រាជធានីភ្នំពេញ ៖ កម្ពុជាបានរៀបចំបើកវេទិកាកេសរកូលលើកទី១ កាលពីថ្ងៃទី១០ កុម្ភៈ ឆ្នាំ២០២០ នៅទីស្តីការក្រសួងបរិស្ថាន ដោយមានការដាក់តាំងពិពណ៌កេសរកូលជាច្រើនប្រភេទ ។ ទន្ទឹមនោះ…
រាជធានីភ្នំពេញ ៖ កម្ពុជាបានរៀបចំបើកវេទិកាកេសរកូលលើកទី១ កាលពីថ្ងៃទី១០ កុម្ភៈ ឆ្នាំ២០២០ នៅទីស្តីការក្រសួងបរិស្ថាន ដោយមានការដាក់តាំងពិពណ៌កេសរកូលជាច្រើនប្រភេទ ។ ទន្ទឹមនោះ ក៏មានពិធីចុះហត្ថលេខា លើអនុស្សរណៈយោគយល់រវាងអគ្គលេខាធិការដ្ឋាននៃក្រុមប្រឹក្សា ជាតិអភិវឌ្ឍន៍ ដោយចីរភាព និងសារមន្ទីរប្រវត្តិសាស្ត្រ ធម្មជាតិនៃទីក្រុងប៉ារីស ប្រទេសបារាំងផងដែរ ដើម្បីសហការរៀបចំបង្កើត មជ្ឈមណ្ឌល ស្រាវជ្រាវនិង អភិរក្ស កេសរកូល សុខ អាន ភ្នំគូលែន ។
សូមជម្រាបថា បច្ចុប្បន្ននេះ មន្ត្រីជំនាញនៃក្រសួងបរិស្ថានបានស្រាវជ្រាវ និងអភិរក្សកេសរកូល (ផ្កាអ័រគីដេរ)បានចំនួន១៦០ប្រភេទ ខណៈប្រភេទកេសរកូលសរុបនៅក្នុងប្រទេស កម្ពុជាត្រូវគេប៉ានស្មានថាមានប្រមាណជាង៥០០ប្រភេទ ។
លោក អ៊ាង សុផល្លែត រដ្ឋលេខាធិការក្រសួងបរិស្ថានបានថ្លែងថាវេទិកានេះគឺជាឱកាស សម្រាប់យើងស្វែងយល់និ ងដកពិសោធលើការងារទៅវិញទៅមក លើការងារអភិរក្សធនធានពន្ធុ (Plant Genetic) ក៏ដូចជាវិស័យបរិស្ថាននិងធនធានធម្មជាតិ ដែលជាការបោះជំហានថ្មីថែម មួយកម្រិតរវាងព្រះរាជាណាចក្រកម្ពុជា និងសាធារណរដ្ឋបារាំង បន្ថែមពីលើក្របខណ្ឌនៃកិច្ច សហប្រតិបត្តិការយ៉ាងជិតស្និទ្ធរវាងប្រទេសទាំងពីរក្នុងវិស័យជាច្រើនទៀត ។
លោករដ្ឋលេខាធិការមានប្រសាសន៍ថា មជ្ឈមណ្ឌលនេះនឹងផ្តល់អត្ថប្រយោជន៍ផ្សេងៗជាច្រើនជាអាទិ៍៖ រក្សា និងស្ដារពូជកេសរកូលព្រៃក្នុងស្រុក ប្រមូលផ្ដុំសំណាកកេសរ កូលរស់ កត់ត្រានិងធ្វើសារពើភ័ណ្ឌជាកន្លែង សម្រាប់អ្នកសិក្សាស្រាវជ្រាវអនុវត្តដោយផ្ទាល់ ផ្ដល់ចំណេះដឹង និងព័ត៌មានវិទ្យាសាស្ត្រពីកេសរ
កូលព្រៃសម្រាប់មនុស្សជំនាន់ក្រោយ ភ្ជាប់ទំនាក់ ទំនងមនុស្សនិងធម្មជាតិ ជាគោលដៅទេសចរណ៍ធម្មជាតិថ្មី បង្កើនជីវភាពរស់នៅ របស់ សហគមន៍មូលដ្ឋាន ទទួលចំណេះដឹង ជំនាញ និងបទពិសោធន៍ពីអ្នកជំនាញជាតិ និងអន្តរ ជាតិ កៀរគរថវិកា សម្ភារ និងបច្ចេកទេសក្នុងការគ្រប់គ្រងធនធាន។
ចែករំលែកព័តមាននេះ