ប្រភពពី nytimes បានឱ្យដឹងថា មន្ត្រីនៅទីក្រុងម៉ាកាវរបស់ប្រទេសចិនកាលពី ថ្ងៃអង្គារបានស្នើសុំឱ្យបិទកាស៊ីណូចំនួន ៤១ កន្លែងរបស់ខ្លួនរយៈពេលកន្លះខែខណៈដែល ពួកគេ ប្រញាប់បញ្ឈប់ការផ្ទុះឡើងនៃមេរោគឆ្លងដែលកំពុងបង្កផលប៉ះពាល់ដល់ ប្រទេសចិន និងតំបន់ ។ ការស្នើសុំនេះនឹងបិទរដ្ឋធានីល្បែងរបស់ពិភពលោកដែលអាច ប៉ះពាល់ដល់ ប្រតិបត្តិករកាស៊ីណូអាមេរិកធំៗដូចជា៖ Wynn Resorts និង Las Vegas Sands ក៏ដូចជាក្រុមហ៊ុនក្នុងស្រុកដែលទ្រទ្រង់សេដ្ឋកិច្ចរបស់ប្រទេស ។
អាជ្ញាធរបាននិយាយថាមនុស្ស ១០ នាក់នៅម៉ាកាវបានធ្លាក់ខ្លួនឈឺដោយសារជំងឺ រលាកសួតដែលក្នុងនោះមានបុគ្គលិកសណ្ឋាគារនៅកាស៊ីណូ Galaxy ដែលជាកន្លែងលេង ល្បែងស៊ីសងដ៏មមាញឹកបំផុតមួយនៅក្នុងទីក្រុង ។ ទោះបីជាមិនទាន់មានការរាយការណ៍ អំពីការស្លាប់នៅទីនោះក៏ដោយ ក៏វីរុសនេះត្រូវបានគេដឹងថាបានសម្លាប់មនុស្សយ៉ាង ហោចណាស់ ៤៩០ នាក់នៅចិនដីគោក ម្នាក់នៅហ្វីលីពីន និងម្នាក់ទៀតនៅហុងកុង ជាអ្នកជិតខាងរបស់ម៉ាកាវ ។
លោក ហូ អែត សេង (Ho Iat Seng) នាយកប្រតិបត្តិនៃទឹកដី ពាក់កណ្តាលស្វយ័ត ចិនបាននិយាយនៅក្នុងសន្និសីទកាសែតតាមទូរទស្សន៍ថា «ជាការពិតនេះគឺជាការសម្រេច ចិត្តដ៏លំបាកមួយ ប៉ុន្តែយើងត្រូវតែធ្វើវាដើម្បីសុខភាពប្រជាជននៅម៉ាកាវ» ។ ដោយពាក់ ម៉ាស់មុខពណ៌ខៀវលោក ហូ បាននិយាយថាករណីបុគ្គលិកសណ្ឋាគារដែលឈឺនេះជាការ ព្រមានមួយថា វីរុសកំពុងតែចាប់ផ្តើមរាលដាលពាសពេញទីក្រុង ។ កម្មកររូបនេះបានធ្វើ ដំណើរតាម ឡានក្រុងដឹកអ្នកដំណើរ និងបានចែករំលែកកាហ្វេជាមួយមិត្តរួមការងារនៅ កាស៊ីណូ ។ ការលេងល្បែងមានចំនួន ៤ ភាគ ៥ នៃប្រាក់ចំណូលរបស់រដ្ឋាភិបាលម៉ាកាវ ។ ប៉ុន្តែលោក ហូ បានមានប្រសាសន៍ថា «ម៉ាកាវ នៅតែអាចទទួលរងការខាតបង់សេដ្ឋកិច្ច ទាំងនេះ» ។
