ប្រេងគឺជាធនធានដ៏សំខាន់សម្រាប់ការរស់នៅប្រចាំថ្ងៃ ការប្រកបអាជីវកម្ម ប្រព័ន្ធគមនាគមន៍ និងបម្រើឱ្យគ្រប់វិស័យ ហើយប្រេងក៏មានតម្លៃខុសៗគ្នាទៅតាមប្រភពដែលសម្បូរ និងមិនសូវសម្បូរដែរ ។ ជាក់ស្ដែងប្រទេសដែលសម្បូរប្រេងជាងគេវាអាចនឹងមានតម្លៃថោកជាងប្រទេសដែលមិនសូវសម្បូរ ឬគ្មានប្រេងតែម្ដង ។
ប្រេងគឺជាធនធានដ៏សំខាន់សម្រាប់ការរស់នៅប្រចាំថ្ងៃ ការប្រកបអាជីវកម្ម ប្រព័ន្ធគមនាគមន៍ និងបម្រើឱ្យគ្រប់វិស័យ ហើយប្រេងក៏មានតម្លៃខុសៗគ្នាទៅតាមប្រភពដែលសម្បូរ និងមិនសូវសម្បូរដែរ ។ ជាក់ស្ដែងប្រទេសដែលសម្បូរប្រេងជាងគេវាអាចនឹងមានតម្លៃថោកជាងប្រទេសដែលមិនសូវសម្បូរ ឬគ្មានប្រេងតែម្ដង ។ ខាងក្រោមនេះគឺប្រទេសចំនួន១០ដែលមានតម្លៃថោកជាងគេ និងប្រទេសចំនួន១០ទៀតដែលមានតម្លៃប្រេងសាំងថ្លៃជាងគេបំផុតនៅលើពិភពលោក ៖
១-ប្រទេសវ៉េណេស៊ុយអេឡា ក្នុងមួយលីត្រតម្លៃត្រឹមតែ១សេនប៉ុណ្ណោះ ។
២-ប្រទេសស៊ីរី មានតម្លៃត្រឹមតែ៦សេន ក្នុងមួយលីត្រ ។
៣-ប្រទេសអារ៉ាប៊ីសាអូឌីត ប្រេងសាំងមានតម្លៃ១៦សេនក្នុងមួយលីត្រ ។
៤-ប្រទេសតួកម៉េននីស្ថាន សាំងមានតម្លៃ២២សេនក្នុងមួយលីត្រ ។
៥-ប្រទេសកូវែត ប្រេងសាំងមានតម្លៃ២៥សេនក្នុងមួយលីត ។
៦-ប្រទេសបារ៉ែន ប្រេងសាំងមានតម្លៃ២៦សេនក្នុងមួយលីត្រ។
៧-ប្រទេសកាតា មានតម្លៃ២៧សេនក្នុងមួយលីត ។
៨-ប្រទេសអាល់ហ្សេរី មានតម្លៃ២៧សេនក្នុងមួយលីត្រដែរ ។
៩-ប្រទេសអ៊ីរ៉ង់ មានតម្លៃ២៧សេនក្នុង១លីត្រដែរ ។
១០-ប្រទេសអូម៉ង មានតម្លៃ៣១សេនក្នុងមួយលីត្រ ។
ដោយឡែកប្រទេសទាំងដប់លើពិភពលោកដែលតម្លៃប្រេងសាំងខ្ពស់ជាងគេមានដូចជា
១-ប្រទេសន័រវែស មានតម្លៃ២,៥៣ដុល្លារក្នុងមួយលីត្រ។
២-ប្រទេសអីុតាលី សាំងមានតម្លៃ២,៤៦ដុល្លារក្នុងមួយលីត្រ ។
៣-ប្រទេសហូឡង់ សាំងមានតម្លៃ២,៤៣ដុល្លារក្នុងមួយលីត្រ ។
៤-ប្រទេសដាណឺមាក សាំងមានតម្លៃ២,៣៣ដុល្លារក្នុងមួយលីត ។
៥-ប្រទេសតួកគី សាំងមានតម្លៃ២,៣៣ដុល្លារក្នុងមួយលីត្រដែរ ។
៦-ប្រទេសក្រិក សាំងមានតម្លៃ២,៣០ដុល្លារក្នុងមួយលីត្រ ។
៧-ប្រទេសអីុស្រាអែល ប្រេងសាំងមានតម្លៃ២,២១ដុល្លារក្នុងមួយលីត្រ ។
៨-ទីក្រុងហុងកុងប្រទេសចិន ប្រេងសាំងមានតម្លៃ២,២០ដុល្លារក្នុងមួយលីត្រ ។
៩-ប្រទេសហ្វាំងឡង់ មានតម្លៃ២,២០ដុល្លារក្នុងមួយលីត ។
១០-ប្រទេសអង់គ្លេស ប្រេងសាំងមានតម្លៃ២.២០ដុល្លារក្នុងមួយលីត្រដូចគ្នា ។
ចុងក្រោយយើងអាចដឹងបានថា ប្រទេសណេវ៉េស៊ុយអេឡា មានតម្លៃប្រេងសាំងថោកជាងគេគឺត្រឹមតែ១សេនប៉ុណ្ណោះក្នុងមួយលីត្រ ដោយឡែកប្រទេសដែលមានប្រេងសាំងថ្លៃជាងគេបំផុត គឺប្រទេសន័រវែស ដែលមានតម្លៃរហូតដល់២,៥៣ដុល្លារក្នុងមួយលីត្រ៕
ចែករំលែកព័តមាននេះ