រាជធានីភ្នំពេញ៖ ស្ថិតក្នុងបរិកាវិស័យកាត់ដេរសម្លៀកបំពាក់ និងផលិតស្បែកជើងអាចនឹង ប្រឈមការបាត់បង់អត្ថប្រយោជន៍ផ្នែកខ្លះៗនៅពេលដែលសភាពអឺរ៉ុបគ្រោងប្រកាសលទ្ធផលផ្លូវការពីការដក EBA ពីកម្ពុជា ។ មន្ត្រីថ្នាក់ដឹកនាំកំពូលនៃការរៀបចំគោលនយោបា យសេដ្ឋកិច្ចកម្ពុជា ចង់ឃើញអ្នកវិនិយោគិនក្នុងស្រុកថែមទៀតចូលរួមវិនិយោគនៅក្នុង…
រាជធានីភ្នំពេញ៖ ស្ថិតក្នុងបរិកាវិស័យកាត់ដេរសម្លៀកបំពាក់ និងផលិតស្បែកជើងអាចនឹង ប្រឈមការបាត់បង់អត្ថប្រយោជន៍ផ្នែកខ្លះៗនៅពេលដែលសភាពអឺរ៉ុបគ្រោងប្រកាសលទ្ធផលផ្លូវការពីការដក EBA ពីកម្ពុជា ។ មន្ត្រីថ្នាក់ដឹកនាំកំពូលនៃការរៀបចំគោលនយោបា យសេដ្ឋកិច្ចកម្ពុជា ចង់ឃើញអ្នកវិនិយោគិនក្នុងស្រុកថែមទៀតចូលរួមវិនិយោគនៅក្នុង វិស័យសំខាន់មួយនេះឱ្យបានច្រើនខណៈដែលវិស័យនេះដើរតួរសំខាន់ក្នុងការរក្សា និង ជំរុញកំណើនសេដ្ឋកិច្ចជាតិ ។
លោក វង្សី វិស្សុត រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុបានឱ្យដឹងនៅ ក្នុងវេទិកាសាធារណៈស្តីពីការគ្រប់គ្រង់ម៉ាក្រូសេដ្ឋកិច្ច និងច្បាប់ថវិកាឆ្នាំ ២០២០ កាលពី ថ្ងៃទី ៣០ខែមករា ឆ្នាំ ២០២០ថា ក្នុងវិស័យកាត់ដេរសម្លៀកបំពាក់ និងផលិតស្បែកជើង មកដល់សព្វថ្ងៃនេះ មិនសូវមានអ្នកវិនិយោគិនក្នុងស្រុកបោះទុនវិនិយោគច្រើននោះទេ ។ ដូចនេះចង់បានអ្នកវិនិយោគក្នុងស្រុកបន្ថែមទៀត ខណៈវិស័យមួយនេះភាគច្រើនបោះទុន វិនិយោគដោយវិនិយោគិនបរទេស ។លោក វង្សី វិស្សុត មានប្រសាសន៍ថា «សព្វថ្ងៃវិស័យកាត់ដេរជាង ៩០% ថៅកែមកបរទេស ទាំងអស់ ហើយវាមិនល្អទេ ត្រូវរកយុទ្ធសាស្ត្រទាញខ្មែរឱ្យវិនិយោគក្នុងវិស័យកាត់ដេរឱ្យ បានច្រើន» ។
លោក កាំង ម៉ូលីកា អគ្គលេខាធិការរងសមាគមរោងចក្រកាត់ដេរនៅកម្ពុជាហៅថា GMAC បានឱ្យដឹងតាមសារបណ្តាញទំនាក់ទំនងសង្គមហ្វេសប៊ុក កាលពីថ្ងៃទី ៣ ខែកុម្ភៈ ថារហូត មកដល់ទល់ពេលនេះអ្នកដែលជាវិនិយោគទុនក្នុងស្រុកជាជនជាតិខ្មែរយើងមានមិនច្រើនទេ គឺមានតិចបំផុត ។ បើសិនមានអ្នកវិនិយោគជាជនជាតិខ្មែរយើងវិនិយោគក្នុងវិស័យនេះ វាល្អជាងអ្នកវិនិយោគមកពីខាងក្រៅ ល្អត្រង់គាត់អាចមានទស្សនៈវិស័យយូរអង្វែង សម្រាប់កម្ពុជាយើង ។ដោយឡែកសម្រាប់អ្នកវិនិយោគបរទេសគាត់អាចមានការ
ប្រែប្រួលបើសិនស្ថានភាពមិនអំណោផលយ៉ាងណាមួយ ។លោកបន្តថា បើជាអ្នកវិនិយោគក្នុងស្រុកវិនិយោគក្នុងវិស័យនេះ អ៊ីចឹងប្រាក់ចំណេញ ទទួលបានវានៅក្នុងប្រទេសរបស់យើង អាចយកមកប្រើប្រាស់ជំរុញសេដ្ឋកិច្ចនៅក្នុង ប្រទេសកាន់តែច្រើនថែមទៀត ជាជាងប្រាក់ចំណេញត្រូវបានហូរចេញទៅខាងក្រៅ ។
តែទោះបីជាយ៉ាងណា អ្នកវិនិយោគក្នុងស្រុក និងក្រៅសុទ្ធតែបានរួមចំណែកនៅក្នុងការ ចូលរួមអភិវឌ្ឍន៍សេដ្ឋកិច្ចជាតិយើង ។ ចំណុចវិជ្ជមានរបស់អ្នកវិនិយោគបរទេស គឺថាគេ ជាក្រុមហ៊ុនធំៗគេមានស្តង់ដា, គេមានបច្ចេកវិទ្យា និងមានប្រព័ន្ធគ្រប់គ្រងមានលក្ខណៈ ខ្ពស់ អ៊ីចឹងវាជាការផ្ទេរចំណេះដឹងទាំងនោះចូលមកក្នុងស្រុករបស់យើង ។
បើតាមអគ្គលេខាធិការរង GMAC ឱ្យដឹងទៀតថា តាមទិន្នន័យរបស់ក្រសួងការងារថា រោង ចក្រកាត់ដេរ និងផលិតស្បែកជើង និងកាបូបនេះវាមានប្រហែល ១.០០០ រោងចក្រដែល មានកម្មកររហូតដល់ជាង ៨០ ម៉ឺននាក់ ។ ដោយឡែកសម្រាប់សមាគមរោងចក្រកាត់ដេរ របស់យើងមានសមាជិកជាអ្នកនាំចេញធំៗមានប្រហែល ៥៨០ រោងចក្រ ៕ កែសម្រួលដោយ ៖ សុឃាក់
ចែករំលែកព័តមាននេះ