ប្រភពឱ្យដឹងទៀតថា មេរោគនេះបានធ្វើឱ្យក្រុមហ៊ុន និងអ្នកវិនិយោគរង្គោះរង្គើនៅ ជុំវិញពិភពលោកដែលបានពឹងផ្អែកលើប្រទេសចិន ។ ក្រុមហ៊ុន General Motors, Ford, Nissan និងក្រុម ហ៊ុនរថយន្តផ្សេងទៀតបានបិទទ្វាររោងចក្រជាបណ្តោះអាសន្ន ។ Apple និង Starbucks ក៏បានបិទហាងផងដែរ ។
កាលពីថ្ងៃអង្គារក្រុមហ៊ុនអាកាសចរណ៍ក្នុងស្រុក Cathay Pacific ដែលជាក្រុមហ៊ុន អាកាសចរណ៍ក្នុងស្រុកធំជាងគេរបស់ហុងកុងបានប្រកាសកាត់បន្ថយជើងហោះហើររបស់ចិនយ៉ាងច្រើន ហើយគ្រោងនឹងកាត់ផ្តាច់បណ្តាញរបស់ខ្លួន ហើយក្រុមហ៊ុនអាកាសចរណ៍ អាមេរិកបានផ្អាករាល់ជើងហោះហើរទាំងអស់ទៅកាន់ហុងកុង ពីទីក្រុង Dallas-Fort Worth និង Los Angeles រហូតដល់ថ្ងៃទី ២០ខែកុម្ភៈ ។
ភាគច្រើននៃប្រទេសចិននៅតែត្រូវបានបិទដោយកូរ៉ូណាវីរុសដែលត្រូវបានលេចចេញជាលើកដំបូងនៅក្នុងទីក្រុងវូហានរបស់ប្រទេសចិន និងបានធ្វើឱ្យមនុស្សរាប់ពាន់នាក់ ឈឺនៅក្នុងប្រទេស ។ នៅពេលភ្ញៀវទេសចរចិនដែលចូលមកដល់ក្រុងម៉ាកាវ ហាក់បាន ផ្លាស់ប្តូរទៅជាអន្តរជាតិ និងជាមជ្ឈមណ្ឌលសម្រាប់ការកម្សាន្ត ការបរិភោគអាហារឆ្ងាញ់ និងការដើរទិញឥវ៉ាន់ប្រណីត ។ ក្រុមហ៊ុនល្បែងបានសាងសង់កាស៊ីណូដ៏ធំល្វឹងល្វើយ ដែលបំភ្លឺផ្ទៃមេឃនៃទីក្រុងដែលមានមនុស្សតែជាង ៦២២.០០០ នាក់ និងមានពន្លឺនៃអំពូល ណេអុង និងអំពូលភ្លើងដ៏ស្រស់ស្អាត ។ វាផ្តល់ជូននូវអ្វីៗគ្រប់យ៉ាងដែល Las Vegas មាន ដូចជា Eiffel Tower ខ្នាតតូច និងមានច្រើនទៀតដូចជា Cable Car នាគ ដែលអណ្តែតលើ ប្រភពទឹករាំ នៅវិមាន Wynn ។
ម៉ាកាវ មានសភាពអ៊ូអរកាលពីពីរសប្តាហ៍មុននៅពេលដែលភ្ញៀវទេសចរមកពីដី គោកបានមកចំណាយពេលវិស្សមកាលបុណ្យចូលឆ្នាំចិននៅ Baccarat Tables របស់ទី ក្រុង និងភោជនីយដ្ឋាន Michelin-starred ។ ម៉ាកាវ ក៏បានផ្អាកសេវាកម្មសាធារណៈមូល ដ្ឋានផងដែរ កាលពីថ្ងៃអង្គារហើយលោក ហូ បានទទូចដល់ប្រជាជនមិនឱ្យចាកចេញពី ផ្ទះរបស់ពួកគេលើកលែងតែការទទួលអាហារ ។ លោកបានមានប្រសាសន៍ថា «នេះមិន មែនជាថ្ងៃឈប់សម្រាកទេ ។ វាគ្រាន់តែជាការគួរឱ្យភ្ញាក់ផ្អើល ។ ខ្ញុំមិនដែលឃើញរឿង បែបនេះទេក្នុងរយៈពេល ២៥ ឆ្នាំរបស់ខ្ញុំនៅទីនេះ» ។
