រាជធានីភ្នំពេញ ៖ អ្នកជំនាញក្នុងវិស័យកសិកម្មនិងកសិឧស្សាហកម្មឈានមុខគេជាង២០ឆ្នាំនៅក្នុងប្រទេសកម្ពុជាបានមើលឃើញ ថាបច្ចុប្បន្នក្នុងវិស័យកសិកម្មកម្ពុជាពុំមានទាន់មានផ្ទៃដីក្នុងទំហំរាប់ម៉ឺនហិកតាសម្រាប់ក្រុមហ៊ុនខ្នាតអន្តរជាតិជំនាញខាងកសិកម្មដូចជាមេរិកនោះទេ ខណៈដែលវត្តមានក្រុមហ៊ុនក៏ដូចជាតំណាងក្រុមហ៊ុនពីអាមេរិកស្វែងរកកាលាអនុវត្តភាពកាលពីថ្មីៗក្រោមការសមសម្រួលរបស់ស្ថានទូតអាមេរិកប្រចាំកម្ពុជា។
តាមអ្នកជំនាញដែលមានបទពិសោធន៍ប្រមាណ២៦ឆ្នាំក្នុងវិស័យកសិកម្មនៅកម្ពុជាប្រាប់ឱ្យដឹងថាកាលពីថ្ងៃទី៩កុម្ភៈឆ្នាំ២០២០ថា ក្រុមហ៊ុនអាមេរិកដែលចូលមកស្វែងយល់ពីវិស័យកម្មកម្ពុជាគេចង់បង្កើតក្រុមហ៊ុនខ្លួនឯងព្រោះគេសុទ្ធតែក្រុមហ៊ុនធំៗមានទុនគ្រប់គ្រាន់ ពុំចាំបាច់ត្រូវការសហការនិងក្រុមហ៊ុនក្នុងស្រុកនោះទេ។តែសម្រាប់ការដាំដុះនៅក្នុងវិស័យកសិកម្មប្រហែលគ្មានសង្ឃឹមទេ ព្រោះក្រុមហ៊ុនអាមេរិកត្រូវការដីខ្ពស់ម៉ឺនហិកតាទើបអនុវត្តគម្រោងបាន។
លោកឧកញ៉ា ម៉ុងឬទ្ធី បានមានប្រសាសន៍កាលពីពេលថ្មីៗនេះថា ការដាំដុះខ្ញុំមិនមានសង្ឃឹមទេ ព្រោះគេដាំដុះគេត្រូវការដីរាប់ម៉ឺនហិកតាទើបធ្វើកើត ។ យើងទៅមានផ្ទៃរាប់ម៉ឺនហិកតាឯណា0x017d7 ក្រុមហ៊ុនអាមេរិកទាំងនោះបើគ្មានផ្ទៃដីរាប់ពាន់ហិកតាវាមិនធ្វើទេ។ នៅពេលកន្លងមកធ្លាប់ជួបក្រុមវិនិយោគអាមេរិកម្តងរួចទៅហើយ នៅស្ថានទូតអាមេរិកហើយវាមិនបានប្រាប់ថាវាមកវិនិយោគ ដាំ ឬ ចិញ្ចឹមអីទៅមិនរួចទេ»។
លោកឧកញ៉ាបានបន្តថា «តាមបទពិសោធន៍២៦ឆ្នាំលើវិស័យកសិកម្ម និងកសិឧស្សាហកម្ម នៅពេលនេះយើងមិនអាចទៅរួចទេ ដោយកម្ពុជាមិនអាចរៀបចំដីឱ្យគេធ្វើទៅបាននាពេលបច្ចុប្បន្ននេះ ។ ចំពោះក្រុមហ៊ុនខ្ញុំផ្ទាល់ខ្ញុំមិនមានសង្ឃឹមទេព្រោះវាជារឿងខុសគ្នា ហើយខ្ញុំក៏រកស៊ីជាមួយគាត់ដែរ ខ្ញុំទិញសណ្តែងសៀងពីពួកគាត់ សណ្តែកសៀងមកផលិតចំណីសត្វនៅក្រុមអស់នេះមានរយៈពេល៤ឆ្នាំមកហើយ ។ លើសពីនេះក៏មានទិញកាកសំណល់ពោតដែលគេគាបយកប្រេងផលិតជាចំណីសត្វ»។
ឯកអគ្គរដ្ឋទូតសហរដ្ឋអាមេរិកប្រចាំកម្ពុជាលោក W. Patrick Murphy បានមានប្រសាសន៍កាលពីថ្ងៃទី៦ ខែកុម្ភៈកន្លងទៅថា នេះមិនមែនជាលើកទី១ទេ ដែលអាមេរិកគៀងគរតំណាងក្រុមហ៊ុនធំៗពីអាមេរិកមកកម្ពុជា ដើម្បីស្វែងរកឱកាសវិនិយោគនៅកម្ពុជា តែសម្រាប់លើកនេះ គឺជាព្រឹត្តិការណ៍ប្រវត្តិសាស្ត្រដែលមានធុរជនមកពីតំណាងក្រុមហ៊ុនធំៗនៅអាមេរិកបានមកដល់កម្ពុជា និងសិក្សាស្វែងយល់ពីឱកាសក្នុងវិនិយោគលើពាណិជ្ជកម្មនិងកសិកម្ម នៅកម្ពុជា។
