រាជធានីភ្នំពេញ ៖ បន្ទាប់ពីប្រកាសចូលរួមសោកស្តាយជាមួយកម្ពុជាពីឧបទ្ទវហេតុនៃការបាក់រលំអគារនៅខេត្តកំពត កាលពីពេលកន្លងមកនេះ អូស្ត្រាលីបានអះអាងថា កំពុងត្រៀមនឹងបញ្ជូនអ្នកបច្ចេកទេសមកធ្វើការសហការជាមួយកម្ពុជា ដើម្បីបណ្តុះបណ្តាលពង្រឹងវិស័យសំណង់ឲ្យកាន់តែល្អ ។
លោក កែវ ពិសិដ្ឋ នាយកខុទ្ទកាល័យសម្តេចហេង សំរិន បានឲ្យដឹងក្រោយក្នុងជំនួបរវាងសម្តេច ហេងសំរិន ប្រធានរដ្ឋសភា និងលោក ប៉ាប្លូជី ហូកាង (H.E.Mr. Pablo Chiho Kang) ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសអូស្រា្តលីប្រចាំនៅកម្ពុជា នាព្រឹកថ្ងៃទី០៦ ខែកុម្ភៈ ឆ្នាំ២០២០នៅវិមានរដ្ឋសភាយ៉ាងដូច្នេះ ៖«អូស្ត្រាលីកំពុងតែរៀបចំនូវអ្នកបច្ចេកទេស ដើម្បីសហការជាមួយគ្នា ពិសេសនោះវិទ្យាស្ថានបច្ចេកកម្ពុជា (សាលាតិចណូ) ដើម្បីធ្វើយ៉ាងណាវិស័យសំណង់កម្ពុជាកាន់តែល្អប្រសើរឡើង» ។
ជាមួយគ្នានោះដែរ លោកទូតបានសម្តែងការស្វាគមន៍ចំពោះភ្ញៀវទេសចរពីកម្ពុជាក៏ដូចជា ការបន្តសិក្សា និងអ្នកវិនិយោគទន់ពីកម្ពុជាផងដែរ ។ ក្នុងកិច្ចបទសម្ភាសន៍ជាមួយជាមួយអ្នកសារព័ត៌មានលោក កែវ ពិសិដ្ឋ បានបង្ហាញពីអារម្មណ៍ចំពោះអូស្ត្រាលីត្រៀមបញ្ជូលអ្នកបច្ចេកទេសផ្នែកសំណង់ដើម្បីសហការជាមួយកម្ពុជាយ៉ាងដូច្នេះថា ៖«បញ្ហានេះជាទស្សនៈរបស់ខ្ញុំ គិតថា ពិតជាមានសារៈសំខាន់ដោយហេតុថា ផ្នែកហេដ្ឋារចនាសម្ព័ន្ធផ្នែកសំណង់នៅកម្ពុជាមានកម្រិត ដូច្នេះបើអូស្ត្រាលីផ្តល់អ្នកជំនាញផ្នែកសំណង់នេះវាជាការល្អ ព្រោះនឹងធ្វើឲ្យវិស័យសំណង់នៅកម្ពុជាកាន់មានភាពល្អប្រសើរ»៕
ចែករំលែកព័តមាននេះ