ប្រភពដដែលបង្ហាញផងដែរថា ប្រាក់ចំណូលពីការលេងល្បែងសរុបរបស់ម៉ាកាវ មានចំនួនសរុប ៣៦.៥ កោដិដុល្លារកាលពីឆ្នាំមុនដែលជាការធ្លាក់ចុះ ៣.៤ ភាគរយបើ ប្រៀបធៀបទៅនឹងឆ្នាំមុន ប៉ុន្តែនៅតែប្រហែល ៦ ដងនៃប្រាក់ចំណូលរបស់ឡាសវេហ្គាស ។ ក្នុងប៉ុន្មានឆ្នាំថ្មីៗនេះប្រតិបត្តិករកាស៊ីណូធំបំផុតរបស់អាមេរិកដូចជា Wynn Resorts និង ឡាសវេហ្គាស បានមកពឹងផ្អែកលើទីតាំងរបស់ពួកគេនៅម៉ាកាវ ។
លោក ម៉ាតធ្យូ អូសសូលីនស្គី (Matthew Ossolinski) អ្នកប្រឹក្សាយោបល់ផ្នែកល្បែង និងវិនិយោគិនបាននិយាយថា ផលប៉ះពាល់នឹងមានក្នុងរយៈពេលខ្លី ។ លោកប៉ាន់ស្មានថា ការបិទរយៈពេល ២ សប្តាហ៍អាចនឹងកាត់បន្ថយប្រាក់ចំណូលពីការលេងល្បែងរបស់ ម៉ាកាវ ពី ៥ ទៅ ១៥ ភាគរយនៅឆ្នាំនេះ ។
ដោយឡែកអ្នកនាំពាក្យ Wynn Resorts លោក ម៉ៃខល វីវើ (Michael Weaver) បាននិយាយថា ក្រុមហ៊ុនបានគាំទ្រដល់ការសម្រេចចិត្តរបស់រដ្ឋាភិបាលក្នុងការបិទកា ស៊ីណូនៅម៉ាកាវ ។ លោកបានមានប្រសាសន៍ថា « ការព្រួយបារម្ភ និងអាទិភាពខ្ពស់ បំផុតរបស់យើង គឺសុខភាព និងសុវត្ថិភាពរបស់និយោជិក គ្រួសាររបស់ពួកគេ និងប្រជាជនម៉ាកាវ» ។ យើងជឿជាក់ថា គោលដៅរបស់រដ្ឋាភិបាលម៉ាកាវក្នុងកំឡុងពេល ដ៏លំបាកនេះ គឺត្រូវបានដាក់យ៉ាងពេញលេញ ។
កាលពីចុងខែមករាអាជ្ញាធរចិនបានចាប់ផ្តើមចាត់វិធានការយ៉ាងម៉ឺងម៉ាត់ដើម្បីទប់ស្កាត់ការផ្ទុះឡើងនៃជំងឺនេះ ។ ការផ្លាស់ប្តូរនេះកើតឡើងស្របពេលបុណ្យចូលឆ្នាំថ្មីដែលជាពេល វេលាកាក់កបបំផុតសម្រាប់កាស៊ីណូម៉ាកាវហើយទីក្រុងនេះបានមើលឃើញការធ្លាក់ចុះ ៨០ ភាគរយរួចទៅហើយ ។ អស់រយៈពេលជាច្រើនសប្តាហ៍អគារជាន់កាស៊ីណូជាច្រើន ដែលជាធម្មតាពោរពេញទៅដោយភ្ញៀវទេសចរចិនភាគច្រើននៅទំនេរ ៕ កែសម្រួលដោយ ៖ សុឃាក់
ចែករំលែកព័តមាននេះ