មនុស្សមិនតិចទេដែលមិនទាន់យល់ច្បាស់ ឬក៏អាចយល់ខុសទៀតផងអំពីសភាវៈនៃបុណ្យដែលទស្សនៈភាគច្រើនគិតថា ការលះបង់ទ្រព្យសម្បត្តិច្រើនក្នុងការធ្វើបុណ្យផ្សេងៗ នឹងបានបុណ្យច្រើន លះទ្រព្យតិចនឹងបានបុណ្យតិច ដែលការគិតបែបនេះបានក្លាយទៅជាវប្បធម៌ក្នុងសង្គមខ្មែរទៅហើយ ។ តាមពិតទៅពាក្យថាបុណ្យ គឺជាធម្មជាតិដែលញ៉ាំងចិត្ត និងបេះដូងរបស់អ្នកឲ្យសប្បាយរីករាយ…
មនុស្សមិនតិចទេដែលមិនទាន់យល់ច្បាស់ ឬក៏អាចយល់ខុសទៀតផងអំពីសភាវៈនៃបុណ្យដែលទស្សនៈភាគច្រើនគិតថា ការលះបង់ទ្រព្យសម្បត្តិច្រើនក្នុងការធ្វើបុណ្យផ្សេងៗ នឹងបានបុណ្យច្រើន លះទ្រព្យតិចនឹងបានបុណ្យតិច ដែលការគិតបែបនេះបានក្លាយទៅជាវប្បធម៌ក្នុងសង្គមខ្មែរទៅហើយ ។
តាមពិតទៅពាក្យថាបុណ្យ គឺជាធម្មជាតិដែលញ៉ាំងចិត្ត និងបេះដូងរបស់អ្នកឲ្យសប្បាយរីករាយ ឲ្យស្អាតផូរផង់ និងជ្រះស្រឡះក្នុងការលះបង់អ្វីមួយដើម្បីជាប្រយោជន៍ និងសេចក្តីសុខដល់អ្នកដទៃ។ បុណ្យសំដៅដល់ទឹកចិត្ត ដែលស្អាតបរិសុទ្ធ សោមនស្សរីករាយ មិនក្តៅក្រហល់ក្រហាយ មិនរវើរវាយចិត្ត មិនសោកស្តាយពេលខ្លួនបានបរិច្ចាគសេចក្តីសុខ និងទ្រព្យរបស់ខ្លួនដើម្បីជួយសង្គ្រោះ និងជ្រោមជ្រែងអ្នកផងទាំងពួង ។
ហេតុនេះការធ្វើបុណ្យច្រើនឬតិចមិនអាស្រ័យលើសកម្មភាពនៃការលះបង់ទ្រព្យសម្បត្តិខាងក្រៅច្រើនឬតិចប៉ុនណានោះទេ តែអាស្រ័យលើចេតនា និងទឹកចិត្តដ៏បរិសុទ្ធរបស់អ្នកធ្វើទេតើ ។ សាន សារិន
ចែករំលែកព័តមាននេះ