មនុស្ស២០នាក់នៅលើកប៉ាល់ដែលចតនៅព្រះសីហនុមានសុខភាពមិនប្រក្រតី
- ភ្នំពេញ
រាជធានីភ្នំពេញ ៖ អភិបាលខេត្តព្រះសីហនុលោក គួច ចំរើន បានឲ្យដឹងថា មានមនុស្ស២០នាក់នៅលើកប៉ាល់ដែលចតនៅព្រះសីហនុ ចំនួន២០នាក់ មានសុខភាពមិនប្រក្រតី ។…
រាជធានីភ្នំពេញ ៖ អភិបាលខេត្តព្រះសីហនុលោក គួច ចំរើន បានឲ្យដឹងថា មានមនុស្ស២០នាក់នៅលើកប៉ាល់ដែលចតនៅព្រះសីហនុ ចំនួន២០នាក់ មានសុខភាពមិនប្រក្រតី ។…
រាជធានីភ្នំពេញ ៖ អភិបាលខេត្តព្រះសីហនុលោក គួច ចំរើន បានឲ្យដឹងថា មានមនុស្ស២០នាក់នៅលើកប៉ាល់ដែលចតនៅព្រះសីហនុ ចំនួន២០នាក់ មានសុខភាពមិនប្រក្រតី ។ លោក គួច ចំរើន អភិបាលខេត្តព្រះសីហនុបានបញ្ជាក់ នាព្រឹកថ្ងៃទី១៣ ខែកុម្ភៈនេះថា មនុស្សដែលនៅលើកប៉ាល់មិនមានជនជាតិមកពីទីក្រុងវូហាននោះទេ គឺមានតែជនជាតិចិនតែម្នាក់ប៉ុណ្ណោះដែលជាអនិជន ។
លោកថា បើតាមក្រុមគ្រូពេទ្យមកតាមកប៉ាល់បានឲ្យដឹងថា មានអ្នកមកតាមកប៉ាល់ចំនួន២០នាក់មានសុខភាពមិនប្រក្រតី ក្នុងនោះមានជំងឺក្រពះ និងជំងឺផ្សេងៗ ។ លោកបញ្ជាក់ថា ៖«ទោះបីជាអ្នក២០នាក់ មានសុខភាពមិនប្រក្រតីមែន តែមិនមានន័យថា គាត់មានផ្ទុកជំងឺកូរ៉ូណាថ្មីនោះទេ គឺត្រូវធ្វើការវិភាគពីគ្រូពេទ្យយើងសិន ។ ខ្ញុំសូមប្រាប់ថា គាត់ទាំងនោះមានសុខភាពមិនប្រក្រតី» ។
លោកបន្តថា វិធានការដែលក្រុមគ្រូពេទ្យកម្ពុជាយើងបានឯកភាពគ្នារួចហើយ ដោយក្រុមគ្រូពេទ្យរបស់យើងបានឡើងទៅកប៉ាល់ ដោយយកសំណាក់របស់អ្នកទាំង២០នាក់ និងត្រៀមដាក់តាមឧទ្ធម្ភចក្រទៅធ្វើការវិភាគនៅវិទ្យាស្ថានប៉ាស្ទ័រនៅភ្នំពេញ ។ លោកបន្តថា ៖«យើងត្រូវតែធ្វើឲ្យបានម៉ត់ចត់ចំពោះករណីអ្នកមានសុខភាពមិនប្រក្រតីនេះ ដើម្បីបញ្ជាក់ជូនសាធារណៈជនថា មាន ឬមិនមានឆ្លងជំងឺកូរ៉ូណានេះ ។ ចំពោះអ្នកដែលមានសុខភាពមិនប្រក្រតីនេះ» ។
លោកអភិបាលខេត្តបានលើកឡើងទៀតថា អ្នកដែលសង្ស័យនេះរងចាំលទ្ធផលពីវិទ្យាស្ថានប៉ាស្ទ័រសិនមិនឲ្យចាកចេញពីកប៉ាល់ ហើយត្រូវដឹកជញ្ជូនរថយន្តទៅដល់កន្លែងចាកចេញតែម្តង ។ ពេលនេះសមត្ថកិច្ចបានកំពុងរៀបចំឯកសារចាកចេញពីកម្ពុជា ។ លោកបញ្ជាក់ថា ៖«តៃកុងឡានដឹងទៅត្រូវធ្វើអ្នកបកប្រែផង ហើយបើដល់ជណ្តើរយន្តហោះហើរមិនទាន់បើកទ្វារនោះតៃកុងឡានកុំបើកទ្វារឡាន ។ សូម្បីឈឺចូលបន្ទប់ទឹក ក៏មិនត្រូវឈប់ដែរ គឺទៅឲ្យដល់យន្តហោះតែម្តង ។ ដូច្នេះយើងត្រូវការពារឲ្យចប់សព្វគ្រប់ ដើម្បីងាយស្រួលដោះស្រាយ និងឆ្លើយជាមួយប្រជាជន» ។ លោកបន្តថា រថយន្តដែលដឹកអ្នកដែលមានសុខភាពមិនប្រក្រតីនោះ នៅពេលជូនដំណើររួចហើយ ត្រូវយកមកកន្លែងកប៉ាល់វិញដើម្បីឲ្យខាងក្រុមគ្រួពេទ្យបាញ់ថ្នាំសម្លាប់មេរោគ ។
លោកក៏បានឲ្យដឹងថា ខាងកម្ពុជាមានទាំងសមត្ថកិច្ច ក្រុមគ្រូពេទ្យ តៃកុងឡាន សរុបប្រមាណ៧០នាក់ត្រូវធ្វើការតាមដានក្នុងរយៈពេល១៤ថ្ងៃ ដើម្បីបង្ហាញពីការយកចិត្តទុកដាក់ និងកុំមានការសង្ស័យឆ្លងជំងឺនេះ ។ ជាមួយគ្នានោះដែរ លោកអភិបាលក៏បានស្រង់ឈ្មោះដែលធ្វើការ និងករណីអ្នកមានសុខភាពមិនប្រក្រតី ដើម្បីធ្វើវិធានការការពារ និងបាញ់សម្លាប់មេរោគ កុំឲ្យមានការរីករាលដាលជំងឺនេះ ។
រដ្ឋលេខាធិការ និងជាអ្នកនាំពាក្យក្រសួងសុខាភិបាលលោកស្រី វេជ្ជបណ្ឌិត ឱ វណ្ណឌីន បានឲ្យដឹងថាក្រសួងមានក្រុមគ្រូពេទ្យជាប្រចាំដើម្បីពិនិត្យតាមដានអ្នកនៅលើកប៉ាល់និងជួបអ្នកជំងឺដែលថាមានអាការៈមិនស្រួលដោយធ្វើការវិនិច្ឆ័យទៅតាមនីវិធីរបស់ក្រសួង ។ លោកស្រីបញ្ជាក់ថា ៖«នៅលើកប៉ាល់បើសិនមានបុគ្គណាមួយថា សង្ស័យថា ឆ្លងជំងឺកូរ៉ូណានោះ យើងនឹងយកវត្ថុវិភាគដែលយើងត្រៀមនោះធ្វើការវិភាគ និងពិនិត្យយកទៅវិភាគនៅវិទ្យាស្ថានប៉ាស្ទ័រ ។ អ្នកដែលសង្ស័យកើតជំងឺកូរ៉ូណានោះនឹងដាក់ឲ្យនៅដាច់ដោយឡែកនៅលើកប៉ាល់ ដោយមិនឲ្យមានរស់នៅជាមួយអ្នកផ្សេងទៀតទេ ។ អីញ្ចឹងជាដំណាក់កាលនេះគាត់នៅដាច់ដោយឡែងពីគេសិន ដោយរងចាំលទ្ធផលទើបយើងចាត់ចែងជាក្រោយ» ។
លោកទេសរដ្ឋមន្ត្រី ស៊ុនចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា អ្នកដែលធ្វើដំណើរចេញពីកប៉ាល់មានសំបុត្រយន្តហោះបន្តជើង ។ ពេលនេះកំពុងត្រៀមយន្តហោះដឹកអ្នកទាំងនោះពីព្រលានយន្តហោះកងកេង ព្រះសីហនុទៅព្រលានយន្តភ្នំពេញ ហើយបន្តជើងតែម្តងដែលប៉ាន់ស្មានចំនួន៥០នាក់ ។ លោកបន្តថា ពេលនេះខាងអាកាសចរណ៍ស៊ីវិលបានកំពុងធ្វើការ និងកំណត់យកក្រុមហ៊ុនមួយណា ។ ជាងនេះការដឹកនាំនេះក៏ប្រើប្រាស់រថយន្តក្រុង១៥គ្រឿង ដឹកទៅព្រលានយន្តកងកេង រួចហើយហោះមកភ្នំពេញ ដើម្បីបន្តដំណើរដែលគេចង់ទៅ ៕
ចែករំលែកព័តមាននេះ