រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរស.គម្នាក់ជិះម៉ូតូមួយគ្រឿងធ្វើដំណើរទៅរកស្ត្រីរកស៊ីផ្លូវភេទ ក្នុងគោលបំណងរួមមេត្រី ហើយក៏បានជួបស្ត្រីម្នាក់រួចបបួលទៅរួមមេត្រីក្នុងតម្លៃ១០ដុល្លារ ខណៈពេលឌុបនាងទៅមិនទាន់ទាំងបានអីបន្តិចផង ស្រាប់តែបាត់លុយអស់100$ បង្កឱ្យមានការភ្ញាក់ផ្អើលដល់សមត្ថកិច្ចមូលដ្ឋានចុះមកសួរនាំកាលពីម៉ោង11យប់ ថ្ងៃទី5 ខែកុម្ភៈ ឆ្នាំ2020 តាមបណ្តោយផ្លូវព្រះស៊ីសុវត្ថិ នៅចំណុចមុខផ្សាររាត្រី ស្ថិតក្នុងសង្កាត់វត្តភ្នំ ខណ្ឌដូនពេញ ។
តាមប្រភពពីសន្តិសុខផ្សាររាត្រីបានប្រាប់ឱ្យដឹងថា មុនពេលកើតហេតុ គាត់បានឃើញបុរសម្នាក់ជាមនុស្ស.គមិនស្គាល់អត្តសញ្ញាណទេ បានជិះម៉ូតូមួយគ្រឿងម៉ាកហុងដាឌ្រីម សេរី2005 មិនចាំស្លាកលេខនោះទេ ដឹកស្ត្រីម្នាក់មានអាយុជិត30ឆ្នាំ និងមានកូន៣នាក់មានស្រុកកំណើត។ ហើយមិនដឹងថា ជាយ៉ាងមិចនោះទេ បានជាប្រវាយប្រតប់គ្នាឡើងផ្អើលពេញមុខផ្សាររាត្រី ធ្វើឲ្យគាត់ជាសន្តិសុខស្មានតែពួកគាត់ជាប្តីប្រពន្ធនឹងគ្នា ក៏សួរនាំទៅ ទើបខាងស្ត្រីដែលនៅជាមួយនោះបានប្រាប់ថា គាត់ជាអ្នករកស៊ីផ្លូវ ត្រូវបុរស.គរូបនោះចោទគាត់ថា លួចលុយ100$ ខណៈពេលបបួលគាត់ទៅដេកក្នុងតំលៃតែ10$នោះទេ ។
ដោយឡែកជនរងគ្រោះដែលជាបុរស.គបានសរសេរប្រាប់ថា ស្ត្រីខាងលើនេះជាអ្នកលួចលុយគាត់ចំនួន100$ ទាំងគាត់ទើបនឹងជិះម៉ូតូដឹកនាងមកដល់មុខផ្ទះសំណាក់ មិនទាន់ទាំងបានធ្វើប្រតិបត្តិការអីបន្តិចផង ក៏ដឹងថាបាត់លុយអស់១០០ដុល្លារ គាត់ក៏បានដឹកទៅមុខផ្សាររាត្រីក្របួច.កអាវស្ត្រីរកស៊ីផ្លូវភេទនោះជាប់មិនលែង ទើបបង្កឱ្យមានការភ្ញាក់ផ្អើលទៅដល់បងប្អូនប្រជាពលរដ្ឋនាំគ្នាចោមរោម និងផ្អើលទៅដល់សមត្ថកិច្ចប៉ុស្តិ៍វត្តភ្នំ ចុះមកដល់កន្លែងកើតហេតុសួរនាំតែម្តង ។ ហើយដោយសារតែសមត្ថកិច្ចសួរទៅដឹងរឿងហេតុច្បាស់ហើយ ក៏បន្តដឹកជនសង្ស័យ និងជនរងគ្រោះយកទៅកាន់ប៉ុស្តិ៍ស្រះចក ដើម្បីដាក់ពាក្យបណ្តឹង ។
ក្រោយពេលកើតហេតុខាងលើនេះ ជនរងគ្រោះដែលជាបុរស.គបានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលស្រះចក ដើម្បីឱ្យសមត្ថកិច្ចចាត់ការទៅតាមនីតិវិធី ៕ (កែមស្រួលដោយ ៖ បុប្ផា)
ចែករំលែកព័តមាននេះ