម្ដែង មាស សៀវប៉ាយ ដែលនៅតែសន្លប់ស្ដូកស្ដឹងមិនទាន់ដឹងខ្លួន…
រាជធានីភ្នំពេញ ៖ នៅថ្ងៃទី១៣ ខែកុម្ភៈ ឆ្នាំ២០២០នេះ គ្រួសារតារាកម្ពុជា បានសម្រេចបញ្ជូនតារាសម្ដែង មាស សៀវប៉ាយ ដែលនៅតែសន្លប់ស្ដូកស្ដឹងមិនទាន់ដឹងខ្លួន…
រាជធានីភ្នំពេញ ៖ នៅថ្ងៃទី១៣ ខែកុម្ភៈ ឆ្នាំ២០២០នេះ គ្រួសារតារាកម្ពុជា បានសម្រេចបញ្ជូនតារាសម្ដែង មាស សៀវប៉ាយ ដែលនៅតែសន្លប់ស្ដូកស្ដឹងមិនទាន់ដឹងខ្លួន ក្រោយជួបគ្រោះថ្នាក់ចរាចរណ៍ផ្នែកក្បាលធ្ងន់ធ្ងរ ហើយទៅព្យាបាលនៅក្នុងប្រទេសវៀតណាម នៅមន្ទីរពេទ្យជោរី ក្នុងទីក្រុងហូជីមិញ។
យ៉ាងណាមិញ លទ្ធភាពនៃការចេញទៅ គឺស្ថិតក្នុងសភាពភ័យបារម្ភពីការព្យាបាលនៅឡើយទេ ដោយសារតែគ្រួសាររបស់ជនរងគ្រោះ ត្រូវពឹងទាំងស្រុងតែលើកម្លាំងបរិច្ចាគរបស់សប្បុរសជនក្នុងពេលបន្តបន្ទាប់។
ស្ថាបនិកគ្រួសារតារាកម្ពុជា និងសមាជិក ដែលជាអ្នកបំផុសឱ្យមានចលនាជួយដល់លោក មាស សៀវប៉ាយ ក្រោយគ្រោះថ្នាក់និយាយថា ទាំងឪពុក និងបងប្អូនរបស់លោក មាស សៀវប៉ាយ ស្ទាក់ស្ទើរមិនទទួលយកការព្យាបាលនៅក្នុងប្រទេសវៀតណាមនោះទេ ដោយសារតែគ្រួសារទាំងមូល គឺមិនមានលទ្ធភាព ម្យ៉ាងឪពុករបស់លោកក៏ឈឺមិនមានសុខភាពផង។ យ៉ាងណាមិញ ក្រោយការពន្យល់ និងសម្អាងលើកម្លាំងសប្បុរសធម៌ ក្រោមការជ្រោមជ្រែងរបស់គ្រួសារតារាកម្ពុជា គ្រួសាររបស់លោកសម្រេចចិត្តបញ្ជូនចេញ។
លោកថា ការសម្របសម្រួលត្រូវបានចាត់ចែងរៀបរយអស់ហើយ ដោយគ្រួសារជនរងគ្រោះមានជំនួយក្នុងដៃពីសប្បុរសជននានាប្រមាណ២ពាន់ដុល្លារ ក្នុងការចេញទៅ ខណៈដែលគ្រួសារតារាកម្ពុជា មានជំនួយប្រមាណជាង១ពាន់ដុល្លារផ្សេងទៀត ដើម្បីជួយពីក្រោយ។ លោកថា គ្រួសារតារាកម្ពុជា នឹងបន្តរ៉ៃអង្គាស និងបំផុសជួយដល់តារារូបនេះ ឱ្យអស់លទ្ធភាព បន្ទាប់ពីលោកនៅតែមានសភាពមិនទាន់ដឹងខ្លួន ក្រោយចូលសម្រាកនៅក្នុងមន្ទីរពេទ្យក្នុងស្រុក។
លោកបន្តថា «លោក មាស សៀវប៉ាយ ត្រូវបានបញ្ជូនចេញទៅវៀតណាម ក្រោយរកបានជំនួយសរុបពីគ្រប់ទីប្រមាណជាង៣ពាន់ដុល្លារ តែយើងមិនអាចទុកឱ្យសភាពជំងឺនេះ នៅតែធ្ងន់បែបនេះបានទេ យ៉ាងហោចណាស់ប្រសិនបើអស់លទ្ធភាពក្នុងការអំពាវនាវ និងបំផុសពីកង្វះខាតនេះ ក៏អាចឱ្យមាស សៀវប៉ាយ ផ្ទាល់គាត់អស់ចិត្ត ចំពោះការជួយសង្គ្រោះដែរ»។
លោកថា កម្លាំងសាមគ្គីរបស់សប្បុរសជននឹងជួយឱ្យលោក មាស សៀវប៉ាយ ទទួលបានការជ្រោមជ្រែងរហូតជា ស្របគ្នាដែលខាងមន្ទីរពេទ្យរុស្ស៊ី ក៏បានបញ្ជាក់ហើយថា លោកមិនមានឈាមកកនៅក្នុងលលាដ៍ ដែលតម្រូវឱ្យវះកាត់នោះ។ លោកថា គ្រួសារតារាកម្ពុជា ធ្លាប់ធ្វើសកម្មភាពរ៉ៃលុយ និងបំផុសពីទុក្ខលំបាករបស់សិល្បៈបែបនេះច្រើននាក់មកហើយ ធ្វើឱ្យសប្បុរសជនគ្រប់ទិសទីចុះជួយព្រមគ្នា ទើបលោកជឿថា កម្លាំងនៃការបំផុសជួយលោក មាស សៀវប៉ាយ លើកនេះ គឺពិតមិនអត់សប្បុរសជនដែលមានទឹកចិត្តជួយ រហូតដល់ស្ថានភាពជំងឺរបស់លោកមានសង្ឃឹម។ (កែសម្រួលដោយ ៖ បុប្ផា)
ចែករំលែកព័តមាននេះ