លោកឯកអគ្គរដ្ឋទូតក៏បានគូសបញ្ជាក់ថា « ក្រុមហ៊ុនអាមេរិកប្រមាណ១៥ស្វែងយល់ពីកាលានុវត្តភាពវិស័យកសិកម្មនៅកម្ពុជា គេមានចំណាបអារម្មណ៍ខ្លាំងក្នុងចូលរួមពិភាក្សាជាមួយក្រុមធុរកិច្ចក្នុងស្រុក។ក្រុមហ៊ុនពួកគាត់ទាំងនេះគឺជាសុទ្ធតែក្រុមហ៊ុនយក្សខាងវិស័យកសិកម្មដែលបានទទួលស្គាល់នៅទូទាំងពិភពលោក។ក្រៅពីនេះក៏មានក្រុមហ៊ុនផលិតបច្ចេកវិទ្យាហើយពួកគេថានឹងនាំបច្ចេកវិទ្យាមកបម្រើនៅក្នុងវិស័យកសិកម្មកម្ពុជា ។ ក្រុមហ៊ុនធំៗទាំងនេះពួកគេអាចកំណត់អនាគតកសិកម្មនៅលើភពផែនដី
យើង» ។
សូមរម្លឹកថា លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម នាឱកាសចូលរួមក្នុងពិធីបើកព្រឹត្តិការណ៍ «កាលានុវត្តភាពធុរកិច្ចក្នុងវិស័យកសិកម្មនៅកម្ពុជា ២០២០» ដែលរៀបចំឡើងដោយស្ថានទូតនៃសហរដ្ឋអាមេរិកប្រចាំនៅកម្ពុជា និងសភាពាណិជ្ជកម្មអាមេរិកនៅកម្ពុជា នៅសណ្ឋាគាររ៉ូសវូត រាជធានីភ្នំពេញ ពីថ្ងៃទី០៦-០៧ ខែកុម្ភៈ ឆ្នាំ២០២០ នោះបានលើកឡើងថា វិស័យកសិកម្ម ជាវិស័យអាទិភាពមួយដែលមានកំណត់នៅក្នុងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា។ លោករដ្ឋមន្ត្រី ក៏បានបញ្ជាក់ជូនទៅក្រុមវិនិយោគិនអាមេរិកផងដែរថា «ផលិតផលកសិកម្មមួយចំនួន ដូចជាស្រូវ-អង្ករ ពោត សណ្ដែកសៀង ដំឡូងមី ស្វាយ ស្វាយចន្ទី កៅស៊ូ បន្លែ ត្រី សាច់ ដែលសុទ្ធសឹងជាផលិតផលសក្ដានុពល សម្រាប់ជាព័ត៌មានជូនដល់ធុរជនជាតិ និងអន្តរជាតិ ពិចារណាក្នុងការធ្វើអាជីវកម្ម ឬវិនិយោគនៅកម្ពុជា» ។
ព្រមជាមួយគ្នានោះលោកបានសង្កត់ធ្ងន់លើការលើកកម្ពស់ខ្សែចង្វាក់តម្លៃ និងការកែច្នៃផលិតផលកសិកម្ម ជាការងារអាទិភាពមួយ ដើម្បីទ្រទ្រង់វិស័យកសិកម្មឲ្យមានការរីកចម្រើនមួយចំណែកទៀត ដោយក្នុងនោះ លោករដ្ឋមន្ត្រីក្រសួងពាណិជ្ជកម្មកម្ពុជា បានលើកជាឧទាហរណ៍ការកែច្នៃដំឡូងមីទៅជាម្សៅ គ្រាប់ថ្នាំ ថង់ អេតាណុល និងជាវត្ថុផ្សេងៗទៀត ដែលសកម្មភាពទាំងនោះ នឹងបង្កើតការងារ បង្កើនចំណូល និងធ្វើឲ្យជីវភាពប្រជាពលរដ្ឋមានការរីកចម្រើន។ ជាងនេះទៅទៀតភាគីកម្ពុជា បានអំពាវនាវឲ្យក្រុមហ៊ុនអាមេរិក ក៏ដូចជាក្រុមហ៊ុនក្នុងស្រុក ពិចារណាលើការវិនិយោគបន្ថែមលើការកែច្នៃផលិតផលកសិកម្ម ដោយបានលើកឡើងអំពីបរិយាកាសវិនិយោគល្អប្រសើររបស់កម្ពុជា ៕ កែសម្រួលដោយ ៖ សុឃាក់
ចែករំលែកព័តមាននេះ