សហគ្រិន និងអាជីវករជាច្រើនវិនិយោគពេលវេលា និងធនធានខ្លួនលើអាជីវកម្ម បច្ចេកវិទ្យា អតិថិជន និងដៃគូប្រកួតប្រជែង ប៉ុន្តែមិនមានមនុស្សច្រើនឡើយដែលវិនិយោគលើវត្តមានខ្លួនឯងដោយគិតថាផលិតផលដែលពួកគេផ្គត់ផ្គង់ជូនគឺល្អគ្រប់គ្រាន់ក្នុងការទាក់ទាញអតិថិជនហើយ ។ ប៉ុន្តែក្នុងបរិស្ថានអាជីវកម្មដ៏ប្រកួតប្រជែងសព្វថ្ងៃនេះ វត្តមានរបស់អាជីវករក៏មានសារៈសំខាន់ដែរ…
សហគ្រិន និងអាជីវករជាច្រើនវិនិយោគពេលវេលា និងធនធានខ្លួនលើអាជីវកម្ម បច្ចេកវិទ្យា អតិថិជន និងដៃគូប្រកួតប្រជែង ប៉ុន្តែមិនមានមនុស្សច្រើនឡើយដែលវិនិយោគលើវត្តមានខ្លួនឯងដោយគិតថាផលិតផលដែលពួកគេផ្គត់ផ្គង់ជូនគឺល្អគ្រប់គ្រាន់ក្នុងការទាក់ទាញអតិថិជនហើយ ។
ប៉ុន្តែក្នុងបរិស្ថានអាជីវកម្មដ៏ប្រកួតប្រជែងសព្វថ្ងៃនេះ វត្តមានរបស់អាជីវករក៏មានសារៈសំខាន់ដែរ ហើយវាអាចជាជំហានដំបូងៗដែលជួយឲ្យអាជីវកម្មរបស់អ្នកជោគជ័យនៅថ្ងៃក្រោយ ។ ខាងក្រោមគឺជាវិធីងាយៗដែលអ្នកអាចចាប់ផ្តើមវិនិយោគលើវត្តមានរបស់ខ្លួនបាន៖
១. បង្កើតប្រេនផ្ទាល់ខ្លួនមួយ៖
វាមិនចាំបាច់ជាប្រេនយីហោសម្រាប់ផលិតផលរបស់អ្នកទេ តែអ្នកគួរតែកសាងឈ្មោះមួយសម្រាប់ខ្លួនឯងដើម្បីបង្ហាញពីតម្លៃដ៏វិជ្ជមានរបស់អ្នក និងកសាងជាកេរ្តិ៍ឈ្មោះដែលអ្នកអាចប្រើក្នុងការផ្សព្វផ្សាយផលិតផលនៅថ្ងៃមុខ ។ វាអាចជាការចែករំលែកគំនិតលើប្រព័ន្ធសង្គម ឬការចូលរួមកម្មវិធីផ្សេងៗដើម្បីចែករំលែកចំណេះដឹងនិងបទពិសោធន៍ជាដើម ។
២. តែងតែតាមដាន និងឆ្លើយតបនឹងមតិយោបល់លើអ៊ីនធើណេត៖
អ្នកមិនគួរធ្វើមិនឃើញមតិយោបល់ដែលមិនល្អ ឬសង្ឃឹមថានឹងមាននរណាចេញមុខការពារអ្នកទេ ។ អ្នកគួរតែទទួលស្គាល់ទាំងមតិយោបល់វិជ្ជមាន និងអវិជ្ជមានក្នុងរយៈពេលដែលសមរម្យ និងក្នុងទឹកដមដែលមិនបង្កជាជម្លោះដើម្បីបង្ហាញថាអ្នកពិតជាខ្វល់ខ្វាយពីអតិថិជនរបស់អ្នកពិតមែន ។
៣. វិនិយោគពេលវេលាក្នុងការស្គាល់មនុស្ស៖
ឈ្មោះរបស់អ្នកត្រូវបានជះឥទ្ធិពលដោយមនុស្សដែលអ្នកស្គាល់ និងអ្នកទាក់ទងជាមួយលើអ៊ីនធើណេត ។ បើអ្នកចង់ជោគជ័យ អ្នកគួរតែសកម្មក្នុងប្រព័ន្ធសង្គមដែលមនុស្សក្នុងវិស័យរបស់អ្នកតែងតែប្រើប្រាស់ ។ ហើយទំនាក់ទំនងដែលអ្នកបង្កើតឡើងលើអ៊ីនធើណេតនេះអាចត្រូវបានពង្រឹងដោយទំនាក់ទំនងដែលអ្នកកសាងនៅក្រៅផងដែរដូចជាតាមការចូររួមសិក្ឋាសាលា ការណែនាំអ្នកដទៃ ឬការរសេរអត្ថបទចែករំលែកនានាជាដើម ។
៤. បង្ហាញពីជីវិតរបស់អ្នកលើប្រព័ន្ធសង្គម៖
ក្នុងពេលបច្ចុប្បន្ននេះ អ្វីដែលមនុស្សចែករំលែកលើប្រព័ន្ធសង្គមប្រៀបបានជាកញ្ចក់ដែលឆ្លុះបញ្ចាំងពីជីវិតពិតប្រាកដរបស់ពូកគេមិនថាល្អឬអាក្រក់ទេ ។ ដោយហេតុដូចនេះ ការចែករំលែកផ្នែកវិជ្ជមាននៃជីវិតរបស់អ្នកជាវិធីល្អមួយក្នុងការបង្ហាញពីវត្តមានរបស់អ្នកប្រាប់មនុស្សដែលស្គាល់អ្នកលើប្រព័ន្ធសង្គម ៕ កែសម្រួលដោយ ៖ សុឃាក់
ចែករំលែកព័តមាននេះ