ខេត្តកែប ៖ រោងសិប្បកម្មកែច្នៃសង្ហារឹមដែលមានដាក់ម៉ាសុីនរៃមួយកន្លែង ស្ថិតនៅភូមិចំការចេក ឃុំពងទឹក ស្រុកដំណាក់ចង្អើរ ខេត្តកែប ត្រូវបានព្រះអគ្គិភ័យលេបត្របាក់ កាលពីវេលាម៉ោង០១រំលងអធ្រាត្រឈានចូលដល់ថ្ងៃទី១១ កុម្ភៈ…
ខេត្តកែប ៖ រោងសិប្បកម្មកែច្នៃសង្ហារឹមដែលមានដាក់ម៉ាសុីនរៃមួយកន្លែង ស្ថិតនៅភូមិចំការចេក ឃុំពងទឹក ស្រុកដំណាក់ចង្អើរ ខេត្តកែប ត្រូវបានព្រះអគ្គិភ័យលេបត្របាក់ កាលពីវេលាម៉ោង០១រំលងអធ្រាត្រឈានចូលដល់ថ្ងៃទី១១ កុម្ភៈ ២០២០ ។
បើតាមការដឹងពីឈ្មោះទី ជាម្ចាស់រោងសិប្បកម្មកែច្នៃឈើធ្វើជាសង្ហារឹមបាននិយាយប្រាប់កោះសន្តិភាព ថា ការឆេះរោងសិប្បកម្មនេះ គឺមិនមានអ្នកណាដុតទេគឺឆ្លងចរន្តអគ្គិសនី ព្រោះមានខ្សែភ្លើងជាច្រើនត្រូវបានបុគ្គលិកអគ្គិសនីរាយ នៅលើដំបូលសិប្បកម្មរបស់គាត់ ។
ម្ចាស់សិប្បកម្មរូបនេះបាននិយាយទៀតថា គាត់មានការព្រួយបារម្ភជាយូរមកហើយ ពាក់ពន្ធ័និងរាយខ្សែ ភ្លើងនៅកៀកកិតដំបូលសិប្បកម្មគាត់ ។ ម្ចាស់រោងសិប្បកម្មឈ្មោះទី ពៅ និយាយថា ពេលនេះរោងសិប្បកម្មគាត់ ភ្លើងបានឆេះអស់ទៅហើយ។
ប្រភពពីលោកអ៊ូ វណ្ណារិទ្ធ មេបញ្ជាការកងរាជអាវុធហត្តស្រុកដំណាក់ចង្អើរនិយាយថា ការឆេះរោងសិប្ប កម្មនេះ នៅនៅចន្លោះម៉ោង១និងម៉ោង២ចូលថ្ងៃទី១១ កុម្ភៈ នេះ ។ លោកបន្តថា ការឆេះរោងសិប្បកម្មនេះ មិនមានពលរដ្ឋណាម្នាក់រងគ្រោះទេ គ្រាន់តែឆេះទ្រព្យសម្បត្តិតែប៉ុណ្ណោះ ។ លោកភូវ សុវណ្ណ អធិការនគរបាលស្រុកដំណាក់ចង្អើរបាននិយាយប្រាប់អោយដឹងថា ឆេះរោងសិប្បកម្មនេះ នៅកណ្ដាលយប់រំលង
អធ្រាត្រ លុះដល់ព្រឹកថ្ងៃទី១១ កុម្ភៈ នេះ យើងបានយករថយន្តពន្លត់អគ្គិភ័យស្រុកជួយបាញ់ពន្លត់បន្ថែមខ្លាចឆេះរាលដាល់ដល់លំនៅឋានពលរដ្ឋឯទៀតៗ។
គេមិនបានដឹងយ៉ាងម៉េចទេ រោងសិប្បកម្មមួយនេះ មេព្រៃធ្លាប់ដកម៉ាសុីនរៃម្ដងរួចហើយ កាលពីពេលថ្មីៗតែក្រោយមក ស្រាប់ដំឡើងរោងសិប្បកម្មធំលើសដើម ថែមទាំងដាក់ម៉ាសុីនរ៉ៃដ៏ធំមួយ មិនធ្លាប់មាននៅលើទឹកដីខេត្តកែបទៀត ។
ចែករំលែកព័តមាននេះ