ខេត្តមណ្ឌលគិរី ៖ ព័ត៌មានចុងក្រោយបានដឹងថា សត្វដំរីមួយក្បាលនេះ ត្រូវបានក្រុមជួយសង្គ្រោះយកចេញពីរណ្ដៅដីបានហើយ នៅវេលាម៉ោង០២និង៣០នាទីរសៀលថ្ងៃទី១០ កុម្ភៈ នេះ ដោយសុខភាពរបស់ដំរី គឺមានស្ថានភាពល្អមិនមានគ្រោះថ្នាក់អ្វីនោះទេ ។
សូមរំលឹកថា សត្វដំរីឈ្មោលមួយក្បាល បានធ្លាក់ចូលក្នុងរណ្តៅក្បែរចម្ការក្រូច ស្ថិតក្នុងដែនជម្រកសត្វព្រៃកែវសីមា នាស្រុកកែវសីមា ខេត្តមណ្ឌលគិរី ។
ប្រភពបន្តថា កាលពីយប់កើតហេតុ ប្រជាពលរដ្ឋបានឃើញហ្វូងដំរីដើរចូលមកចំណុចកើតហេតុ លុះព្រឹកឡើងក៏ប្រទះឃើញវដំរីមួយក្បាលជាប់ក្នុងរណ្តៅតែម្តង។ សមត្ថកិច្ចមូលដ្ឋាន និងមន្ត្រីបរិស្ថានកំពុងតែជីកផ្លូវ និងយករថយន្តបាញ់ទឹកជួយសង្គ្រោះសត្វដំរីនេះ។
ចែករំលែកព័តមាននេះ