រាជធានីភ្នំពេញ ៖ បុរសគម្នាក់ជិះម៉ូតូទៅរកស្ត្រីរកស៊ីផ្លូវភេទដើម្បី«ដោះទុក្ខសត្វ»និងបានជួបស្ត្រីម្នាក់បបួលទៅរួមភេទក្នុងតម្លៃ១០ដុល្លារ ។ ខណៈឌុបនាងទៅមិនទាន់ទាំងបានអីៗផង ស្រាប់តែបាត់លុយអស់១០០ដុល្លារ ក៏ស្រែកឡូឡាជាមនុស្សគផ្អើលដល់សមត្ថកិច្ចមូលដ្ឋានទៅសួរនាំ កាលពីវេលាម៉ោងប្រមាណ១១យប់ថ្ងៃទី៥ ខែកុម្ភៈ នៅតាមវិថីព្រះស៊ីសុវត្ថិមុខផ្សាររាត្រី ក្នុងសង្កាត់វត្តភ្នំ ខណ្ឌដូនពេញ ។
ប្រភពព័ត៌មានពីសន្តិសុខផ្សាររាត្រីបានឱ្យដឹងថា បុរសគរូបនេះជិះម៉ូតូហុងដាឌ្រីម ស៊េរីឆ្នាំ២០០៥ មិនចាំផ្លាកលេខទេ ដឹកស្ត្រីម្នាក់ឈ្មោះបញ្ញា អាយុជិត៣០ឆ្នាំ មានស្រុកកំណើតនៅខេត្តកំពង់ចាម ។ ពេលមកដល់ចំណុចខាងលើ មិនដឹងជាយ៉ាងម៉េចទេ បានជាប្រវាយប្រតប់គ្នាផ្អើលពេញមុខផ្សាររាត្រី ឯរូបគាត់ស្មានតែប្តីប្រពន្ធឈ្លោះគ្នាក៏សួរនាំ ។ ពេលនោះខាងស្រីប្រាប់ថា នាងជាអ្នករកស៊ីផ្លូវភេទ ហើយបុរសគនេះចោទថានាងលួចលុយ១០០ដុល្លារ ខណៈបបួលនាងទៅដេកក្នុងតម្លៃ១០ដុល្លារ ។
ដោយឡែក បុរសគរូបនេះនិយាយស្តាប់មិនបាន ប៉ុន្តែចេះសរសេរបានសរសេរចោទថា ស្ត្រីរូបនេះលួចលុយគាត់ចំនួន១០០ដុល្លារ ខណៈគាត់ទើបនឹងឌុបមកដល់មុខផ្ទះសំណាក់មិនទាន់ទាំងបានអីៗបន្តិចផង ។ ដោយខឹងពេក គាត់ក៏ឌុបមកមុខផ្សាររាត្រីនិងក្របួចកអាវស្ត្រីរកស៊ីផ្លូវភេទរូបនេះ ទើបបង្កឱ្យមានការភ្ញាក់ផ្អើលដល់ប្រជាពលរដ្ឋនាំគ្នាចោមរោមមើល និងផ្អើលដល់នគរបាលប៉ុស្តិ៍វត្តភ្នំចុះមកដល់សួរនាំ ។ លុះសាកសួរដឹងរឿងហេតុច្បាស់លាស់ហើយ នគរបាលប៉ុស្តិ៍វត្តភ្នំក៏ឲ្យទៅប៉ុស្តិ៍នគរបាលស្រះចកវិញដើម្បីដាក់ពាក្យបណ្តឹង ៕
ចែករំលែកព័តមាននេះ