ទូរស័ព្ទស្មាតហ្វូន Realme 5i ប្រកាសលក់ចាប់ពីថ្ងៃទី៨ ខែកុម្ភៈ នៅកម្ពុជា ជាមួយតម្លៃមិនគួរឱ្យជឿ
- ភ្នំពេញ
រាជធានីភ្នំពេញ ៖ ទូរស័ព្ទស្មាតហ្វូនរបស់ Realme គឺ Realme 5i ដែលមានកម្លាំងថាមពលថ្មីរហូតដល់ 5000mAh និងកាំមេរ៉ា…
រាជធានីភ្នំពេញ ៖ ទូរស័ព្ទស្មាតហ្វូនរបស់ Realme គឺ Realme 5i ដែលមានកម្លាំងថាមពលថ្មីរហូតដល់ 5000mAh និងកាំមេរ៉ា…
រាជធានីភ្នំពេញ ៖ ទូរស័ព្ទស្មាតហ្វូនរបស់ Realme គឺ Realme 5i ដែលមានកម្លាំងថាមពលថ្មីរហូតដល់ 5000mAh និងកាំមេរ៉ា ៤គ្រាប់ បានប្រកាសលក់ជាផ្លូវការនៅលើទីផ្សារប្រទេសកម្ពុជា ចាប់ពីថ្ងៃទី០៨ ខែកុម្ភៈ ឆ្នាំ២០២០ ជាមួយតម្លៃមិនគួរឱ្យជឿ គឺត្រឹមតែ ១៦៩ដុល្លារអាមេរិកតែប៉ុណ្ណោះ ។ នេះបើតាមការប្រកាសរបស់តំណាងទីផ្សារនៃក្រុមហ៊ុនចែកចាយទូរស័ព្ទស្មាតហ្វូននេះ ។
នៅក្នុងពិធីប្រកាសដាក់លក់ជាផ្លូវការកាលពីរសៀលថ្ងៃទី០៥ ខែកុម្ភៈ ឆ្នាំ ២០២០នេះ តំណាងទីផ្សារនៃទូរស្មាតហ្វូន Realme បានឱ្យដឹងថា វត្តមានរបស់ខ្លួន នៅលើទីផ្សារប្រទេសមានរយៈពេលខ្លីមែន ក៏ប៉ុន្តែកិត្តិសព្ទរបស់ខ្លួនលើទីផ្សារមួយនេះ កំពុងបានជ្រួតជ្រាបដល់គ្រប់ស្រទាប់យុវវ័យនៃប្រទេសកម្ពុជា ។
អ្វីដែលធ្វើឱ្យទូរស័ព្ទមួយនេះទទួលបានការគាំទ្រនោះ គឺគុណភាព និងតម្លៃ ប្រកួតប្រជែង ជាក់ស្ដែង ទូរស័ព្ទ Realme 5i ដែលប្រកាសលក់នៅពេលនេះ គឺមានលក្ខណៈពិសេសៗដូចជា រចនាម៉ូដឡើងដោយមានពីរជម្រើស គឺ ពណ៌ Forest Green និង Aqua Blue ។ ហើយអ្វីដែលខុសគ្នាជាមួយនឹង realme 5 និង realme 5 pro នោះគឺ realme 5i មិនមាននូវផ្ទៃក្រោយរលោងនោះទេ ដោយមានជាការឌីហ្សាញថ្មីដែលមានជាសភាពឆ្នូត ដែលងាយស្រួលក្នុងការកាន់ និងមិនមានបន្សល់ស្នាមក្រយៅដៃនៅលើទូរស័ព្ទដែលធ្វើឱ្យមើលទៅមិនស្អាត ។
realme 5i បំពាក់មកជាមួយថាមពលថ្ម 5000mAh ដែលអាចទ្រទ្រង់ការសាកថ្មបាន 10W និងអាចទុកបានរហូតដល់ទៅ ៣០ថ្ងៃ ដែលមានភាពងាយស្រួល និងជាជម្រើសដ៏ល្អសម្រាប់អ្នកដែលមិនចូលចិត្តយក Power bank តាមខ្លួន ។ វាផ្តល់នូវទំហំផ្ទុកទិន្នន័យដល់ទៅ 64GB ដែលអាចបន្ថែមតាមរយៈ memory microSD (រហូតដល់ 256GB) និងផ្តល់ជាជម្រើសកាន់តែច្រើនសម្រាប់អ្នកទាំងអស់គ្នា ។
