រាជធានីភ្នំពេញ ៖ អ្នកជំនាញក្នុងវិស័យកសិកម្ម និងកសិឧស្សាហកម្មឈានមុខគេជាង២០ឆ្នាំនៅក្នុងប្រទេសកម្ពុជាមើលឃើញថាបច្ចុប្បន្នក្នុងវិស័យកសិកម្មកម្ពុជាពុំមានទាន់មានផ្ទៃដីក្នុងទំហំរាប់ម៉ឺនហិកតាសម្រាប់ក្រុមហ៊ុនខ្នាតអន្តរជាតិជំនាញខាងកសិកម្មដូចជាមេរិកនោះទេ ខណៈដែលវត្តមានក្រុមហ៊ុនក៏ដូចជាតំណាងក្រុមហ៊ុនស្វែងរកកាលាអនុវត្តភាពកាលពីថ្មីៗក្រោមការសមសម្រួលរបស់ស្ថានទូតអាមេរិកប្រចាំកម្ពុជា។
តាមអ្នកជំនាញដែលមានបទពិសោធន៍ប្រមាណ២៦ឆ្នាំ ក្នុងវិស័យកសិកម្មនៅកម្ពុជាប្រាប់ឱ្យដឹងថាកាលពីថ្ងៃទី០៩ កុម្ភៈនេះថា ក្រុមហ៊ុនអាមេរិកដែលចូលមកស្វែងយល់ពីវិស័យកម្មកម្ពុជាគេចង់បង្កើតក្រុមហ៊ុនខ្លួនឯង ព្រោះគេសុទ្ធតែក្រុមហ៊ុនធំៗមានទុនគ្រប់គ្រាន់ ពុំចាំបាច់ត្រូវការសហការ និងក្រុមហ៊ុនក្នុងស្រុកនោះទេ ។ តែសម្រាប់ការដាំដុះនៅក្នុងវិស័យកសិកម្មប្រហែលគ្មានសង្ឃឹមទេ ព្រោះក្រុមហ៊ុនអាមេរិកត្រូវការដីខ្ពស់ម៉ឺនហិកតាទើបអនុវត្តគម្រោងបាន ។
លោកឧកញ៉ា ម៉ុងឬទ្ធី មានប្រសាសន៍ ការដាំដុះខ្ញុំមិនមានសង្ឃឹមទេ ព្រោះគេដាំដុះគេត្រូវការដីរាប់ម៉ឺនហិកតាទើបធ្វើកើត ។ យើងទៅមានផ្ទៃរាប់ម៉ឺនហិកតាឯណា ? ក្រុមហ៊ុនអាមេរិកទាំងនោះផ្ទៃដីរាប់ពាន់ហិកតាវាមិនធ្វើទេ ។ នៅពេលកន្លងមកធ្លាប់ជួបក្រុមវិនិយោគអាមេរិកម្តងរួចទៅហើយ នៅស្ថានទូតអាមេរិកហើយវាមិនបានប្រាប់ថាវាមកវិនិយោគដាំ ឬចិញ្ចឹមអីទៅមិនរួចទេ» ។
លោកឧកញ៉ា បន្តថា «តាមបទពិសោធន៍២៦ឆ្នាំ លើវិស័យកសិកម្ម និងកសិឧស្សាហកម្ម នៅពេលនេះយើងមិនអាចទៅរួចដោយកម្ពុជាមិនអាចរៀបចំដីឱ្យគេធ្វើទៅបាននាពេលបច្ចុប្បន្ននេះ ។ ចំពោះក្រុមហ៊ុនខ្ញុំផ្ទាល់ខ្ញុំមិនមានសង្ឃឹមទេ ព្រោះវាជារឿងខុសគ្នា ហើយខ្ញុំក៏រកស៊ីជាមួយគាត់ដែរ ខ្ញុំទិញសណ្តែងសៀងពីពួកគាត់សណ្តែកសៀងមកផលិតចំណីសត្វនៅក្រុមអស់នេះមានរយៈពេល៤ឆ្នាំមកហើយ ។ លើសពីនេះក៏មានទិញកាកសំណល់ពោតដែលគេគាបយកប្រេងផលិតជាចំណីសត្វ» ។
ឯកអគ្គរដ្ឋទូតសហរដ្ឋអាមេរិកប្រចាំកម្ពុជាលោក W. Patrick Murphy បានមានប្រសាសន៍កាលពីថ្ងៃទី៦កុម្ភៈកន្លងទៅថា នេះមិនមែនជាលើកទី១ទេ ដែលអាមេរិកគៀងគរតំណាងក្រុមហ៊ុនធំៗពីអាមេរិកមកកម្ពុជា ដើម្បីស្វែងរកឱកាសវិនិយោគនៅកម្ពុជា តែសម្រាប់លើកនេះ គឺជាព្រឹត្តិការណ៍ប្រវត្តិសាស្ត្រដែលមានធុរជនមកពីតំណាងក្រុមហ៊ុនធំៗនៅអាមេរិកបានមកដល់កម្ពុជា និងសិក្សាស្វែងយល់ពីឱកាសក្នុងវិនិយោគលើពាណិជ្ជកម្មនិងកសិកម្ម នៅកម្ពុជា។
លោកឯកអគ្គរដ្ឋទូតគូសបញ្ជាក់ថា« ក្រុមហ៊ុនអាមេរិកប្រមាណ១៥ស្វែងយល់ពីកាលានុវត្តភាពវិស័យកសិកម្មនៅកម្ពុជា គេមានចំណាបអារម្មណ៍ខ្លាំង ក្នុងចូលរួមពិភាក្សាជាមួយក្រុមធុរកិច្ចក្នុងស្រុក ។ ក្រុមហ៊ុនពួកគាត់ទាំងនេះ គឺជាសុទ្ធតែក្រុមហ៊ុនយក្សខាងវិស័យកសិកម្មដែលបានទទួលស្គាល់នៅទូទាំងពិភពលោក ។ ក្រៅពីនេះក៏មានក្រុមហ៊ុនផលិតបច្ចេកវិទ្យា ហើយពួកគេថា នឹងនាំបច្ចេកវិទ្យាមកបម្រើនៅក្នុងវិស័យកសិកម្មកម្ពុជា ។ ក្រុមហ៊ុនធំៗទាំងនេះពួកគេអាចកំណត់អនាគតកសិកម្មនៅលើភពផែនដីយើង» ៕
ចែករំលែកព័តមាននេះ