បុរសម្នាក់ត្រូវចាប់ខ្លួននៅក្រៅសេតវិមានអាមេរិក
ប៉ូលិសបានចាប់ខ្លួនបុរសមកពី Brandon រដ្ឋផ្លរីដាម្នាក់ នៅខាងក្រៅសេតវិមាន កាលពីថ្ងៃសៅរ៍ បន្ទាប់ពីគាត់បានគំរាមធ្វើឃាតលោកប្រធានាធិបតីដូណាល់ត្រាំ។ លោក Roger Hedgpeth អាយុ…
ប៉ូលិសបានចាប់ខ្លួនបុរសមកពី Brandon រដ្ឋផ្លរីដាម្នាក់ នៅខាងក្រៅសេតវិមាន កាលពីថ្ងៃសៅរ៍ បន្ទាប់ពីគាត់បានគំរាមធ្វើឃាតលោកប្រធានាធិបតីដូណាល់ត្រាំ។ លោក Roger Hedgpeth អាយុ…
ប៉ូលិសបានចាប់ខ្លួនបុរសមកពី Brandon រដ្ឋផ្លរីដាម្នាក់ នៅខាងក្រៅសេតវិមាន កាលពីថ្ងៃសៅរ៍ បន្ទាប់ពីគាត់បានគំរាមធ្វើឃាតលោកប្រធានាធិបតីដូណាល់ត្រាំ។
លោក Roger Hedgpeth អាយុ ២៥ឆ្នាំ បានទៅជិតមន្ត្រីប៉ូលិសនៃទីភ្នាក់ងារសម្ងាត់អាមេរិក ដែលកំពុងល្បាត ហើយបាននិយាយថា«ខ្ញុំនៅទីនេះ ដើម្បីធ្វើឃាតប្រធានាធិបតីដូណាល់ត្រាំ» ។ នេះបើយោងតាមរបាយការណ៍របស់ស្នងការនគរបាលក្រុងវ៉ាស៊ីនតោន។
របាយការណ៍បាននិយាយថា លោក Hedgpeth បានប្រាប់មន្ត្រីរូបនោះថា គាត់មានគម្រោងធ្វើឃាតប្រធានាធិបតីដោយប្រើកាំបិត ដែលមន្ត្រីសេវាកម្មសម្ងាត់បានរឹបអូស បន្ទាប់ពីធ្វើការស្រាវជ្រាវឃើញ។
Hedgpeth ត្រូវបានគេចាប់ខ្លួនដោយក្រុមមន្ត្រីប៉ូលិស ដែលត្រូវបានប្រាប់ដោយក្រុមភ្នាក់ងារសំងាត់ថា រូបគេគឺជាមនុស្សមានបញ្ហាផ្លូវចិត្ត ដែលមានគ្រោះថ្នាក់បំផុត ។ បន្ទាប់មក Hedgpeth ត្រូវបានគេបញ្ជូនទៅមន្ទីរពេទ្យ ដើម្បីធ្វើការវាយតម្លៃសុខភាពផ្លូវចិត្ត ដែលជាកន្លែងឃុំខ្លួនគាត់ រហូតដល់មានការជូនដំណឹងបន្ថែម។សារព័ត៌មាន CNN បានទាក់ទងទៅភ្នាក់ងារសម្ងាត់អាមេរិក សម្រាប់ព័ត៌មានបន្ថែម៕
ចែករំលែកព័តមាននេះ