រាជធានីភ្នំពេញ៖ រដ្ឋាភិបាលកូរ៉េបានផ្តល់ឥណទានដល់កើនដល់ ៧០០លានដុល្លា រមកឲ្យ កម្ពុជាធ្វើការសាងសងវិស័យហេដ្ឋារចនាសម្ព័ន្ធ ។ នេះបើតាមសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។
យោងតាមបណ្តាញសង្គមហ្វេសប៊ុក សម្តេចតេជោដែលបានចេញផ្សាយកាលពីល្ងាច ថ្ងៃទី ៤ខែកុម្ភៈមកនេះក្នុងជំនួបជាមួយលោក មូន ជេអ៊ីន (Moon Jae-In) ប្រធានាធិបតីនៃ សាធារណរដ្ឋកូរ៉េខាងត្បូង សម្តេចតេជោបានលើកឡើងថាពាក់ព័ន្ធជាមួយនឹងវិស័យហេដ្ឋា រចនាសម្ព័ន្ធ សម្ដេចអរគុណដល់រដ្ឋាភិបាលកូរ៉េ ដែលបានជួយក្នុងការផ្ដល់ឥណទានដល់ កម្ពុជា ជាពិសេសចាប់ពីឆ្នាំ ២០១៩ ដល់ ២០២០ មានការកើនឡើងពី ៣៥០ ទៅ ៧០០ លាន ដុល្លារសហរដ្ឋអាមេរិក ដែលនឹងជួយក្នុងការតភ្ជាប់នឹងពង្រឹងវិស័យហេដ្ឋារចនាសម្ព័ន្ធកម្ពុជា ពីខេត្តមួយ ទៅខេត្តមួយ ដូចជាផ្លូវជាតិលេខ ២២ ផ្លូវជាតិលេខ ២ និងផ្លូវជាតិលេខ ៤៨ ផង ដែរ ។
ចំណែកពាក់ព័ន្ធជាមួយនឹងបញ្ហាធនធានមនុស្ស សម្ដេចតេជោអរគុណដល់រដ្ឋាភិបាល កូរ៉េដែលបានផ្ដល់អាហារូបករណ៍ជូនដល់និស្សិតកម្ពុជា និង អរគុណដល់កូរ៉េដែលបានផ្ដល់ ការគាំទ្រចំពោះពលករកម្ពុជានៅធ្វើការនៅកូរ៉េ ។ ជាមួយគ្នានោះដែរសម្ដេចក៏បានស្នើឱ្យមាន ការជំរុញកិច្ចព្រមព្រៀងពាក់ព័ន្ធជាមួយនឹងពាណិជ្ជកម្មក្នុងការបន្តពង្រឹង និងពង្រីកវិស័យ ពាណិជ្ជកម្មរវាងប្រទេសទាំងពីរ ឲ្យកាន់តែធំថែមទៀត ។
សម្ដេចក៏ចង់ឃើញសាធារណរដ្ឋកូរ៉េ ជួយសាងសង់ស្ពានដែលធ្វើឡើង ដោយសាធារណរដ្ឋ កូរ៉ ជាពិសេសស្ពានឆ្លងកាត់ទន្លេមេគង្គ ដ្បិតបច្ចុប្បន្នកម្ពុជា មានស្ពានមិត្តភាពកម្ពុជា ចិន ស្ពានមិត្តភាពកម្ពុជា ជប៉ុន ។
សម្ដេចតេជោ ស្នើឲ្យរដ្ឋាភិបាលកូរ៉េ ពិចារណាក្នុងការជួយក សាង ស្ពាននៅពេលខាងមុខផងដែរ ។ ក្នុងជំនួបនោះដែរលោក មូន ជេអ៊ីន (Moon Jae-In) ប្រធានាធិបតីនៃសាធារណរដ្ឋកូរ៉េ ខាងត្បូងបានបញ្ជាក់ថា ពិតជារីករាយដែលកូរ៉េបានបង្កើត មជ្ឈមណ្ឌលកសិកម្មនៅកម្ពុជា ធ្វើឲ្យប្រជាពលរដ្ឋកូរ៉េកាន់តែរីករាយជាមួយនឹងផលិតផល ផ្លែស្វាយពីប្រទេសកម្ពុជា និងទិន្នផលផលិតផលផ្សេងទៀតពីកម្ពុជាផងដែរ ។
លោកបានបញ្ជាក់ផងដែរថា ភាគីទាំងពីរមានឱកាសក្នុងការធ្វើកិច្ចសហប្រតិបត្តិការ លើវិស័យកសិកម្ម និងអភិវឌ្ឍន៍ជនបទនៅកម្ពុជាបន្ថែមទៀត ។ លោកថា នឹងខិតខំជំរុញឲ្យ វិនិយោគិន និងក្រុមហ៊ុនកូរ៉េមកបណ្ដាក់ទុនវិនិយោគនៅកម្ពុជា ឱ្យបានកាន់តែច្រើន និងការ ចាប់យកឱកាសក្នុងការកសាងហេដ្ឋារចនាសម្ព័ន្ធរូបវ័ន្តនៅកម្ពុជាផងដែរ ។ ជាមួយគ្នានោះ ដែរលោកប្រធានធិបតីក៏បានអរគុណដល់រដ្ឋាភិបាលកម្ពុជាដែលបានគាំទ្រដល់គោលការណ៍ ៣ របស់រដ្ឋាភិបាលកូរ៉េ ជាពិសេសក្នុងការធ្វើយ៉ាងណាប្រែក្លាយជាឧបទ្វី បកូរ៉េ ទៅជាឧបទ្វីប ដែលមានសន្តិភាព ហើយសង្ឃឹមថា វឌ្ឍនភាពនៃឧបទ្វីបកូរ៉េនឹង បន្តដំណើរការទៅមុខទៀត ។
កូរ៉េនឹងរៀបចំនូវកិច្ចប្រជុំកំពូលស្តីពី កំណើនបៃតងនៅចុង ឆ្នាំ ២០២០ ។ ពាក់ព័ន្ធជា មួយបញ្ហាពលករ រដ្ឋាភិបាលកូរ៉េ អរគុណដល់កម្ពុជា ក្នុងការជួយអភិវឌ្ឍសេដ្ឋកិច្ចរបស់កូរ៉េ នឹងបន្តការយកចិត្តទុកដាក់ចំពោះពលកររបស់កម្ពុជា ។ ពាក់ព័ន្ធជាមួយនឹងវិស័យទេសចរណ៍ ទៅលើអនុស្សារណៈដែលបានចុះកាលពីឆ្នាំ ២០០៦ បញ្ជាក់ថាយើងនឹងបន្តធ្វើការជាមួយគ្នា បន្ថែមទៀតនៅពេលខាងមុខ ៕ កែសម្រួលដោយ ៖ សុឃាក់
ចែករំលែកព័តមាននេះ