ខេត្តកណ្តាល ៖ ក្រោយពីមានការសំណូមពរពីប្រជាពលរដ្ឋ លោកវរសេនីយ៍ យី វណ្ណដា អធិការនគរបាលក្រុងតាខ្មៅ បានហៅម្ចាស់ទីតាំងមកធ្វើកិច្ចសន្យារួចហើយ ។ ប៉ុន្តែបើករណីនេះ នៅតែមិនស្តាប់ និងមានទង្វើដដែល សមត្ថកិច្ចនឹងចាត់វិធានការតាមច្បាប់បន្ត ។
ប្រភពពីប្រជាពលរដ្ឋដែលរស់នៅជិតហាងផឹកស៊ី «ស៊ី អេស ស្រាព្រិល» ស្ថិតនៅក្រុងតាខ្មៅបានប្រាប់ឱ្យដឹងនៅព្រឹកថ្ងៃទី១០ កុម្ភៈ ថា ការដែលពួកគាត់សំណូមពរឱ្យមានវិធានការ គឺនៅហាងផឹកស៊ីយីហោ ស៊ី អេស ស្រាព្រិលនៅក្រុងតាខ្មៅ តាមបណ្តោយផ្លូវ១១០ ក្នុងភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្តាល បាននិងកំពុងបង្កភាពអនាធិបតេយ្យណាស់ ដោយយប់ឡើងក្នុងហាងបើកសំឡេងភ្លេងឮៗ តាំងពីល្ងាចម៉ោង៦រហូតដល់ម៉ោង២ ម៉ោង៣ទៀបភ្លឺឯណោះ ។
ប្រភពបន្តថា ចំពោះភ្ញៀវជាអ្នកផឹកស៊ីទាំងអស់នោះវិញ បានស្រែកហ៊ោខ្លាំងៗថែមទៀតផង ដែលធ្វើឱ្យរំខានដល់ការសម្រាករបស់ពួកគាត់ ដែលស្ថិតនៅក្បែរៗនោះ ។ ពួកគាត់បានបន្ថែមទៀតថា ទីតាំងស្រាព្រិលនោះក្នុងកាលអំឡុងខែមករា ធ្លាប់មានរឿងហិង្សាមួយបានកើតឡើងដែរ ហើយត្រូវប្រជាពលរដ្ឋនៅជិតទីតាំងនោះបានរាយការណ៍ជូនសមត្ថកិច្ចប៉ុស្តិ៍រដ្ឋបាលក្រុងតាខ្មៅ ។ ប៉ុន្តែ ពួកគាត់ក៏ដឹងពីចំណាត់ការរបស់សមត្ថកិច្ច ដោយឃើញមកដល់ចូលក្នុងហាងរួចទៅវិញបាត់ទៅ ។
ពាក់ពន្ធ័បញ្ហាខាងលើ កោះសន្តិភាពបានសុំស្វែងរកបកស្រាយពីម្ចាស់ហាងដែរ ប៉ុន្តែទំនាក់ទំនងមិនបាន ។
ចែករំលែកព័តមាននេះ