ប្រទេសចិន ៖ បើតាមអាជ្ញាធរសុខាភិបាលចិន បានរាយការណ៍នាថ្ងៃទី៤ ខែកុម្ភៈ ឆ្នាំ២០២០ថា ចំនួនអ្នកជំងឺឆ្លងវីរុសកូរ៉ូណាថ្មី ដែលព្យាបាលបានជាសះស្បើយ មានលើសពីចំនួនអ្នកបាត់បង់ជីវិតថ្មី ចាប់តាំងពីថ្ងៃទី២៨…
ប្រទេសចិន ៖ បើតាមអាជ្ញាធរសុខាភិបាលចិន បានរាយការណ៍នាថ្ងៃទី៤ ខែកុម្ភៈ ឆ្នាំ២០២០ថា ចំនួនអ្នកជំងឺឆ្លងវីរុសកូរ៉ូណាថ្មី ដែលព្យាបាលបានជាសះស្បើយ មានលើសពីចំនួនអ្នកបាត់បង់ជីវិតថ្មី ចាប់តាំងពីថ្ងៃទី២៨ ខែមករាមក បែបនេះបង្ហាញថា ការព្យាបាលជាសកលនៃការឆ្លង ចាប់មានប្រសិទ្ធភាពហើយ។
លោក JIAO YAHUI អ្នកទទួលខុសត្រូវនៃគណៈកម្មាធិការសុខាភិបាលជាតិចិន ក្នុងសន្និសីទសារព័ត៌មានមួយនាទីក្រុងប៉េកាំង បានលាតត្រដាងថា ការព្យាបាលដោយតាមដានរោគសញ្ញានិងប្រើថ្នាំប្រឆាំងវីរុសសម្រាប់បណ្ដាអ្នកជំងឺដែលឆ្លង ព្រមទាំងការព្យាបាលរួមបញ្ចូលគ្នាវេជ្ជសាស្ត្របុរាណចិន និងវេជ្ចសាស្ត្រលោកខាងលិច និងការព្យាបាលជួយទ្រទ្រង់ឯទៀតៗ ដូចជាការប្រើខ្យល់អុកស៊ីហ្សែនសម្រាប់ជួយដល់ការដកដង្ហើម និងការលាងឈាមជាដើម ព្រមទាំងការប្រើវិធីសាស្ត្រ OXYGENATION EXTRACORPORELLE PAR MEMBRANE (ECMO)សម្រាប់បណ្ដាអ្នកជំងឺធ្ងន់ បានផ្ដល់លទ្ធផលនានា។
យើងបានជម្រុញបទពិសោធន៍ និងស្រាវជ្រាវលើបណ្ដាវិធិសាស្ត្រព្យាបាល ក្នុងការតស៊ូប្រឆាំងវីរុស ដើម្បីប្រកាន់យកវិធីសាស្ត្រដែលមានប្រសិទ្ធភាព ក្នុងការអនុវត្តគ្លីនិកឲ្យបានឆាប់រហ័សបំផុតតាមដែលអាចធ្វើទៅបាន។ ពិតមែនហើយវាមានការលើសខ្វះគ្នាចុះឡើងនៃចំនួនអ្នកជំងឹដែលចេញពីមន្ទីរពេទ្យ និងចំនួនអ្នកដែលបាត់បង់ជីវិតថ្មី តែនោះជាដំណើរការធម្មតាក្នុងការវិវត្តន៍នៃជំងឺ៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)
ចែករំលែកព័តមាននេះ