មួយខែបានកន្លងផុតហើយសម្រាប់ឆ្នាំថ្មីនេះ តើអ្នកបានគោរពតាមការសន្យាថានឹងសន្សំលុយនិងកាត់បន្ថយការចាយវាយទេ? ប្រសិនបើចម្លើយរបស់អ្នកគឺទេនោះ កុំទាន់បាក់ទឹកចិត្តព្រោះអត្ថបទនេះនឹងណែនាំអ្នកពីដំបូន្មានសំខាន់ៗដែលនឹងផ្លាស់ប្តូរគំនិតរបស់អ្នកលើលុយ និងជួយឲ្យអ្នកសម្រេចគោលដៅសម្រាប់ឆ្នាំថ្មីកាន់តែលឿនផងដែរ។ ដំបូន្មានទាំងនោះមានដូចតទៅ៖
១. ពិនិត្យមើលកាបូបលុយជារៀងរាល់ថ្ងៃ
ប្រសិនបើអ្នកជាមនុស្សចូលចិត្តប្រើក្រដាសប្រាក់ ចូរពិនិត្យកាបូបលុយរបស់អ្នក។ ប្រសិនបើអ្នកជាមនុស្សដែលចូលចិត្តប្រើសេវាវេលុយ ឬការទិញតាមទូរស័ព្ទ ចូរពិនិត្យមើលគណនីរបស់អ្នកជារៀងរាល់ថ្ងៃ។ ការធ្វើដូច្នេះនឹងអនុញ្ញាតឲ្យអ្នកដឹងច្បាស់ពីការចេញចូលនៃលុយរបស់អ្នកដែលអាចប្រាប់ពីទម្លាប់មិនល្អដែលអ្នកគួរបោះបង់។
២. ពេលទិញទំនិញ អ្នកគួរគិតពីការចំណាយនៃការប្រើប្រាស់
រវាងអាវ៥មួយថ្លៃ៥ដុល្លារ និងអាវមួយថ្លៃ ២០ដុល្លារ អ្នកប្រហែលជាគិតអាវដែលថ្លៃ ៥ដុល្លារជាជម្រើសល្អបំផុតហើយ។ តែការពិតជាក់ស្តែងវាជាអាវដែលអ្នកពាក់វាបានតែពីរដឹងប៉ុណ្ណោះហើយវានឹងខូចខាតទាំងស្រុង ដែលបង្ខំឲ្យអ្នកចំណាយថវិកាបន្ថែមដើម្បីទិញអាវថ្មី។ ពេលដែលពិចារណាលើផលិតផលដែលអ្នកត្រូវប្រើយូរដូចជាឧបករណ៍អគ្គិសនី ឬគ្រឿងអេឡិតត្រូណិចជាដើម អ្នកគួរតែផ្តល់អាទិភាពលើគុណភាពមុនគេ។
៣. ទុកលុយសន្សំក្នុងគណនីដាច់ដោយឡែកពីគណនីសម្រាប់ប្រាក់ចាយវាយ
វិធីងាយមួយដែលបង្ខំឲ្យមនុស្សសន្សំលុយដោយមានប្រសិទ្ធិភាពគឺការកាត់បន្ថយភាពងាយស្រួលក្នុងការដកលុយសម្រាប់ចាយវាយ។ ហើយវិធីសាស្ត្រដែលងាយជាងគេនិងអាចផ្តល់អត្ថប្រយោជន៍ដល់អ្នកច្រើនជាងគេគឺការបើកគណនីធនាគារមួយទៀតសម្រាប់ប្រាក់សន្សំសុទ្ធ។ ប៉ុន្តែពេលដែលជ្រើសរើសធនាគារសម្រាប់គណនីសន្សំ អ្នកគួរតែជ្រើសរើសធនាគារដែលខុសពីធនាគារដែលអ្នកមានគណនីសម្រាប់ប្រាក់ចាយវាយព្រោះការប្រើធនាគារតែមួយអនុញ្ញាតឲ្យអ្នកងាយនឹងផ្ទេរទឹកប្រាក់ពីគណនីមួយទៅគណនីមួយទៀត ៕ កែសម្រួលដោយ ៖ សុឃាក់
ចែករំលែកព័តមាននេះ