សហរដ្ឋអាមេរិក-ហ្វ៊ីលីពីន ៖ អ្នកនាំពាក្យប្រធានាធិបតីហ្វ៊ីលីពីន ថ្លែងនាថ្ងៃទី១១កុម្ភៈថា ប្រធានាធិបតីលោកRODRIGO DUTERTE បានប្រាប់ទៅរដ្ឋមន្ត្រីការបរទេសរបស់លោក ឲ្យជូនដំណឹងជាផ្លូវការដល់សហរដ្ឋអាមេរិក ពីការសើរើកិច្ចព្រមព្រៀងស្ដីពីវត្តមានកងទ័ពអាមេរិកលើដែនដីហ្វ៊ីលីពីន។
យោងតាមរ៉យទ័រថា លោកប្រធានាធិបតី DUTERTE ដែលតែងបង្ហាញដោយចំហ ពីការមិនពេញចិត្តរបស់លោក ចំពោះសម្ព័ន្ធភាពយោធារវាងប្រទេសទាំង២ បានធ្វើការសម្រេចចិត្តនោះ ក្រោយពីមិត្តជិតដិតម្នាក់ក្នុងចំណោមមិត្តជិតដិតរបស់លោកនិយាយថា ទិដ្ឋាការអាមេរិករបស់គេត្រូវបានលុបចោល មកពីបញ្ហាដែលទាក់ទិននឹងការតស៊ូដែលប្រធានាធិបតីបានធ្វើ ប្រឆាំងគ្រឿងញៀន។
ក្នុងសន្និសីទសារព័ត៌មានមួយលោកសាល់វ៉ាឌ័រប៉ានីឡូ អ្នកនាំពាក្យរបស់លោកDUTERTEថ្លែងថា ដល់ពេលដែលយើងត្រូវពឹងលើខ្លួនយើងផ្ទាល់ហើយ។ យើងនឹងពង្រឹងកិច្ចការពាររបស់យើងផ្ទាល់ ហើយយើងនឹងលែងពឹងលើប្រទេសណាមួយទៀតហើយ៕ ដកស្រង់ចេញពីវេបសាយ ៖ sputniknews (កែសម្រយលដោយ ៖ បុប្ផា)
ចែករំលែកព័តមាននេះ