ពង្រីក និងកែលំអតំបន់ទេសចរណ៍សំខាន់ៗក្នុងខេត្តបន្ទាយមានជ័យ
- បន្ទាយមានជ័យ
ខេត្តបន្ទាយមានជ័យ ៖ នៅថ្ងៃទី០៥ កុម្ភៈ លោក អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោកប្រធានមន្ទីរវប្បធម៌…
ខេត្តបន្ទាយមានជ័យ ៖ នៅថ្ងៃទី០៥ កុម្ភៈ លោក អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោកប្រធានមន្ទីរវប្បធម៌ និងវិចិត្រសិល្បៈ និងមន្ត្រីពាក់ព័ន្ធជាច្រើន បានចុះទៅពិនិត្យមើលតំបន់ទេសចរណ៍សំខាន់ៗនៅរមណីយដ្ឋានអាងជើងគ្រុស, ប្រាសាទបន្ទាយឆ្មារ , ស្ពានភ្ជាប់និស្ស័យបារាយមេបុណ្យ និងចម្លាក់តោថ្មចំនួន៤ដែលទើបប្រទះឃើញ ក្នុងនោះក៏មានក្រុមការងារលោកជំទាវ ម៉ៅ ម៉ាល័យ កែ គឹមយ៉ាន ដើម្បីពិនិត្យមើលការត្រៀមរៀបចំកម្មវិធីមាឃបូជា នៅបរិវេណប្រាសាទបន្ទាយឆ្មារផងដែរ ។
លោក អ៊ុំ រាត្រី អភិបាលខេត្តបានបញ្ជាក់ថា ដោយពិនិត្យមើលការរៀបចំតំបន់ទេសចរណ៍ខាងលើ និងទីតាំងសម្រាប់ថ្ងៃបុណ្យមាឃបូជា នាពេលឆាប់ៗខាងមុខនេះ បានសម្តែងការសាទរជាមួយសមិទ្ធផលសម្រេចបានដែលជាការដឹកនាំរៀបចំ និងឧបត្ថម្ភថវិកាពីសំណាក់លោកជំទាវឧកញ៉ា ម៉ៅ មាល័យ កែ គឹមយ៉ាន ក្នុងតំបន់ភូមិសាស្ត្រប្រាសាទបន្ទាយឆ្មារ ឃុំបន្ទាយឆ្មារ ទាំងហេដ្ឋារចនាសម្ព័ន្ធគមនាគម ទាក់ទាញទេសចរណ៍ និងកែលំអរៀបចំតំបន់ទេសចរណ៍សំខាន់ៗ ជាការរួមចំណែកដ៍សំខាន់ លើកកម្ពស់ការអភិវឌ្ឍ អភិរក្សសម្បត្តិវប្បធម៌បុរាណ និងដើម្បីទាក់ទាញទេសចរណ៍ បង្កើនប្រាក់ចំណូលដល់សហគម និងប្រជាពលរដ្ឋបន្ថែមទៀត ។
លោកអភិបាលខេត្ត បានអំពាវនាវដល់ប្រជាពលរដ្ឋ អ្នកដំណើរទេសចរណ៍ជាតិ-អន្តរជាតិ សូមអញ្ជើញមកលេងកម្សាន្តតំបន់ទេសចរណ៍សំខាន់ៗ រួមនឹងកន្លែងកម្សាន្តផ្សេងទៀត ដោយសប្បាយរីករាយ ជាមួយការដំណើរមកកាន់ទីតាំងនេះលើផ្លូវដ៏ល្អផងដែរ។ នាពេលបច្ចុប្បន្ននេះយើងបានកំពុងរៀបចំបណ្តើរៗ និងមានការមកលេងកម្សាន្តសប្បាយ លំហែរកាយលក្ខណៈគ្រួសារ មិត្តភ័ក្រ និងបោះតង់ទស្សនកិច្ចសិក្សាស្វែងយល់ ពីអ្នកទេសចរណ៍ជាតិ និងអន្តរជាតិ មកកាន់តំបន់ទេសចរណ៍ទាំងអសនេះ យ៉ាងច្រើនកុះករ ពិសេសក្នុងថ្ងៃបុណ្យទានសំខាន់ៗ និងថ្ងៃសម្រាកចុងសប្តាហ៍ជាដើម។
ចែករំលែកព័តមាននេះ