រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា អគ្គីភ័យមួយបានឆាបឆេះបន្ទប់ដាក់សម្ភារជាន់ទី២ ផ្ទះល្វែងបុរី LV បង្កឲ្យមានការភ្ញាក់ផ្អើលទាំងព្រឹកដល់ប្រជាពលរដ្ឋនាំគ្នាដងទឹកជះ និងប្រើបំពង់ពន្លត់អគ្គីភ័យបាញ់ពន្លត់យ៉ាងសស្រាក់សស្រាំ ទើបរលត់ទៅវិញទាំងស្រុក ។…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា អគ្គីភ័យមួយបានឆាបឆេះបន្ទប់ដាក់សម្ភារជាន់ទី២ ផ្ទះល្វែងបុរី LV បង្កឲ្យមានការភ្ញាក់ផ្អើលទាំងព្រឹកដល់ប្រជាពលរដ្ឋនាំគ្នាដងទឹកជះ និងប្រើបំពង់ពន្លត់អគ្គីភ័យបាញ់ពន្លត់យ៉ាងសស្រាក់សស្រាំ ទើបរលត់ទៅវិញទាំងស្រុក ។ ហេតុការណ៍នោះបានកើតឡើង កាលពីវេលាម៉ោង៩និង២០នាទីព្រឹក ថ្ងៃទី០៦ ខែកុម្ភៈនេះ នៅក្នុងបុរី «LV» ស្ថិតនៅជិតផ្សារទួលពង្រ ក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានបានឲ្យដឹងថា នៅមុនពេលកើតហេតុ ខណៈដែលម្ចាស់កំពុងស្ថិតនៅខាងក្រោមជាន់ផ្ទាល់ដី ភ្លើងបានឆាបឆេះសម្ភារនៅក្នុងបន្ទប់ជាន់ទី២នោះ ដែលត្រូវបានម្ចាស់បិទទ្វារចាក់សោចោលបង្កឲ្យមានផ្សែងហុយទ្រលោម បណ្ដាលឲ្យមានការភ្ញាក់ផ្អើលដល់អ្នកជិតខាងនាំគ្នាដងទឹកជះ និងប្រើបំពង់ពន្លត់អគ្គីភ័យបាញ់ពន្លត់ក្នុងស្ថានភាពភ័យស្លន់ស្លោ ។ ពេលនោះអាជ្ញាធរ និងសមត្ថកច្ចនគរបាលខណ្ឌពោធិ៍សែនជ័យ និងនគរបាលប៉ុស្តិ៍ចោមចៅទី១ បានចេញអន្តរាគមន៍ដោយបានហៅរថយន្តពន្លត់អគ្គីភ័យជិត១គ្រឿងទៅកន់ចំណុចកើតហេតុនោះភ្លាមៗដែរ ។ ប៉ុន្តែពេលរថយន្តពន្លត់អគ្គីភ័យទៅដល់មិនបានបាញ់ទឹកទេ ព្រោះប្រជាពលរដ្ឋបាននាំគ្នាពន្លត់ភ្លើងរលត់ទៅវិញទាំងស្រុងទៅហើយ។
នគរបាលបានឲ្យដឹងថា គ្រោះអគ្គីភ័យនេះកើតឡើងសង្ស័យផ្ដើមចេញពីការទុស្សេចរន្តភ្លើងម៉ាស៊ីនបោកគក់ហើយបានឆេះរាលដាលដល់សម្ភារៈផ្សេងៗទៀត នៅក្នុងបន្ទប់នោះមានដូចជា ម៉ាស៊ីនភ្លើង គ្រែ តុ កៅអី រួមនឹងរបស់របរមួយចំនួនទៀតផងដែរ ។ ប៉ុន្តែទោះបីជាបែបណាដោយសារតែផ្ទះនោះ គឺជាផ្ទះថ្មទើបភ្លើងមិនឆេះរាលពេញក្នុងផ្ទះទាំងមូលភ្លាមៗដូចជា ផ្ទះឈើ ម្យ៉ាងប្រជាពលរដ្ឋសាមគ្គីគ្នាបានល្អ ក្នុងការពន្លត់ភ្លើងទើបរលត់ទៅវិញមុនពេលរថយន្តពន្លត់អក្គីភ័យទៅដល់ ៕
ចែករំលែកព័តមាននេះ