ទូរស័ព្ទមួយនេះបានបំពាក់កាមេរ៉ាក្រោយរហូតដល់ 4គ្រាប់ ដោយកាមេរ៉ាគោលមានទំហំ 12 មេហ្គាភិចស៊ែល អាភិចឈើ f/1.8, ចំណែកឯលែន មួយទៀតនោះគឺ 8 មេហ្គាភិចស៊ែល អាភិចឈើ f/2.25 ដែលជាលែនទូលាយអាចថតរូបភាពបានរហូតដល់ 118.9 ដឺក្រេ ។ មិនត្រឹមតែប៉ុណ្ណោះ វាក៏ភ្ជាប់មកជាមួយលែនថតរូបបញ្ឃរ ឬហៅថា Portrait 2 មេហ្គាភិចស៊ែល អាភិចឈើ f/2.0 នឹងលែនចុងក្រោយជាលែនម៉ាក្រូសម្រាប់ថតរូបជិត 2 មេហ្គាភិចស៊ែល ថតរូបបានជិតរហូតដល់ 4 សង់ទីម៉ែត ។ ចំណែកឯកាមេរ៉ាមុខមានទំហំ 8 មេហ្គាភិចស៊ែល ទំហំអាភិចឈើគឺ f/2.0។ មិនត្រឹមតែប៉ុណ្ណោះ លក្ខណៈពិសេសនៃកាមេរ៉ានេះអាចថតវីដេអូបានដល់កម្រិត 4K 30fps និង វីដេអូមានសកម្មភាពយឺតៗ ឬ Slo-mo បានដល់ 120fps ជាមួយនឹងបច្ចេកវិទ្យា Super night mode សម្រាប់ថតពេលយប់ ឬទីងងឹត ។
realme 5i បានបំពាក់នូវបន្ទះឈីប snapdragon 665AIE ជាមួយនិងអេក្រង់ធំទូលាយ ដែលផ្តល់ភាពងាយស្រួលក្នុងការមើល។
realme 5i អាចប្រើបាន ស៊ីម ២ ដំណើរការនៅលើប្រព័ន្ធ Android Pie និង ColorOS 6.0.1 ។ ចំណែកឯអេក្រង់មានទំហំធំទូលាយរហូតដល់ 6.5 អ៊ីញ ប្រភេទ HD + (720 x 1600 ភីចសែល) ដែលអាចការពារការជ្រាបចូលទឹកសមាមាត្រ 1200:1 និងការពារដោយកញ្ចក់ Gorilla Glass 3+។ តួរបង្ហាញបានអត្រារហូតដល់ 89%ពីអេក្រងរហូតដល់តួរខ្លួន, ចំណែកកម្លាំងពន្លឺ 480nits ។ ស្មាតហ្វូន realme ថ្មីនេះ ភ្ជាប់ជាមួយបន្ទះឈីប octa-core Qualcomm Snapdragon 665 SoC និង RAM 4GB ។
មិនត្រឹមតែប៉ុណ្ណោះ realme 5i ក៏មានលក្ខណៈពិសេសផ្សេងទៀតដូចជា ជម្រើសនៃការតភ្ជាប់រួមមាន 4G LTE, ប្ល៊ូធូស 5.0, wifi 802.11 ac, និងGPS។ ឧបករណ៍ចាប់សញ្ញារបស់ realme 5i ប្រៀបដូចជាត្រីវិស័យ ។ មិនត្រឹមតែប៉ុណ្ណោះវាភ្ជាប់មកជាមួយ Sensor ការកំណត់ពន្លឺដោយស្វ័យប្រវត្តិ, ចាប់សញ្ញានៅជុំវិញខ្លួន, វាស់ល្បឿន, ចាប់សញ្ញាចលនារបស់ស្មាតហ្វូន និង Sensor ស្កែនម្រាមដៃដែលអាចផ្ទៀងផ្ទាត់បានត្រឹមត្រូវបំផុត ។ វិមាត្រនៃទូរស័ព្ទ realme មានទំហំ 164,4 គុណនឹង 75 គុណ 9,3 មិល្លីម៉ែត្រហើយវាមានទំងន់ 195 ក្រាម ។
គួរបញ្ជាក់ថា ចាប់តាំងពី realme បានចូលមកក្នុងទីផ្សារប្រទេសកម្ពុជាមក realme បានចូលរួមសកម្មភាពជាច្រើនជាមួយយុវវ័យ ។ ដោយក្នុងកំឡុងខែមករានេះ realme បានប្រកាសសហការជាមួយ smart Axiata នៅក្នុងការប្រកួត PUBG ។ទន្ទឹមនឹងនេះ realme ក៏បានប្រកាសជាផ្លូវការថា លោក G-Devith និង លោក Lay Bunleng បានចូលជាសមាជិកនៃគ្រួសារ realme ផងដែរ ។
ហើយនៅក្នុងកម្មវិធី MEDIA TASTING លើកនេះ យើងក៏បានជួបជាមួយនឹងតារាល្បីៗជាច្រើនរូប រួមមាន លោក Ream Angkor លោក Heng Veasna Bong Beemedia និងតារាជាច្រើនរូបទៀត ។ មិនដឹងថា realme នឹងមានការសហការដ៏អស្ចារ្យអ្វីទៀតដែលនឹងធ្វើឡើងនៅពេលក្រោយនេះ សូមទន្ទឹមរង់ចាំទាំងអស់គ្នា ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