សិង្ហបុរី៖ប្តីប្រពន្ធជនជាតិសិង្ហបុរីមួយគូដែលទើបនឹងទៅលេងភូមិមួយក្នុងខេត្ត ដែលជាទីតាំងផ្ទុះជំងឺកូរ៉ូណាថ្ ដូចនឹង Wuhan បានសម្រេចចិត្តធ្វើការ Live វីដេអូចេញពីកន្លែងរស់នៅទៅកាន់រោងការ ដើម្បីការពារមិនឱ្យមានការឆ្លងកូរ៉ូណាថ្មី ។
លោកនិងលោកស្រី Yu ដែលទើបរៀបការថ្មី មានពិធីមង្គលការមិនធម្មតាទេ ។ ជំនួសឱ្យការនៅទីនោះដោយផ្ទាល់ ពួកគាត់បាន Live វីដេអូពីក្នុងបន្ទប់សណ្ឋាគារ មកកាន់រោងការ។ នេះគឺមកពីអ្នកទាំងពីរបានទៅលេងភូមិរបស់ម្តាយខាងប្រុស នៅខេត្ត Hunan ដែលជាខេត្តមានផ្ទុះកូរ៉ូណាថ្មី ដូចគ្នាទៅនឹងក្រុង Wuhan ដែរ។
ដូចនេះ បានជាពួកគេសម្រេចចិត្តនៅឆ្ងាយពីមនុស្សម្នារយៈពេល១៤ថ្ងៃ ដើម្បីប្រាកដថា គ្មានមានផ្ទុកជំងឺនេះ។ អ្វីដែលកាន់តែពិបាក គឺពួកគេមិនអាចមកចូលរួមពិធីមង្គលការរបស់ខ្លួនបានដោយផ្ទាល់ ទើបពួកគេសម្រេចចិត្ត Live វីដេអូជំនួសវិញ។
កូនក្រមុំកូនកម្លោះត្រកូល Yu បាននិយាយតាម Live ថា៖ «អរគុណដែលបានចូលរួមពិធីមង្គលការរបស់យើង ។ យើងសោកស្តាយណាស់ដែលយើងមិនអាចរីករាយជាមួយពេលវេលាដ៏អស្ចារ្យនៅទីនោះជាមួយអ្នកផ្ទាល់ ប៉ុន្តែយើងនៅតែរីករាយដែលបានឃើញអ្នកនៅទីនេះ» ។
ភ្ញៀវដែលបានអញ្ជើញចូលរួមក្នុងពិធីមង្គលការទាំងអស់ បានចូលរួមក្នុងព្រឹត្តិការណ៍ពិសេសនេះ ទោះបីជាមានការប្រកាសអំពីអវត្តមានរបស់គូស្នេហ៍ដែលទើបតែរៀបការក៏ដោយ ។ ដោយសារឪពុកម្តាយរបស់កូនក្រមុំក៏បានធ្វើដំណើរទៅខេត្ត Hunan ពួកគេមិនអាចចូលរួមពិធីមង្គលការបានដែរ ដែលគ្រាន់តែទុកឱ្យបងស្រីរបស់កូនក្រមុំមកកំដរភ្ញៀវតែប៉ុណ្ណោះ៕
ចែករំលែកព័តមាននេះ