រាជធានីភ្នំពេញ ៖ យោងតាមរបាយការណ៍បឋមរបស់សមត្ថកិច្ចបានឱ្យដឹងថា សមត្ថកិច្ចបានចុះបង្ក្រាបករណីជួញដូរគ្រឿងញៀនឆ្លងដែនពីថៃចូលមកកម្ពុជា ដោយខ្លួនបុរសម្នាក់ និងដកហូតបានគ្រឿងញៀនចំនួន១៥កញ្ចប់ធំ កាលពីវេលាម៉ោង៩និង១០នាទីយប់ថ្ងៃទី៦ កុម្ភៈ ឆ្នាំ២០២០ នៅចំណុចបន្ទប់ជួល(គ្មានលេខ)…
រាជធានីភ្នំពេញ ៖ យោងតាមរបាយការណ៍បឋមរបស់សមត្ថកិច្ចបានឱ្យដឹងថា សមត្ថកិច្ចបានចុះបង្ក្រាបករណីជួញដូរគ្រឿងញៀនឆ្លងដែនពីថៃចូលមកកម្ពុជា ដោយខ្លួនបុរសម្នាក់ និងដកហូតបានគ្រឿងញៀនចំនួន១៥កញ្ចប់ធំ កាលពីវេលាម៉ោង៩និង១០នាទីយប់ថ្ងៃទី៦ កុម្ភៈ ឆ្នាំ២០២០ នៅចំណុចបន្ទប់ជួល(គ្មានលេខ) ផ្លូវលេខ១១៣ សង្កាត់អូរបែកក្អម ខណ្ឌសែនសុខ រាជធានីភ្នំពេញ។
ជនសង្ស័យម្នាក់ខាងលើឈ្មោះ ភី សុផល ភេទប្រុស អាយុ៣៤ឆ្នាំ ជនជាតិខ្មែរ ។ ចំណែកវត្ថុតាងដកហូតបានរួមមានសារធាតុញៀនប្រភេទមេតំហ្វេតាមីន (ICE) ចំនួន១៥កញ្ចប់ធំ ។
តាមសេចក្តីរាយការណ៍បានបន្តថា កំលាំងជំនាញនៃមន្ទីរប្រឆាំងបទល្មើសគ្រឿងញៀន (ក១១) ដឹកនាំដោយលោកនាយករង ស៊ី ផល្លា និងមានការសំរបសំរួលដឹកនាំពីលោកព្រះរាជអាជ្ញារង សាយ ណូរ៉ា និងក្រឡាបញ្ជី បានដំណើរការបើកកិច្ចប្រតិបត្តិការស្រាវជ្រាវ និងបង្ក្រាបករណីជួញដូរគ្រឿងញៀនខុសច្បាប់ខាងលើនេះ ។
បច្ចុប្បន្ន ជនសង្ស័យរួមនឹងវត្ថុតាងត្រូវបានសមត្ថកិច្ចកសាងសំណុំរឿងដើម្បីចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