តាមប្រភពព័ត៌មាន CNN បានឱ្យដឹងថា ប្រព័ន្ធសុវត្ថិភាពរបស់ចិនបានក្លាយទៅជាផ្នែកមួយក្នុងការទប់ស្កាត់ជំងឺកូរ៉ូណាថ្មី ដោយប្រទេសនេះបានប្រើប្រាស់ដ្រូន ដើម្បីត្រួតពិនិត្យលើប្រជាជនរបស់ខ្លួន ។ កាមេរ៉ាសំកាំងពីលើក្បាលស្ត្រីចំណាស់ នៅពេលគាត់ក្រឡេកមើលមុខរបស់គាត់ ប្រែជាច្របូកច្របល់និងព្រួយបារម្ភ។…
តាមប្រភពព័ត៌មាន CNN បានឱ្យដឹងថា ប្រព័ន្ធសុវត្ថិភាពរបស់ចិនបានក្លាយទៅជាផ្នែកមួយក្នុងការទប់ស្កាត់ជំងឺកូរ៉ូណាថ្មី ដោយប្រទេសនេះបានប្រើប្រាស់ដ្រូន ដើម្បីត្រួតពិនិត្យលើប្រជាជនរបស់ខ្លួន ។
កាមេរ៉ាសំកាំងពីលើក្បាលស្ត្រីចំណាស់ នៅពេលគាត់ក្រឡេកមើលមុខរបស់គាត់ ប្រែជាច្របូកច្របល់និងព្រួយបារម្ភ។ ដ្រូននិយាយទៅគាត់វិញថា៖ «នេះគឺជាយន្តហោះគ្មានមនុស្សបើកនិយាយទៅកាន់អ្នក។ អ្នកមិនគួរដើរដោយមិនពាក់ម៉ាស់ទេ»។ ភ្លាមៗនោះ គាត់ប្រញាប់ប្រញាល់រត់ចេញពីដ្រូននោះ ខណៈដែលដ្រូននៅតែបន្តស្រែកណែនាំថា «អ្នកគួរតែត្រឡប់ទៅផ្ទះវិញ ហើយកុំភ្លេចលាងសំអាតដៃរបស់អ្នកផង»។
នៅក្នុងវីដេអូមួយទៀត ដែលផ្សព្វផ្សាយដោយប្រព័ន្ធផ្សព្វផ្សាយរដ្ឋ ប៉ូលិសបញ្ជាដ្រូនឱ្យទៅឃាត់បុរសម្នាក់ដែលកំពុងអង្គុយលេងម៉ាជុងថា «ឈប់លេងភ្លាមទៅ ហើយចាកចេញពីកន្លែងនេះជាបន្ទាន់»
ពេលដែលកូនរបស់បុរសនោះក្រឡេកមើលដ្រូន សំឡេងបានបន្លឺថា «កុំមើលដ្រូនអី។ ប្រាប់ឪពុករបស់ឯងឱ្យចាកចេញពីទីនេះជាបន្ទាន់»
គួរបញ្ជាក់ផងដែរថា ចំនួនអ្នកកើតជំងឺកូរ៉ូណាមានការកើនឡើងដល់៤២៧៦០នាក់ និងអ្នកស្លាប់មានចំនួន១០១៣នាក់ ខណៈដែលអ្នកជាសះស្បើយពីជំងឺនេះមានចំនួន៤០៩៧នាក់ បើគិតត្រឹមពេលព្រឹកម៉ោង ០៦និង១៣ព្រឹក ថ្ងៃអង្គារ ទី១១ កុម្ភៈ ២០២០ ។ ប្រភព៖ CNN
ចែករំលែកព័តមាននេះ