រាជធានីភ្នំពេញ ៖ លោក មៀច សុផាន់ណាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយបានជំរុញឲ្យអ្នករកស៊ីតាមអនឡាញក៏ដូចជា រកស៊ីចែកចាយផលិតផលផ្សេងៗនៅតាមគេហដ្ឋានធ្វើការពិនិត្យផលិតផលឲ្យបានម៉ត់ចត់មុននឹងលក់ ។ ថ្លែងក្នុងពិធីចុះអនុស្សារណៈយោគយល់រវាងគណៈកម្មាធិការប្រយុទ្ធប្រឆាំងផលិតផលក្លែងក្លាយស្តីពី «ស្តីពីកិច្ចសហប្របត្តិការ ដើម្បីប្រយុទ្ធប្រឆាំងការនាំចូលផលិតផល និងការចែកចាយនៃប្រទេសផលឱសថគ្រឿងសំអាងតែក្លែងក្លាយ នាំចូលគ្មានការអនុញ្ញាតរំលោភកម្មសិទ្ធបញ្ញា និងរំលោភសិទ្ធិនាំចូលផ្ដាច់មុខនៅក្នុងព្រះរាជាណាចក្រកម្ពុជា« នាព្រឹកថ្ងៃទី៩ កុម្ភៈនេះ នៅទីស្តីការក្រសួង ។
លោក មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយបានស្នើដល់អ្នករកស៊ីតាមប្រព័ន្ធអនឡាញដែលបានចុះបញ្ជីការត្រឹមត្រូវនៅក្រសួងត្រូវធ្វើការពិនិត្យអោយបានម៉ត់ចត់រួចរាល់ តែយកលទ្ធផលទាំងឡាយមកលក់ចែកចាយលើទីផ្សារនៃក្នុងប្រទេសកម្ពុជា ។ ចំណុចនេះ គឺដើម្បីធ្វើយ៉ាងណាការពារឲ្យបាននៃការនាំចូលផលិតផលក្លែងក្លាយ និងផលិតខូចគុណភាពដែលធ្វើឲ្យប៉ះពាល់សុខភាពដល់អ្នកប្រើប្រាស់ ។ លោកបានបន្តថា ក្រោមការដឹកនាំរបស់សម្ដេចតេជោហ៊ុនសែននាយករដ្ឋមន្ត្រីកម្ពុជាបានក្លាយជាប្រទេសមួយកំពុងធ្វើសមាហរណកម្មខ្លួនយ៉ាងសកម្មនៅក្នុងគ្រុបកិច្ចការតំបន់ និងឆាកអន្តរជាតិ ហើយក៏ជាប្រទេសស្ថិតក្នុងចំណោមប្រទេសកំពុងអភិវឌ្ឍន៍ដែលបានសម្រេចនៃវឌ្ឍនភាពដ៏ប្រសើរ ។
ចំណែកលោកបណ្ឌិត ឡីសុភាព ប្រធានសមាគមសហព័ន្ធវិនិយោគិនកម្ពុជាបានលើកឡើងថា ការចុះអនុស្សារណៈនៃការយោគយល់គ្នានៅថ្ងៃនេះមិនត្រឹមតែផ្ដល់ប្រយោជន៍ដល់អ្នកប្រើប្រាស់ប៉ុណ្ណោះទេ គឺថែមទាំងការពារអ្នកវិនិយោគសច្ចៈ និងសហគ្រាសទាំងឡាយដែលប្រកបរបស្របច្បាប់មានភាពស្មោះត្រង់ និងរកស៊ីប្រកួតប្រជែងដោយភាពត្រឹមត្រូវ ដើម្បីចូលរួមចំណែកក្នុងការអភិវឌ្ឍសេដ្ឋកិច្ច និងពិតជាបានដល់នៃសុវត្ថិភាពជូនដល់ប្រជាជនកម្ពុជា ។
សូមជម្រាបថាសមាគមសហព័ន្ធវិនិយោគិនកម្ពុជាមានសមាជិកភាពរបស់ខ្លួនជាង 5000 ក្រុមហ៊ុនរកទទួលទានលើវិស័យដូចជា វេជ្ជសាស្ត្រ ឱសថសាស្ត្រទន្តសាស្ត្រ សេដ្ឋកិច្ចពាណិជ្ជកម្ម ៕
ចែករំលែកព័តមាននេះ