ប្រទេសស៊ីរី-តួកគី ៖ ក្រសួងការពារប្រទេសតួកគីរាយការណ៍នាថ្ងៃទី១០កុម្ភៈថា ទាហានតួកគី៥នាក់បានត្រូវបាត់បង់ជីវិតក្នុងការវាយប្រហាររបស់កងទ័ពស៊ីរី លើប៉ុស្តិ៍សង្កេតការណ៍តួកគីមួយក្នុងតំបន់អ៊ីដលីប ភាគពាយ័ព្យស៊ីរី។ ការវាយប្រហារនេះដែលសំដៅលើជំរំយោធាមួយ ដែលទើបកសាងនៅតាហ្វតាណាស់ កើតមាន មួយសប្ដាហ៍បន្ទាប់ពីការបាត់បង់ជីវិតរបស់ទាហានតួកគី៨នាក់…
ប្រទេសស៊ីរី-តួកគី ៖ ក្រសួងការពារប្រទេសតួកគីរាយការណ៍នាថ្ងៃទី១០កុម្ភៈថា ទាហានតួកគី៥នាក់បានត្រូវបាត់បង់ជីវិតក្នុងការវាយប្រហាររបស់កងទ័ពស៊ីរី លើប៉ុស្តិ៍សង្កេតការណ៍តួកគីមួយក្នុងតំបន់អ៊ីដលីប ភាគពាយ័ព្យស៊ីរី។
ការវាយប្រហារនេះដែលសំដៅលើជំរំយោធាមួយ ដែលទើបកសាងនៅតាហ្វតាណាស់ កើតមាន មួយសប្ដាហ៍បន្ទាប់ពីការបាត់បង់ជីវិតរបស់ទាហានតួកគី៨នាក់ ក្នុងការបាញ់ផ្លោងរបស់កងទ័ពស៊ីរី ហើយកងទ័ពតួកគីបានតបតវិញ។
ឧប្បត្តិហេតុទាំង២នោះស្ថិតក្នុងចំណោមការ់ប៉ះទង្គិចគ្នាយ៉ាងសាហាវដោយផ្ទាល់ រវាងកងទ័ពស៊ីរីនិងកងទ័ពតួកគី តាំងពីចាប់ផ្ដើមជម្លោះនៅស៊ីរីជិត៩ឆ្នាំមកនេះ។
ក្រសួងការពារប្រទេសតួកគីក៏អះអាងដែរថា បានកម្ទេចឧទ្ធម្ភាគចក្រស៊ីរីមួយគ្រឿង នៅខេត្តអ៊ីដលីប ពេលវាយតបតចំពោះការវាយប្រហាររបស់កងទ័ពសស៊ីរីដែលត្រូវផ្តាច់ជីវិតទាហានតួកគី៥នាក់៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