ប្រទេសចិន-កោះតៃវ៉ាន់ ៖ យោងតាមរ៉យទ័រថា កងទ័ពអាកាសតៃវ៉ាន់កាលពីថ្ងៃទី១០កុម្ភៈ បានឲ្យកងយន្តហោះរបស់ខ្លួនហោះឡើង ដើម្បីស្ទាក់បណ្ដាយន្តហោះចិនដែលហោះឆ្លងកាត់រយៈពេលខ្លី ខ្សែបន្ទាត់ដែលបែងចែកចិនដីគោកនិងកោះតៃវ៉ាន់។ ក្រសួងការពារតៃវ៉ាន់ថ្លែងថា បណ្ដាយន្តហោះប្រដេញចិនដែលហោះអមការពារ បណ្ដាយន្តហោះទម្លាក់គ្រាប់បែកយុទ្ធសាស្ត្រធុន…
ប្រទេសចិន-កោះតៃវ៉ាន់ ៖ យោងតាមរ៉យទ័រថា កងទ័ពអាកាសតៃវ៉ាន់កាលពីថ្ងៃទី១០កុម្ភៈ បានឲ្យកងយន្តហោះរបស់ខ្លួនហោះឡើង ដើម្បីស្ទាក់បណ្ដាយន្តហោះចិនដែលហោះឆ្លងកាត់រយៈពេលខ្លី ខ្សែបន្ទាត់ដែលបែងចែកចិនដីគោកនិងកោះតៃវ៉ាន់។
ក្រសួងការពារតៃវ៉ាន់ថ្លែងថា បណ្ដាយន្តហោះប្រដេញចិនដែលហោះអមការពារ បណ្ដាយន្តហោះទម្លាក់គ្រាប់បែកយុទ្ធសាស្ត្រធុន H-6 បានហោះឆ្លងកាត់រយៈពេលខ្លី ខ្សែបន្ទាត់នោះក្នុងច្រកសមុទ្រតៃវ៉ាន់ ដែលបង្ខំឲ្យកងទ័ពអាកាសតៃវ៉ាន់ធ្វើអន្តរាគមន៍ ហើយបង្ខំឲ្យយន្តហោះចិនទាំងនោះចាកចេញពីតំបន់នេះវិញ។ កងយន្តហោះចិនពេលនោះក៏បានហោះដកថយ។
ក្រសួងនោះបញ្ជាក់ថា បណ្ដាយន្តហោះ H-6 របស់ចិន បានបំពេញបេសកកម្មហ្វឹកហ្វឺនក្នុងមហាសមុទ្រប៉ាស៊ីហ្វិក បន្ទាប់ពីហោះឆ្លងកាត់ព្រែកជីកបាស៊ី ដែលបែងចែកតៃវ៉ាន់និងហ្វ៊ីលីពីន។
បណ្ដាយន្តហោះចម្បាំងចិន ក្នុងនោះមានយន្តហោះប្រដេញធុន J-11 បានហោះរួចហើយកាលពីថ្ងៃទី៩ ខែកុម្ភៈ កាត់ព្រែកជីកបាស៊ី ដែលបង្ខំឲ្យបណ្ដាយន្តហោះប្រដេញតៃវ៉ាន់ F-16 ហោះចេញទៅ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