ខេត្តតាកែវ ៖ ទីតាំងរោងចក្រផលិតស្បែកជើងយីហោ«ប៊ីយូធីហ្វូ៊ល»មួយកន្លែង សង្ស័យឆ្លងចរន្តអគ្គិសនីបង្កជាអគ្គិភ័យឆាបឆេះអស់សម្ភារមួយចំនួនធំក្នុងរោងចក្រ ហើយត្រូវបានសន្តិសុខ និងនគរបាលពន្លត់អគ្គីភ័យស្រុកបានជួយយកបំពង់ពន្លត់អគ្គីភ័យមកបាញ់ពន្លត់ទាន់ពេលវេលា។ ហេតុការណ៍ខាងលើនេះបានកើតឡើងកាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី៧ កុម្ភៈ ឆ្នាំ២០២០ នៅចំណុចរោងចក្រផលិតស្បែកជើងយីហោ«ប៊ីយូធីហ្វូ៊ល»…
ខេត្តតាកែវ ៖ ទីតាំងរោងចក្រផលិតស្បែកជើងយីហោ«ប៊ីយូធីហ្វូ៊ល»មួយកន្លែង សង្ស័យឆ្លងចរន្តអគ្គិសនីបង្កជាអគ្គិភ័យឆាបឆេះអស់សម្ភារមួយចំនួនធំក្នុងរោងចក្រ ហើយត្រូវបានសន្តិសុខ និងនគរបាលពន្លត់អគ្គីភ័យស្រុកបានជួយយកបំពង់ពន្លត់អគ្គីភ័យមកបាញ់ពន្លត់ទាន់ពេលវេលា។
ហេតុការណ៍ខាងលើនេះបានកើតឡើងកាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី៧ កុម្ភៈ ឆ្នាំ២០២០ នៅចំណុចរោងចក្រផលិតស្បែកជើងយីហោ«ប៊ីយូធីហ្វូ៊ល» ស្ថិតក្នុងភូមិធ្នង់រលើង ឃុំលាយបូរ ស្រុកត្រាំកក់ ខេត្តតាកែវ ។
បើតាមនគរបាលប៉ុស្តិ៍រដ្ឋបាលឃុំលាយបូរបានអោយដឹងថា សម្ភារមួយចំនួនធំក្នុងរោងចក្រដែលត្រូវអគ្គិភ័យឆាបឆេះរួមមានស្បែកជើងប្រហែល១ម៉ឺនគូរ, កុំព្យូទ័រចំនួនមួយគ្រឿង, ខ្សែផលិតកម្មចំនួនមួយខ្សែ, ម៉ាស៊ីនស្កេនមេដៃចំនួន៣គ្រឿង និងក្តារខៀនចំនួន៣ ។
តាមប្រភពដដែលបានបន្តអោយដឹងថា ក្រោយពេលទទួលបានព័ត៌មានខាងលើភ្លាម កម្លាំងជំនាញនគរបាលស្រុកបានចេញទៅជួយអន្តរាគមន៍ ដោយមានការសហការជាមួយកម្លាំងប៉ុស្តិ៍នគរបាលរដ្ឋបាលលាយបូរ និងកម្លាំងក្រុមការងារសន្តិសុខរបស់រោងចក្រប៊ីយូធីហ្វូ៊លបានប្រើប្រាស់បំពង់ពន្លត់អគ្គីភ័យអស់ចំនួន២៨បំពង់ទើបអគ្គីភ័យរលត់ទាំងស្រុង។ចំពោះមូលហេតុគឺបណ្តាលមកពីឆ្លងចរន្តអគ្គិសនី។
ពាក់ព័ន្ធនឹងករណីខាងលើនេះ សមត្ថកិច្ចបានអំពាវនាវដល់បងប្អូនប្រជាពលរដ្ឋក៏ដូចជារោងចក្រសហគ្រាសធំ-តូចទាំងអស់ ត្រូវមានការប្រុងប្រយ័ត្នខ្ពស់ចំពោះការដុតធូប និងការតបណ្តាញអគ្គីសនី គួរតែពិនិត្យអោយបានច្បាស់លាស់ ដើម្បីចៀសវាងកើតមានគ្រោះអគ្គិភ័យ ៕ (កែសម្រួលដោយ ៖ ធីតា)
ចែករំលែកព័តមាននេះ